Ŋɡɑlɑ̂t 6:8 - Kɑɑ Fí

⁸ A lɑɑ ḿbi yúu mi ɛ́ pɔ́ŋ pɔ mbʉʉ yɛ́, mbɔ yúu ɛ̂pɑ́ ɡʉ ńdɑ́Ꞌ ŋ́ɡɛ ɑ ḿpfú ḿbɛ́. Lɑ́ ḿbɔ́ yi ɑ lɑɑ ḿbi yúu mi ɛ́ pɔŋnɛ Zẅikŋɛ Lɛ́ɛnɛ́nɛ, mbɔ Zẅikŋɛ Lɛ́ɛnɛ́nɛ ɡʉ ńdɑ́Ꞌ ŋ́ɡɛ ɑ ɡẅɛɛ luk kɛ́mɛ.

Ŋɡɑlɑ̂t 6:8 ပူးပေါင်းရင်းမြစ်များ

Mɑtʉ̈ɔ 19:29

Mbɑ wɔ̌ lɑ́ ẅi ɑ kɑ nɑ́nɛ mɛndɑ́, ńnɑ́ pɔ́ɔpɛ́mɑ́ pɛ́ pɛ́ mbɛ́ɛnɛ mbɑ pɛ́ pɑŋɡɛ́, kɛ pɔ tɑ́t wɛ, kɛ pɔ mɑ́ wɛ, kɛ pɔ mbɔ́ŋkʉ̈ɔ́ pɛ́, kɛ pɔ mɛŋkɑ́Ꞌ mɛ́ ɔɔ, ntɛ́ lík yɑ́ɑ, ɑ ɡʉ ńdɑ́Ꞌ ḿbɛn ŋ́ɡẅɛɛ yîyɑ́ yúu ŋkɑ́ ŋkʉ, ḿbɛn ŋ́ɡẅɛɛ luk kɛ́ mɛ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Lúkɑ́shi 18:30

mbɔ ŋɡɑŋ ŋ́ɡɛ ḿbɛn ŋ́ɡẅɛɛ yîyɑ́ yúu tɛ ńdɛɛ yi ɑ kɑ nɑ́nɛ, ńdɑ́Ꞌ ḿbɔ́ tsɛt ŋɡɔŋ fí, ŋ́ɡẅɛɛ luk kɛ́mɛ.»

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 4:36

Ŋu ẅí ɑ lɑknɛ yúu, ɑ sɛ́ ńcẅɛ́ɛ tsɔ́ꞋfɑꞋ yɛ́, ɛ́ pɔ́ pɑ́Ꞌ ɑ sɛ́ ńcúꞋlɛ yúu ńníꞋ tsɛt luk kɛ́mɛ. Nɛpɔ́ yi ŋu ɑ pinɛ pɔ́p ŋu ɑ lɑknɛ ɡʉ tɛmtɛ ńtsɑ́ɑtɛ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Pʉɔ-Lɔ́mɑ 6:13

Kɔɔ pʉʉ pɛn ńdɔk mɛkɛm-mbʉʉ mʉ́ʉ ŋ́ɡɛ nu kɛpɔŋ pɑ́Ꞌ pɛ́ lɔknɛ yúu-ntsɔ ŋ́ɡɛ mɛnu kɛpɔŋ lɑ́. Tɛ ńtsʉ́Ꞌ pɔ́Ꞌɔ, pʉʉ nɑ́ mbʉʉ yʉʉ mbɔ̌ Sɛ́ ḿbɔ́ kwɑꞋ pʉɔ pi pɔ́p kɑ pfúnɛ ḿbɛn ńzẅíimɛ. Pʉʉ lɔk mɛkɛm-mbʉʉ mʉ́ʉ ŋ́ɡɛ yúu mi pʉʉ ɡʉ ńdɔk ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:11

Ɛ́ lɑɑ ḿbɔ́ yi Zẅikŋɛ-Sɛ́ ẅí ɑ kɑ zẅíimɛ́nɛ Yɛ́su nǔu nɛvú nǔu pʉʉ, mbɔ jʉ́ ẅi ɑ kɑ zẅíimɛ́nɛ Kɛlístɔ nǔu nɛvú, ɡʉ ŋ́ɡɛ mbʉʉ yʉʉ yi ɛ́ yi pfúnɛ ńdɔk Zẅikŋɛ yɛ́ yi ɛ́ nǔu pʉʉ ḿbɔ́ yɛ́ ɡú.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Pʉɔ-Lɔ́mɑ 8:6

Ŋu lɔk pɔ ntɛ́ yi mbʉʉ yɛ́ sɛ́ ɛ́sẅíi wɛ́ ńdɔk ńnɑ́ŋ, mbɔ ŋɡɑŋ nǔu sɛ̂ndúŋ-nɛvú. Lɑ́ ŋu ẅi ɑ lɔknɛ ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɛ́ ńdɔk ńnɑ́ŋ, mbɔ ŋɡɑŋ nǔu sɛ̂ndúŋ-luk, ɛ́ pɛn ḿbɔ́ sɛ̂ndúŋ-mbɔ́tnɛ.

1 Kɔlɛ̂ŋtɛ 15:42

Ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, ŋkɑ́ yi pɛpfúsɛ́ ɡʉ ńdɑ́Ꞌ ńzẅíimɛ nǔu nɛvú. Yúu mi pɛ́ pinɛ sɛ́, mbʉʉ yi ɛ́ lʉ̈ɔ́nɛ, lɑ́ mbʉʉ yi ɛ́ zẅíimɛnɛ nǔu nɛvú kɛ́ lɑ́Ꞌ ḿbɛn ńdʉ̈ɔ́ pɔ́.

Ŋɡɑlɑ̂t 6:7

Kɔɔ ŋu shɔtnɛ ɛ́fúklɛ túmbʉʉ yɛ́, pɛ́ lɔɔ ŋ́ɡwɑ́k Sɛ́ pɔ́. Ŋu lɑɑ ḿbi kʉ̈ɔ́lɑ́, mbɔ ɑ ɡʉ ńdɑ́Ꞌ ŋ́kɑ́p pɔ yɛ́tɛ́.

1 Timɔtɛ́ɛ 1:16

Lɑ́, Sɛ́ kɑ tsɑ́ɑ mɛjʉ́ŋ mɑ́ɑ, tɛ Yɛ́su Kɛlístɔ nyɛt nǔu mɔ ẅí mɔ ndúu tsɛtsɛt pɑɡɛ mɛnu kɛpɔŋ ŋɡɔ ɑ jí nɛsʉk. Pɔ́Ꞌɔ ńdɔk ŋ́ɡɑ́ fʉꞋ mbɔ̌ pʉɔ pi pɔ́p ɡʉ ŋ́ɡɛ ńzɑ́p tʉ́m nǔu wɛ́, ŋ́ɡẅɛɛ luk kɛ́mɛ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Jɑ̂k 3:18

Pʉɔ pí pɔ́p lɔk pɔ mbɔ́tnɛ ńnɑ́ŋ tsɛtsɛt pʉɔmɛsɔŋ, pɔ́p sɛ́ ḿbi yúu nɛ́ mbɔ́tnɛ. Mɛntɑ́ɑ mi pɔ́p kɑ́pnɛ ɛ́ pɔ́ nɛnɑ́ŋ ndʉ́ŋndʉŋ pɑ́Ꞌ Sɛ́ sɛ́ ŋ́kɔŋ.

2 Pyɛ̂ 2:12

Pîpɑ́ pʉɔ pɔ́ pɔ pɑkɛ́jínu pɑ́Ꞌ mɛnɑɑ, mi pɔ́p kɑ fú zúꞋu ḿbɔ́ pɔ yúu mi pɛ́ ɡʉ ńdʉꞋ ɡwɑk ńdɔk ŋ́ɡẅɛɛ ńjẅí. Pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, pɛ́ ŋ́ɡɛ ńjẅí wɔ́p pɑ́Ꞌ mɛnɑɑ ɛ̂mɑ́.

2 Pyɛ̂ 2:19

ḿbɛn ḿbɔ́ ɛ́sẅíi wɔ́p ŋɡɔ pɔ́p ɡʉ ŋ́ɡɛ pɔ́p pɔɔ pɛn ḿbɔ́ pɛkwɑɑ pɔ́, lɑ́ kwɑꞋ pɔ́p ɡúu pɔ́ pɛkwɑɑ-yúu mi pɔ́p tsɑ́ɑnɛ, ɛ́ pɛn ḿbɔ́ ḿbík wɔ́p. Yúu lɑɑ ńzɛɛ ńjʉ́ tʉ́m-ŋu, ŋɡɑŋ tsʉ́Ꞌ ḿbɔ́ pɔ ŋkwɑɑ mbɔ̌ yîyɑ́ yúu.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

Mɛnu ɛ́ ńdɑ́Ꞌ ńcẅɛt 22:11

Pɔ́Ꞌɔ lɑ́, ŋu lɑɑ ḿbɔ́ yi ɑ kɑ́ pɔ́ ŋ́ɡɛ yúu mi ɛ́ ndʉ́ŋndʉŋ mbi Sɛ́ pɔ́, ɑ kɛ́ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi. Ŋu ẅi ntsɛ́llɛ́ nǔu wɛ́, ɑ pɛn ŋ́kẅiꞋ ńníꞋ ntsɛ́llɛ́ nǔu wɛ́. Lɑ́ ŋu ẅí ɑ sɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ɑ kɛ́ ḿbɛn ŋ́kẅiꞋ ḿbɔ́ ŋ́ɡɛ pɔ yúu mi ɛ́ ndʉ́ŋndʉŋ. Ŋu ẅí ɑ ŋu-Sɛ́, ɑ kɛ́ ḿbɛn ŋ́kẅiꞋ ḿbɔ́ pɔ wɛ́tɛ́.