Ŋɡɑlɑ̂t 6:12 - Kɑɑ Fí

¹² Pʉɔ pi pɔ́p ɛ́fyɛ́t wʉ́ʉ fyɛ́tnɛ ŋɡɔ pʉʉ pɛ́m pɛ́ púꞋ wʉ́ʉ, ɛ́ pʉɔ pi pɔ́p lɔɔ pɔ nɛɡɛ yúu mi ɛ́ ɡʉ ḿbɔŋ pɑyúdɑ. Pɔ́p ɡɛ pɔ́Ꞌɔ, ńtsɑ́ɑ ŋɡɔ kɔɔ pɑyúdɑ kʉʉnɛ wɔ́p mbíꞋ ŋɡɔ pɔ́p tʉ́ʉ yɔ́p nǔu nu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 6:12 ပူးပေါင်းရင်းမြစ်များ

Mɑtʉ̈ɔ 23:27

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ pɔ́ pɑ́Ꞌ mɛshi, mi pɛ́ lɔk mbʉ̈ɔ́ɔ ńzɔ́Ꞌ tɛ ɛ́ pɔ́ fúk. Nzɛm píi síi tɛꞋ, lɑ́ mɛtsẅíi-pɛpfú pɔ́p mɛlʉ̈ɔ́ yúu pɔ́nɛ tsɛtú.

Mɑtʉ̈ɔ 23:28

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ pɔ́nɛ yʉ́ʉ ɡúu, ŋ́ɡɛ pʉʉ pɔ́ mbi-pʉɔmɛsɔŋ, ḿbɔ́ pʉɔ-Sɛ́ tɛꞋ, lɑ́ ḿbɔ́ pɑŋkɔŋmík, kwɑŋɛ kɛpɔŋ pɔ́ tʉ́m pʉʉ tɛ ńdúu.

Mɑtʉ̈ɔ 23:5

Pɔ́p pɔ́ ŋ́ɡɛ kʉ̈ɔ́ lɑ́ ḿbɔ́ ńdɔɔ ŋɡɔ pɛ́ jʉ́ɔ wɔ́p. Ɛ́ yúu mi ɛ́ ɡɛnɛ pɔ́p ɡʉ nǔu pɔ́ɔ mɛtɔ́Ꞌlɛ mi pɛ́ níꞋnɛ sẅíŋɛ-Sɛ́ tsɛtú ŋ́kút nǔu nɛzíi mbɑ nǔu pɔ́ lɑ́, ŋ́ɡɛ mɔ́p ɛ́ ɡúꞋ tɛꞋ. Pɔ́p pɛn ŋ́ɡɛ ŋɡɔ mɛcɔ́ŋ-ndẅí mɔ́p mi pɛ́ mɑꞋnɛ ńdɔk ńcɛꞋlɛ Sɛ́ sɑk tɛ ńtsɑ.

Mɑtʉ̈ɔ 5:10

Pɛpɔ́ttú pʉɔ pinɛ pɛ́ sɛ́ ńzɑ́Ꞌ ku yɔ́p mbíꞋŋɡɔ pɔ́p sɛ́ ŋ́ɡɛ pɑ́Ꞌ Sɛ́ píkŋɛ́nɛ, mbíꞋŋɡɔ pɔ́p ɡʉ ŋ́ɡɛ ńjʉ́ pii-nɛfɔɔ-Sɛ́.»

Mɑtʉ̈ɔ 6:16

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:2

Ɔ lɑɑ ḿbɔ́ ŋ́ɡʉ ŋ́ɡɑ́ ŋkɑ́p mbɔ̌ pɑkɛ́yúu, kɔɔ ɡɛ pɔ́ pɑ́Ꞌ pɛ́ ɡʉ tʉ́ʉ ḿbɔ́ ńjʉ́ɔ. Gɑŋnyɛtmbʉʉ ɡɛnɛ pɔ́Ꞌɔ. Pɔ́p kúu ndɑ́-cúꞋlɛ, ńtʉ́ʉ mbɑ mɛtú-ndúŋ lɑ́ ŋ́ɡɑ́ yúu, pɔ́Ꞌɔ, ŋɡɔ pʉɔ ɡʉ̈ɔꞋlɛ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Lúkɑ́shi 16:15

A cú mbɔ̌ pɔ́p ŋɡɔ: «Pʉʉ pɑ́ ẅi pʉʉ júknɛ ɛ́fúklɛ pʉɔ ŋɡɔ pʉʉ pʉɔ sʉ́Ꞌnɛ, lɑ́, Sɛ́ kɛ́ ḿbɔ́ ńjí pɑꞋ tʉ́m yʉ́ʉ pɔ́nɛ. Pʉʉ jí ŋɡɔ: Nu yi pʉɔmɛsɔŋ jʉ́ɔnɛ ŋɡɔ ɛ́ nu tɛꞋ, ɛ́ mbi Sɛ́ ḿbɔ́ nu-sʉ́ʉ.»

Lúkɑ́shi 20:47

Pɔ́p kɛ́nɛ ḿbɛn ńdɔk jínu ńcẅɛ́ɛ yúu pɛpfúk, ńtsʉ́Ꞌ nɛcɛꞋlɛ Sɛ́, ńdɔk nɛcú nu ɛ́ sɑk ɛ́fú mík pʉɔ. Sɛ́ ɡʉ ńdɑ́Ꞌ ńzɑ́p yɔ́p tsɑ́ŋ ɛ́ tɛn tɛꞋ.»

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:1

Pɛcɔ́ pʉɔ ɡɛ ɛ́fú Judɛ̂, ńtɔ́ Antíyɔshɛ, ńzɛ nɛzíꞋ pʉɔ-Kɛlístɔ ŋɡɔ Sɛ́ lɑɑ ḿbɔ́ ɑ pɔɔ ɡɛ pɔ́p luk kɛ́ pɔ́ yi pɛ́ púꞋ wɔ́p pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:5

Lɑ́ pɛcɔ́ ntɑ́Ꞌ pɑfɑlísɑy, pi pɔ́p zɑ́pnɛ tʉ́m yɔ́p nǔu Yɛ́su, pɔ́ ŋ́kẅiꞋ yɔ́p pɔ ŋɡɔ: «Ɛ́ píkŋɛ ŋɡɔ pɛ́ púꞋ pʉɔ pi pɔ́p ɡɔ́ ńzɑ́p tʉ́m yɔ́p nǔu Yɛ́su, ḿbɔɔ pɑyúdɑ pɔ́, ḿbɛn ḿbíkŋɛ ŋɡɔ pɛ́ cú mbɔ̌ pɔ́p ŋɡɔ pɔ́p nɛn pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ.»

2 Kɔlɛ̂ŋtɛ 10:12

Ɛ́ ɡʉ nǔu pʉɔ pi pɔ́p shɔtnɛ ńdɛꞋlɛ pʉɔ pi pɔ́p pɛ́tɛ, mbɔ pɛk kɑ́ ɡẅɛɛ sʉk nɛcú ŋɡɔ pɛk pɑ́Ꞌ pɔ́p pɔ́, ḿbɔ́ pɛk pɔɔ lʉŋtɛ ntí wɛ́k nǔu ntɛ́ pʉɔ ɛ̂pɑ́ pɔ́. Tú yɔ́p kɑ́ tʉ́ʉ. Pɔ́p pɛ́ɛ fʉꞋ wɔp pɔ nǔu pɔ́p, ńdʉŋtɛ mɛmbʉʉ mɔ́p tsɛtsɛt pɔ́p.

2 Kɔlɛ̂ŋtɛ 11:13

Pʉɔ ɛ̂pɑ́ kɑ́ pɔ́ kwɑꞋ ɡɑŋntúu-Kɛlístɔ pɔ́, pɔ́p cɔtnu ŋɡɔ pɔ́p fɑꞋ fɑꞋ-Kɛlístɔ. Mbɔ pɔ́p kɑ ɡɛmɔ́ tɛ ḿbɔ́ yi pɛ́ lɑɑ ńjʉ́ɔ wɔ́p pɛ́ cú ŋɡɔ pɔ́p ɡɑŋntúu-Yɛ́su.

Ŋɡɑlɑ̂t 2:14

Lɑ́ ŋ kɑ pɔ́ tɛ ńjʉ́ɔ ŋɡɔ pɔ́p kɑ́ pɔ́ ńnɛn ndʉ́ŋndʉŋ nǔu pɑ́Ꞌ Ŋkʉʉ Sʉ́Ꞌnɛ zúꞋu ḿbɔ́ pɔ́Ꞌɔ pɔ́, ɛ sɑ́ɑnɛ sɑ́ɑnɛ́nɛ ńtʉ́ʉ mbi lɑ́Ꞌ, ńcú mbɔ̌ Pyɛ̂ ŋɡɔ: Gu ẅí ɔ ŋu-Pɑyúdɑ, ɔ kɑ́ nɑ́ŋ zɑꞋnɛ nǔu ntɛ́ yi pʉɔ pí pɔ́p kɑ́ pɔ́ pɑyúdɑ pɔ́ sɛ́ ńnɑ́ŋ pɔ́, lɑ́ ɔ ŋ́kɑɑ kɛ́ ńnɑ́ŋ pɑ́Ꞌ ŋu-Pɑyúdɑ pɔ́. Ɔ pɛn ńdɔɔ nɛfyɛ́t pʉɔ pí pɔ́p kɑ́ pɔ́ pɑyúdɑ pɔ́, nɛnɑ́ŋ pɑ́Ꞌ pɑyúdɑ mɛlɑ́Ꞌ kʉ̈ɔ́? Pɑyúdɑ, mbɑ pʉɔ pi pɔ́p kɑ́ pɔ́ pɑyúdɑ pɔ́ luk ńdɛɛ pɔ nǔu pɑ́Ꞌ pɔ́p zɑ́pnɛ tʉ́m nǔu Kɛlístɔ.

Ŋɡɑlɑ̂t 2:3

Titɛus ẅí pɛknɛ kɑ pɔ́nɛ kɑ pɔ́ ŋu-Ŋɡɛlɛk, lɑ́ tɛ mbɑ pɔ́Ꞌɔ, pɔ́p kɛ́ ḿbɔɔ ɛ́fyɛ́t wɛ́ ŋɡɔ ɑ pɛ́m pɛ́ púꞋ wɛ́ lɑ ɑ pɔ́ ŋu-Sɛ́ pɔ́.

Ŋɡɑlɑ̂t 5:11

Pɔ́ɔpɛ́mɑ́ pɑ́ɑ, mɔ pɛ́Ꞌnɛ ḿbɛn ḿbɔ́ ɛ́sɑ́Ꞌ ŋɡɔ pʉɔ ɡɛ pɛ́ púꞋ wɔ́p, pɑyúdɑ pɛn ŋ́kʉ́ʉnɛ wɑ́ɑ pɔ mɛlɑ́Ꞌ kʉ̈ɔ́? Mbɔ nɛpɔ́ ẅí Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ kɑ́ pɛn ŋ́ɡɑ́ɑnɛ wɔ́p pɔ́.

Ŋɡɑlɑ̂t 6:13

Pʉɔ pi pɔ́p fyɛ́tnɛ wʉ́ʉ pɔ́Ꞌɔ, kwɑꞋ pɔ́p yɔ́p zɛɛ mbɔɔ ŋ́kúꞋlɛ nɛpʉ́ʉ-pɑyúdɑ tsʉʉ pɔ́. Lɑ́ ŋ́kɛ́ ḿbɔ́ ŋ́kɔŋ pɔ ŋɡɔ pɛ́ púꞋ wʉ́ʉ púꞋnɛ. Pɔ́Ꞌɔ pɔ́p lɔk pɑ́Ꞌ pɔ́p ɡɛ tɛ pɛ́ púꞋ wʉ́ʉ, ńdɔk ŋ́ŋɑ́Ꞌtɛ mbi pɑyúdɑ,

Filipɛ 1:15

Ɛ́ nɛ́nẅín ŋɡɔ pɛcɔ́ pʉɔ sɛ́ ɛ́sẅíi nu-Kɛlístɔ pɔ nɛlɔk ńdɔɔ nu nǔu mɔ, mbɑ nɛlɔk ńdʉŋtɛ ntí. Lɑ́ pɛcɔ́ kɛ́ ɛ́sẅíi yɔ́p pɔ nɛ́ kwɑŋɛ sʉ́Ꞌnɛ.

Filipɛ 2:4

Kɔɔ ŋu wʉʉ kwɑŋɛ pɔ ndɑꞋ yɛ́ tú. A pɛn ŋ́kwɑŋɛ yɛ́ pɛcɔ́ pʉɔ.

Filipɛ 3:18

Pʉɔ tɛ ńzɑ́ɑ zɛɛ ḿbɔ́ tsɛtsɛt pɛkŋɛ, mɑt wɔp fí pɔ wɛ pʉɔ pi pɔ́p ŋíŋɛ nɛvú Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ŋíŋɛ́nɛ. Ŋ kɑ zɛ ɛ́sẅíi wʉ́ʉ, tɛ mbɑ lɔ́Ꞌnɛ, m bɛn ḿbɔ́ ńcú tɛ ńdɔk pɔ ŋki-mík ńcú.

Kɔlɔsíyɛ̂ŋ 2:23

Ɛ́ nɛ́nẅín mɔ mɛnu fí njʉ̈ɔ̌ ɛ́ pɔŋ tɛꞋ lɑ́, mbíꞋŋɡɔ ɛ́ píkŋɛ nɛɡúꞋlɛ Sɛ́, ŋ́ɡɑ́ mbʉʉ sɛ́, ńnyɛt mbʉʉ nɛ́ ŋɡʉ̈ɔ́Ꞌ. Lɑ́ mîmɑ́ mɛyúu mbɔ ɛ́ pɔɔ cẅɛ́lɛ́ nǔu yɛcɔ́ yúu pɔ́. Ɛ́ cẅɛ́lɛ́ pɔ ndɑꞋ nɛɡɛ yúu mi ŋumɛsɔŋ kɔŋnɛ.