Ŋɡɑlɑ̂t 6:16 - Kɑɑ Fí

¹⁶ Sɛ́ nyɛt ŋɡɔ tʉ́m yɛ́ pɔŋ, ḿbɛn ńníꞋ mɔ́fíitɛ tsɛt tʉ́m pʉɔ pɛtsʉʉ pi pɔ́p ɡʉ ńzúꞋ wɔ tík wɛ fí, ńtík ku nǔu, mbɑ mbɔ̌ pʉɔ-Sɛ́ tɛ ḿmɛ.

Ŋɡɑlɑ̂t 6:16 ပူးပေါင်းရင်းမြစ်များ

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Pʉɔ-Lɔ́mɑ 4:12

Ábɛlɛhɑ̂m kɑ pɛn ḿbɔ́ tɑ́t pɛ́ pʉɔ pi pɛ́ kɑ púꞋnɛ wɔ́p. Ŋ kɑ́ pɔ́ ńdɑꞋ pʉɔ pi pɛ́ kɑ púꞋnɛ wɔ́p ɛ́ kuꞋ pɔ́Ꞌɔ mbɔ̌ pɔ́p pɔ́. N cú pɔ pi pɔ́p pɛn ḿbɔ́ ńzɑ́p tʉ́m nǔu Sɛ́, pɑ́Ꞌ tɑ́t wɛkŋɛ Ábɛlɛhɑ̂m kɑ zɑ́pnɛ yɛ́ ɡúu lɑ pɛ́ ɡɛ ḿbúꞋ wɛ́.

Ŋɡɑlɑ̂t 1:3

Pɛk sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ pɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 5:16

Ŋ ɡʉ ńcú mbɔ̌ pʉʉ ŋɡɔ: Pʉʉ pɛ́m Zẅikŋɛ-Sɛ́ tsiinɛ wʉ́ʉ nǔu wʉ́ʉ nɛpɔ́, pɔ́Ꞌɔ pʉʉ pɔɔ ɡɛ mɛnu kɛpɔŋ mi mbʉʉ yʉ́ʉ tsʉ́ʉnɛ́nɛ wʉ́ʉ ŋɡɔ pʉʉ ɡɛ pɔ́.

Ŋɡɑlɑ̂t 5:25

Pɑ́Ꞌ wɛkŋɛ nɛpɔ́ wɛ ŋkɔ̂ɔnɛ fú pɔ mbɔ̌ Zẅikŋɛ Lɛ́ɛnɛ́nɛ lɑ́, pɛkŋɛ nɛn nǔu ntɛ́ yi Zẅikŋɛ ɛ̂yɑ́ sɛ́ ńnyɛt wɛkŋɛ.

Ɛ́fɛ̂zɛ 6:23

Sɛ́ Tɑ́t, mbɑ Tsɑpʉɔ Yɛ́su Kɛlístɔ níꞋ mɔ́fíitɛ tsɛt tʉ́m pɔ́ɔpɛ́mɑ́ pi pɔ́p sɛ́ ŋ́ɡẅɛɛ ŋkɔŋɛ, ḿbɔ́ ńzɑ́p tʉ́m pɔ nǔu Sɛ́.

Filipɛ 3:16

Nu ɡwɛ́ pɔ ŋɡɔ, zʉꞋ yi pɛkŋɛ ɡʉ tɛ ŋ́kúu zúꞋu lɑɑ, pɛkŋɛ tɛmtɛ kɛ́ ŋ́ɡʉ pɔ nɛ́ mbi.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 4:7

Pʉʉ ɡʉ ŋ́ɡɛ pɔ́Ꞌɔ, Sɛ́ ɡɑ́ mɔ́fíitɛ ẅi ŋumɛsɔŋ kɑ́ jí pɑ́Ꞌ ɛ́ pɔ́nɛ pɔ́ mbɔ̌ pʉʉ. Ẅîwɑ́ mɔ́fíitɛ pyɛ́pnɛ mɛtʉ́m mʉ́ʉ, kwɑŋɛ yʉ́ʉ tʉ́ʉ pɔ nǔu Yɛ́su Kɛlístɔ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Jẅidɛ 1:2

Sɛ́ ɡɑ́ tsɑ́ɑ mɛjʉ́ŋ mɛ́, mbɔ́tnɛ yɛ́, ŋ́ɡɛ kɔŋɛ yɛ́ mbɔ̌ pʉʉ ɛ́ zɑ́ɑ.