Ŋɡɑlɑ̂t 6:14 - Kɑɑ Fí

¹⁴ ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ŋɡɑlɑ̂t 6:14 ပူးပေါင်းရင်းမြစ်များ

Lúkɑ́shi 20:16

A ŋ́ɡɛ ńtɔ́ ŋ́ɡɛ pɛ́ jẅítɛ wɔ́p. A níꞋ ŋkɑ́Ꞌ mbɔ̌ pɑniitɛ mɛluꞋ pɛndɛꞋ. Lɑ́Ꞌ zúꞋ pɔ́Ꞌɔ, ńcú ŋɡɔ: «Ŋɡɑ́ŋ, ḿbɔ́ ɛ́ pɔɔ pɔ́ pɑ́Ꞌ pɔ́!»

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

1 Kɔlɛ̂ŋtɛ 3:21

Pɔ́Ꞌɔ lɑ́, kɔɔ ŋu wʉʉ lɔk pɑ́Ꞌ ɑ ŋu wɛ mɑ́kɛkɛ, ńdɔk ŋ́kɑꞋmɛ. MbíꞋŋɡɔ mbɑ kʉ̈ɔ́ lɑ́ pɔ́ pɔ yʉ́ʉ.

2 Kɔlɛ̂ŋtɛ 11:12

Ɛ́ yúu mi mɔ sɛ́ ŋ́ɡɛ, ŋ ɡʉ ḿbɛn ŋ́kẅiꞋ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi, ńjí ŋɡɔ ŋ ɡʉ ńdɔk ńzɑ́Ꞌ mɛku-pʉɔ pi pɔ́p sɛ́ ńdɔɔ mbɛ̌tntɑ́ŋ nɛlɔk ŋ́kɑꞋmɛ ńcú ŋɡɔ pɛkŋɛ pɛ́pɔ́p fɑꞋ pɔ tɑ́Ꞌ ntɛ́.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ŋɡɑlɑ̂t 2:17

Pɑ́Ꞌ pɛk sɛ́ ńdɔɔ nɛlɛɛ ndɑꞋ nzʉʉ Kɛlístɔ lɑ ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pɑyúdɑ lɑɑ ḿbɔ́ pɛ́Ꞌnɛ ńdɔk wɛ́k ɛ́fúŋ pʉɔ pi ndɔɔ tú pɔ́p pɑ́Ꞌ pɔ́p fúŋnɛ pʉɔ pi pɔ́p kɑ́ jí nɛpʉ́ʉ-Sɛ́ pɔ́ lɑ́, ɛ́ lɔk pɔ́Ꞌɔ, ḿbɔ́ ŋɡɔ Kɛlístɔ ŋu ẅí ɑ ɡɛnɛ pʉɔ tíi ndɔɔ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Filipɛ 3:18

Pʉɔ tɛ ńzɑ́ɑ zɛɛ ḿbɔ́ tsɛtsɛt pɛkŋɛ, mɑt wɔp fí pɔ wɛ pʉɔ pi pɔ́p ŋíŋɛ nɛvú Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ŋíŋɛ́nɛ. Ŋ kɑ zɛ ɛ́sẅíi wʉ́ʉ, tɛ mbɑ lɔ́Ꞌnɛ, m bɛn ḿbɔ́ ńcú tɛ ńdɔk pɔ ŋki-mík ńcú.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 2:20

Pʉʉ pɛ́ Kɛlístɔ kɑ tɛmtɛ ḿpfú, ɛ́ lɔk pɔ́Ꞌɔ, ńcẅɛ́ɛ wʉ́ʉ mbɔ̌ mɛtʉʉ-nzɛnzʉ́ʉ mi ɛ́ sɑ́Ꞌnɛ mbí. Mɛlɑ́Ꞌ kʉ̈ɔ́ pɛ́ pɛn ɛ́sẅíi wʉ́ʉ ŋɡɔ yɛcɔ́ yúu ɛ́ yúu mi nji nǔu tɛ pʉʉ zẅíꞋlɛ pɑ́Ꞌ ŋkɑ́ yi pʉʉ pɔ́ pɔ pʉɔ yɔ mbí?