Pʉɔ-Lɔ́mɑ 13:9 - Kɑɑ Fí

⁹ Pʉʉ zɛɛ ńjí nɛpʉ́ʉ ni ɛ́ cúnɛ ŋɡɔ: «Kɔɔ ɡɛ ɡɑp. Kɔɔ jẅí ŋu. Kɔɔ jʉ̈ɔ. Kɔɔ tík mík nǔu yúu-ŋu». Lɔk ŋ́kút mɛtú mɔnɛ mbʉ́ʉ tɛ mbɑ mɛcɔ́ pɔ́ ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋnɛ túmbʉʉ yú».

Pʉɔ-Lɔ́mɑ 13:9 ပူးပေါင်းရင်းမြစ်များ

Mɑtʉ̈ɔ 22:39

Nɛpʉ́ʉ mbɑ́ɑtɛ yɛ́pɑ́ ni ɛ́ fínɛ nɔ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ Kɔŋ ŋumɛsɔŋ pɑ́Ꞌ túmbʉʉ yú.»

Mɑ́lɛ́kúshi 10:19

Ɔ kɑ́ pɔ́ ḿmuŋɛ nɛpʉ́ʉ-Sɛ́ ni ɛ́ cúnɛ ŋɡɔ: Kɔɔ jẅí ŋu, ḿbɑ́ɑ nɛɡɛ ɡɑp, kɔɔ jʉ̈ɔ, kɔɔ tík sɔ́ɔ tú-ŋu, kɔɔ fu ŋu, ɡɑ́ mɛkuꞋ-tɑ́t wu pɔ́p mɑ́ wu.»

Mɑ́lɛ́kúshi 12:31

Nɛpʉ́ʉ mbɑ́ɑtɛ yɛ́pɑ́ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ kɔŋ mɔ́ɔmɑ́ wu ŋumɛsɔŋ pɑꞋ túmbʉʉ yú, nɛcɔ́ nɛpʉ́ʉ kɑ́ pɛn ḿbɔ́ ɡú tɛ ńdɛɛ mɔnɛ mɛmbɑ́ pɔ́.»

Lúkɑ́shi 10:27

A pʉ̈ɔt ŋɡɔ: «Ɛ fúŋ ńzúꞋ ŋɡɔ: Kɔŋ Tsɑpʉɔ Sɛ́ wu nɛ́ ŋɡɔŋ tʉ́m yú tsʉʉ, ńtík pɔ wɛ́ mbi nǔu yú kʉ̈ɔ́ lɑ́, ḿbɛn ńdɔk mɛtʉʉ mú tsʉʉ ɛ́fɑꞋ mbɔ̌ wɛ́, ńzɑ́p kwɑŋɛ yú ndɑꞋ nǔu wɛ́, ḿbɛn ŋ́kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú lɑ́».

Lúkɑ́shi 18:20

Ɔ kɑ́ pɔ́ ḿmuŋɛ nɛpʉ́ʉ-Sɛ́ pɔ́, Sɛ́ kɑ zɑ́p ŋɡɔ: Kɔɔ ɡɛ ɡɑp, kɔɔ jẅí ŋu, kɔɔ jʉ̈ɔ, kɔɔ tík sɔ́ɔ tú ŋu, ɡɑ́ mɛkuꞋ tɑ́t wu pɔ́p mɑ́ wu.»

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.