24 Mbɑ Mɑ́lɛ́kúshi, mbɑ Alistɑk, mbɑ Ndɛmɑs pɔ́p Lúkɑ́shi ẅí pɛk pɛ́pɔ́p fɑꞋnɛ tɑ́Ꞌ fɑꞋ.
Pyɛ̂ kwɑŋɛ, ŋ́ɡʉ nɛ́ ndɑ́-Mɑlíyɑ, mɑ́ pɛ́ Jɑ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi. Ɛ́ ɡɔ́ ḿbɔ́, mbɔ pʉɔ-Kɛlístɔ cúꞋlɛ tɛ ńzɑ́ɑ ḿbɔ́ ńcɛꞋlɛ Sɛ́.
Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.
Pɔ̂l pɔ́p pʉɔ pi pɔ́p pɛ́ pɔ́p ḿbɔ́nɛ, ŋ́kúu wɛcɔ́ mɑ́mɑ́ kɑnúꞋ tʉ́sɔŋ-Pɑfɔs, ŋ́ɡʉ nɛ́ tʉ́sɔŋ-Pɛljɛ yi ɛ́ tsɛt ŋɡɔŋ-Pɑnfilî. Jɑ̂ŋ Mɑ́lɛ́kúshi ɡʉ tɛ ŋ́kúu zúꞋu, ńnɑ́ wɔ́p ḿbɛn nɛ́ Yɛlúsɑlɛm.
Tʉ́sɔŋ tsʉʉ tsʉʉ tɑ́kŋɛ. Lɑ́Ꞌ ɡẅɛɛ Ŋɡɑẅîs pɔ́p Alistɑk, pɔ́p pɔ́ pʉɔ-Mɑsɛ́ndwɑn pi pɔ́p Pɔ̂l kɑ pɔ́ ńnɛn, ɛ́shuŋ wɔ́p ńdɔk ŋ́ɡʉ nɛ́ ndǔ yɛcɔ́ ntɛ́ zɑ́n yi pɛ́ cúꞋlɛ́nɛ zúꞋu, ŋ́ɡɛ mɛɡɑɑ.
Pɛk ɡɔ́ ŋ́kúu wɛcɔ́ mɑ́mɑ́ kɑnúꞋ, ɛ́ pɔ́ wɛ tʉ́sɔŋ-Andɛlɑmítɛ, ḿbɔ́ ŋ́ɡʉ mbʉʉ mɛtʉ́sɔŋ mi ɛ́ mbʉʉ-ŋki, tsɛt pɑk-ŋɡɔŋ-Azîi. Pɛk pɛ́ wɛcɔ́ ŋu pɔ́ tɑ́Ꞌ ku. Lík yɛ́ pɔ́ ŋɡɔ Alistɑk. Mbɔ pɛ́ kɑ pí wɛ́ tʉ́sɔŋ-Tɛsɑlɔ́ník, tsɛt ŋɡɔŋ-Mɑsɛ́ndwɑn, pɛk cʉ́ɔ sɛ̂ndúŋ.
Ɛ́ ɡʉ nǔu Titɛus, mbɔ ɑ ŋɡɑŋku wɑɑ, ɑ sɛ́ ńcẅɛ́lɛ wɑ́ɑ nǔu fɑꞋ yi ɛ fɑꞋnɛ mbíꞋ wʉ́ʉ, ŋ́ɡʉ nǔu pɔnɛ pɔ́ɔpɛ́mɑ́ pɛkŋɛ pɛ́pɑ́, mbɔ pɔ́p pʉɔ pi mɛcúꞋlɛ-pʉɔ-Kɛlístɔ kɑ túunɛ wɔ́p, pʉɔ pi yɔ́p fɑꞋ ŋ́kɑꞋ lík-Kɛlístɔ ŋ́ɡɑ́ tʉ́.
Ŋ kɑ jʉ́ɔ ŋɡɔ ɛ́ pɔŋ, ŋ ɡɛ mɔ́ɔmɑ́ wɛkŋɛ Ɛpɑfɔlɔdit pɛn nzʉʉ, ńtsɛ́t wʉ́ʉ. Ɛ́ yɛ́tɛ́ yi pʉʉ kɑ túunɛ wɛ́ ɑ tɔ́ ŋ́ɡɑ́ yúu mi ɛ́ kɑ pɔ́ ńjɑ́k mbɔ̌ mɔ ńdɑ́. A ŋu ẅí pɛknɛ́ kɑ zɛnɛ ɛ́fɑꞋ, ńzɛ ńdʉ̈ɔ́Ꞌ ntsɔ nǔu nu-Yɛ́su Kɛlístɔ.
Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.
Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.
Súu wɛkŋɛ Lúkɑ́shi, ndɔ́ktɑ ɡwɛ́, mbɑ Ndɛmɑs cɛꞋlɛ wʉ́ʉ.
CúꞋlɛ-pʉɔ-Kɛlístɔ yi ɛ́ Mbɑbilɔ̂nɛ cɛꞋlɛ wʉ́ʉ. Sɛ́ kɑ tsɔ́Ꞌ wɔ́p ɡúu pɑ́Ꞌ pʉʉ. Mɔ́ɔ wɑɑ Mɑ́lɛ́kúshi cɛꞋlɛ wʉ́ʉ ɡúu.
Pɔ́Ꞌɔ lɑ́, pɛkŋɛ pʉɔ-Kɛlístɔ ɡẅɛɛ nɛcẅɛ́lɛ pɔ́ɔpɛ́mɑ́ pɑ́Ꞌ pîpɑ́, nɛpɔ́ yi pɛkŋɛ pɛpɔ́p ɡʉ ńdɔk ńtɛmtɛ ŋ́ɡɛ nu nɛ́nẅín sɑt zʉꞋ.