Pʉɔ-Lɔ́mɑ 2:29 - Kɑɑ Fí

²⁹ Lɑ́ kwɑꞋ ŋu-Pɑyúdɑ, ŋu-Sɛ́, ɑ pɔ́ pɔ ŋu ẅí pɛ́ kɑ púꞋnɛ wɛ́ pɔ tsɛt tʉ́m yɛ́. Ɛ́ pɔ́ nɛpúꞋ ẅí Zẅikŋɛ-Sɛ́ ɡɛnɛ, tɛ ɛ́ pɔɔ pɔ́ pɔ ẅí ɛ́ fúnɛ nǔu pɑ́Ꞌ pɛ́ kɑ ŋwɑꞋnɛ́nɛ tsɛt nɛpʉ́ʉ pɔ́. Jʉ́ pɔ́nɛ ŋu ẅí Sɛ́ ɡɑ́nɛ mɛkuꞋ mɛ́ tɛ pʉɔmɛsɔŋ pɔɔnɛ ɡɑ́.

Pʉɔ-Lɔ́mɑ 2:29 ပူးပေါင်းရင်းမြစ်များ

Lúkɑ́shi 11:39

Yɛ́su jí, ńtsɔ́Ꞌ mbɔ̌ wɛ́ ŋɡɔ: «Pʉʉ Pɑfɑlísɑy pʉʉ nɑ́ tsɛt ntúꞋ, pɔ́p tsɛt kɑ́ŋ, ɛ́suk yʉ́ʉ pɔ mbʉʉ yɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ kɑ́ suk sɔ́ɔ yi ɛ́ tʉ́m pʉʉ pɔ́, ḿbɛn ńnɑ́ŋ ŋ́kwɑŋɛ pɔ nɛɡẅɛɛ yúu pʉɔ ńcẅɛ́ɛ ńjʉ́.

Lúkɑ́shi 17:21

Mbɔ pɛ́ pɔɔ cú ŋɡɔ: “Ɛ́ pʉ́ɔ zɑ́Ꞌnɛ kɛ pɔ nɛcú ŋɡɔ, ɛ́ píi zíꞋnɛ pɔ́. N zɛɛ ńcú pɑꞋɑ, mbɔ nɛfɔɔ-Sɛ́ ńdɑ́Ꞌ mɔ́ ḿbɔ́ tsɛtsɛt pʉʉ.” »

Jɑ̂ŋ 12:43

Ɛ́ ḿbɔ́ pɔ́Ꞌɔ, mbíꞋŋɡɔ pɔ́p kɑ kɔŋ mɛkuꞋ mi pʉɔmɛsɔŋ ɡɑ́nɛ mbɔ̌ pɔ́p, ńtsɑ mi ɛ́ fúnɛ mbɔ̌ Sɛ́.

Jɑ̂ŋ 4:23

Lɑ́, ŋkɑ́ sɛ́ ŋ́kuꞋ, tɛ ɛ́ zɛɛ mɔ́ ŋ́kuꞋ kuꞋnɛ, pɑ́Ꞌ kwɑꞋ pɑɡúꞋlɛ Sɛ́ ɡʉ ŋ́ɡɔ ŋ́ɡúꞋlɛ Sɛ́ Tɑ́t, ńdɔk pɔ Zẅikŋɛ yɛ́, lɑ ŋ́ɡúꞋlɛ wɛ́ tsɛt nu nɛ́nẅín. MbíꞋŋɡɔ ɛ́ ntɛ́ pɑɡúꞋlɛ pi Sɛ́ sɛ́ ńdɔɔ.

Jɑ̂ŋ 5:44

Mbɔ pʉʉ zɑ́p tʉ́m nǔu mɔ ŋɡɔ́ku? Pʉʉ lɔɔ pɔ ŋɡɔ ŋumɛsɔŋ ɡɑ́nɛ nɛŋwɑ́ŋɛ wɛcɔ́, pʉʉ kɑ́ lɔɔ ŋɡɔ Sɛ́ zɛ́nɛ́jʉ́ ɡɑ́nɛ nɛŋwɑ́ŋɛ wʉʉ pɔ́, ɑ ndɑꞋ jʉ́ ḿbɔ́ Sɛ́.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

Pʉɔ-Lɔ́mɑ 3:1

Tɛ ɛ́ lɑɑ ḿbɔ́ pɑ́Ꞌɑ, ŋu-Pɑyúdɑ lɔk kʉ̈ɔ́ ńdɛɛ ŋu ẅí ɑ kɑ́ pɔ́ ŋu-Pɑyúdɑ pɔ́ ɔɔ? NɛpúꞋ ŋu-Pɑyúdɑ pɛn ńcẅɛ́lɛ wɛ́ nǔu kʉ̈ɔ́?

Pʉɔ-Lɔ́mɑ 7:6

Lɑ́ ɛ́ kɛ́ ḿbɔ́ ŋkɔ̂ɔnɛ pɛkŋɛ pɔɔ ḿbɛ́t ńnɛn pɔ nǔu sɛ̂ndúŋ-nɛpʉ́ʉ lɑ ńtsɑ́ɑ nɛpɔ́ ndʉ́ŋndʉŋ pɔ́, mbíꞋŋɡɔ pɛkŋɛ nǔu ẅîwɑ́ sɛ̂ndúŋ ẅi ɛ́ ḿbɔ́ ńdɔk wɛkŋɛ ŋ́ɡɛ ɡɑŋtsɑ́ŋ, ńtsʉ́Ꞌ pɔ pɛpfú. Lɑ́ pɛk ŋkɔ̂ɔnɛ ńtsʉ́Ꞌ ɛ́fɑꞋ mbɔ̌ Sɛ́ pɔ nǔu ntɛ́ yi fí, ńdɔk mɛtʉʉ-Zẅikŋɛ Lɛ́ɛnɛ́nɛ ɛ́fɑꞋ, tɛ pɛk kɑ́ pɛn ɛ́fɑꞋ nǔu ntɛ́ yɛ́ ŋkɑ́mbi, ŋkɑ́ yi pɛk kɑ pɔ́ ńzúꞋ pɔ ntsu-nɛpʉ́ʉ ni pɛ́ kɑ ŋwɑꞋnɛ́nɛ pɔ́.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

2 Kɔlɛ̂ŋtɛ 10:18

Ɛ́ lɔk ḿbɔ́ ŋɡɔ ŋu ẅí pɛ́ pɛ́mnɛ nu wɛ́, ɑ kɑ́ pɔ́ ŋu ẅí jʉ́ lɛꞋlɛ́nɛ yúu mi ɛ́ ɡɛnɛ pɔ́. A pɔ́ pɔ ŋu ẅi Tsɑpʉɔ lɛꞋlɛ́nɛ yúu mi ŋɡɑŋ ɡɛnɛ.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

1 Pyɛ̂ 3:4

Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.