Pʉɔ-Lɔ́mɑ 3:4 - Kɑɑ Fí

⁴ Ŋɡɑ́ŋ, ḿbɔ́ ɑ pɔɔ pɔ́Ꞌɔ ɡɛ. Tɛ mbɑ pɑ́Ꞌ pʉɔmɛsɔŋ tsʉʉ pɔ́ pɔ ɡɑŋcɔtnu, jʉ́ Sɛ́ lɔɔ ŋ́kɛ́ ńcú nu ḿbɛn ŋ́kúpmɛ pɔ́. Ɛ́ ndʉ́ŋndʉŋ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ Sɛ́ ŋɡɔ: «Gu Sɛ́ pɔ́ tɛ ńcú nu pɛ́ ɡẅɛɛ nɛjí ŋɡɔ sẅiŋɛ yú ndʉ́ŋndʉŋ, ḿbɔ́ yi ŋu lɑɑ ŋ́ŋɑk wú ɑ pɔɔ wú jʉ́.»

Pʉɔ-Lɔ́mɑ 3:4 ပူးပေါင်းရင်းမြစ်များ

Mɑtʉ̈ɔ 11:19

Mɔ́ɔ-Ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu ḿbɛn ńnɔ́ mɛluꞋ, pɔ́p cú ŋɡɔ pɛ́ líŋɛ wɛ́ lɑ ńjʉ́ɔ, ŋu wɑ́ pɔ́ ŋkwɛ́tyúu, ḿbɔ́ nɛ́nɔ́mɛluꞋ, ḿbɔ́ súu-pɑcẅɛ́ɛntsup-Pɑlɔ́mɑ mbɑ wɛ pɛcɔ́ pʉɔ kʉʉnɛ́nɛ. Lɑ́ pɛ́ sɛ́ ńjʉ́ɔ jínu yi ɛ́ yɛ́ Sɛ́ ńdɛɛ pɔ nǔu mɛfɑꞋ mí ɛ́ ɡɛnɛ.»

Lúkɑ́shi 20:16

A ŋ́ɡɛ ńtɔ́ ŋ́ɡɛ pɛ́ jẅítɛ wɔ́p. A níꞋ ŋkɑ́Ꞌ mbɔ̌ pɑniitɛ mɛluꞋ pɛndɛꞋ. Lɑ́Ꞌ zúꞋ pɔ́Ꞌɔ, ńcú ŋɡɔ: «Ŋɡɑ́ŋ, ḿbɔ́ ɛ́ pɔɔ pɔ́ pɑ́Ꞌ pɔ́!»

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Pʉɔ-Lɔ́mɑ 11:1

Ɛ́ pɔ́ pɔ́Ꞌɔ, m bíkŋɛ ŋɡɔ tɛ ɛ́ pɑ́Ꞌɑ, mbɔ Sɛ́ mɛꞋ pʉɔ pɛ́ kɛkʉ̈ɔ́? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́, mbíꞋŋɡɔ mbɑ mɔ yɑ́ɑ mɔ ŋu-Íslɑyɛ̂l, njẅɛt-Ábɛlɛhɑ̂m, ɛ́fú nǔu tsɛ́nndɑ́-Mbɛ̌zɑmɛn.

Pʉɔ-Lɔ́mɑ 11:11

N dɑꞋ ŋɡɔ́mbɑ̌ɑ, pɑ́Ꞌ pɑíslɑyɛ̂l kɑ pɔ́ tɛ ńtɛ́m ku yɔ́p nǔu Kɛlístɔ ḿvu Sɛ́ lɑ́, ɛ́ kɑ pɔ́ pɔ́Ꞌɔ, ḿbɔ́ ndɑꞋ ndɑꞋ? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Lɑ́ ɛ́ kɑ fú pɔ pɑ́Ꞌ pɔ́p tɛ́mnɛ ŋkwɛn yɔ́p, tɛ pʉɔ pi pɔ́p kɑ́ pɔ́ pɑíslɑyɛ̂l pɔ́ lɛɛtɛ nǔu ńduk. Sɛ́ kɑ pɔ́ ŋ́ɡɛ pɑ́Ꞌɑ nɛpɔ́ yi Pɑíslɑyɛ̂l ɡʉ ńzɑ́p lík nǔu, ŋ́kɔ́Ꞌ lɔ́ŋ.

Pʉɔ-Lɔ́mɑ 3:31

Ńjí ŋɡɔ ɛ́ pɑ́Ꞌɑ ḿbɔ́ yi pɛkŋɛ lɑɑ ńzɑ́p tʉ́m nǔu Yɛ́su, mbɔ nɛpʉ́ʉ kɑ́ pɛ́t yɛcɔ́ nu pɔ́ kɛkʉ̈ɔ́? Ŋɡɑ́ŋ ɛ́ kɑ́ lɔk ḿbɔ́ pɔ́Ꞌɔ pɔ́. Tɛ ńtsʉ́Ꞌ pɔ́Ꞌɔ, mbɔ pɛkŋɛ lɔk pɔ́Ꞌɔ, ńtík nɛpʉ́ʉ kwɑꞋ nǔu zʉꞋ yɛ́.

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Pʉɔ-Lɔ́mɑ 7:13

Tɛ ɛ́ pɔ́Ꞌɔ pɑ́Ꞌnɛ ńdɔk ńcú ŋɡɔ yúu mi ɛ́ pɔŋnɛ tɔ́ nǔu mɔ ńtsʉ́Ꞌ pɔ nɛvú kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Nu kɛpɔŋ kɑ ɡɛnɛ m pfú, nu kɛpɔŋ kɑ tsuŋ ńnyɛt ŋɡɔ ɛ́ kɑ́ pɔŋ. Ɛ́ kɑ lɛɛtɛ nǔu yúu mi ɛ́ pɔŋnɛ ńdɔk ŋ́ɡɛ m pfú, ńdɔk pɔ́Ꞌɔ, ńdɛɛ nǔu yúu mi Sɛ́ kɑ cúnɛ ŋɡɔ pɛ́ ɡɛ, ńcẅɛt kwɑꞋ mɑ́mɑ́ nu kɛpɔŋ.

Pʉɔ-Lɔ́mɑ 7:7

Pɛ́ lɔk pɑ́Ꞌnɛ ńcú ŋɡɔ nɛpʉ́ʉ-Sɛ́ yúu kɛpɔŋ kɛkʉ̈ɔ́? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́, mbíꞋŋɡɔ ŋ kɑ fú pɔ nǔu nɛpʉ́ʉ ɛ̂nɑ́ lɑ ńjí nu kɛpɔŋ, ɛ́ kɑ pɔ́ pɛ́Ꞌnɛ ɛ́ pɔɔ ńcú ŋɡɔ: «Kɔɔ ɡẅɛɛ kɛ́ɡʉ̈ɔꞋ pɔ́, mbɔ ŋ kɑ́ jí kɛ́ɡʉ̈ɔꞋ pɔ́.»

Pʉɔ-Lɔ́mɑ 9:14

Ɛ́ lɔk pɔ́Ꞌɔ, ńcú ŋɡɔ kʉ̈ɔ́? Ŋɡɔ Sɛ́ kɑ́ pɔ́ ndʉ́ŋndʉŋ pɔ́ kíi. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

1 Kɔlɛ̂ŋtɛ 6:15

Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

2 Kɔlɛ̂ŋtɛ 1:18

Ŋɡɑ́ŋ! Ɛ́ ɡʉ nǔu nu yi pɛk kɑ sẅíinɛ wʉ́ʉ, pɛk ŋkɑɑ ḿbɔ́ ńcú nu ḿbɛn ŋ́kúpmɛ pɔ́. Sɛ́ sɛ́ ńjí.

Ŋɡɑlɑ̂t 2:17

Pɑ́Ꞌ pɛk sɛ́ ńdɔɔ nɛlɛɛ ndɑꞋ nzʉʉ Kɛlístɔ lɑ ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pɑyúdɑ lɑɑ ḿbɔ́ pɛ́Ꞌnɛ ńdɔk wɛ́k ɛ́fúŋ pʉɔ pi ndɔɔ tú pɔ́p pɑ́Ꞌ pɔ́p fúŋnɛ pʉɔ pi pɔ́p kɑ́ jí nɛpʉ́ʉ-Sɛ́ pɔ́ lɑ́, ɛ́ lɔk pɔ́Ꞌɔ, ḿbɔ́ ŋɡɔ Kɛlístɔ ŋu ẅí ɑ ɡɛnɛ pʉɔ tíi ndɔɔ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Mɛnu ɛ́ ńdɑ́Ꞌ ńcẅɛt 3:7

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Filɑdɛlfîi. Ŋ́ŋwɑꞌnɛ ŋɡɔ: Ŋu ẅí ɑ Ndɛ́ɛnɛ Lɛ́ɛnɛ́nɛ, ḿbɔ́ nɛ́nẅín, jʉ́ ẅi ɑ ɡẅɛɛnɛ tsɔ́Ꞌ-Fɔɔ Ndɑvît, jʉ́ ẅi ɑ tsɔ́Ꞌnɛ ntsundɑ́ ŋu pɔɔ kuꞋ nɛjɔ́Ꞌ pɔ́, ńjʉ́ɔꞋ ŋu pɔɔ kuꞋ nɛtsɔ́Ꞌ pɔ́, ɑ sɛ́ ńcú ŋɡɔ: