Pʉɔ-Lɔ́mɑ 1:28 - Kɑɑ Fí

²⁸ Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 1:28 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 1:21

Pɔ́p jí Sɛ́, lɑ́ pɔ́p kɑ́ pɔ́ ŋ́ɡúꞋlɛ wɛ́ pɔ́, ŋ́ɡɛ́mtɛ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡɛ nǔu Sɛ́ pɔ́. Tɛ ńtsʉ́Ꞌ pɔ́Ꞌɔ, mbɔ jínu yɔ́p kɑ fúklɛ wɔ́p pɔ́p fɑɑnɛ ndúŋ, tʉ́m yɔ́p yi ɛ́ ɡẅɛɛ pɔ ɡʉɡʉʉ jínu ɡɛ pɔ́p vu tsɛt nzɛ́nzʉ́ʉ.

Pʉɔ-Lɔ́mɑ 1:24

Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ mɛnu shẅɛt shẅɛtnɛ mi tʉ́m yɔ́p kɑ pɔ́ ńtsɑ́ɑ ńdɔk nɛɡɛ pɔ́Ꞌɔ, ɛ́shɔtnɛ ḿbʉ́ʉpɛ mɛmbʉʉ mɔ́p, ńdɔk ɛ́shɔtnɛ ńtɛ́m sʉ́ʉ nǔu pɔ́p.

Pʉɔ-Lɔ́mɑ 1:26

Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ yúu mi kwɑŋɛ yɔ́p tʉ́ʉnɛ nǔu lɑ́ ɛ́ pɔ́ mɛnu mi ɛ́ níꞋnɛ sʉ́ʉ nǔu pɔ́p. Pɛzwɛ́ pɔ́p nɑ́ mbɛ́ɛnɛ ńtsʉ́Ꞌ ńdɔɔ pɔ pɛcɔ́ pɑŋɡɛ́ pɔ́p pɛpɔ́p nɔɔ, yîyɑ́ ntɛ́ nɛɡɛ mɛnu kɑ́ pɔ́ ntɛ́ yi Sɛ́ kɑ zɑ́pnɛ pɔ́.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Filɛmɔ̂ŋ 1:8

Mɔ ŋɡɑŋntúu-Kɛlístɔ, n zɛɛ ŋ́kuꞋ nɛsẅíi wú nɛ́ yúu mi ɛ́ píkŋɛnɛ ŋɡɔ ɔ ɡɛ lɑ́, ɛ́ fú nǔu yúu mi ɔ sɛ́ ŋ́ɡɛ,

2 Pyɛ̂ 3:5

Pɔ́p ɡɔ́ ńcú pɔ́Ꞌɔ, ḿbɔ́ ńdikŋɛ tɛ ńjí jínɛ ŋɡɔ Sɛ́ kɑ lɑ́Ꞌ ńniitɛ tʉ́nɛ́pú pɔ́p tsɛ́tsɑ́Ꞌ tɛ ntí sɑk. A kɑ lɔk pɔ sẅiŋɛ yɛ́ ŋ́ɡɛ, tsɛ́tsɑ́Ꞌ fú tsɛt ŋki ńcẅɛt, ɑ lɔk pɔ ŋki ńniitɛ.