Ŋɡɑlɑ̂t 5:25 - Kɑɑ Fí

²⁵ Pɑ́Ꞌ wɛkŋɛ nɛpɔ́ wɛ ŋkɔ̂ɔnɛ fú pɔ mbɔ̌ Zẅikŋɛ Lɛ́ɛnɛ́nɛ lɑ́, pɛkŋɛ nɛn nǔu ntɛ́ yi Zẅikŋɛ ɛ̂yɑ́ sɛ́ ńnyɛt wɛkŋɛ.

Ŋɡɑlɑ̂t 5:25 ပူးပေါင်းရင်းမြစ်များ

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

Pʉɔ-Lɔ́mɑ 8:10

Lɑ́ Kɛlístɔ lɑɑ ŋ́kɛ́ ḿbɔ́ nǔu pʉʉ, mbɔ Zẅikŋɛ yɛ́ ɡʉ ŋ́ɡɛ pʉʉ pɔ́ ɡú. Ɛ́ mbíꞋŋɡɔ Sɛ́ ɡɛ pʉʉ pɔ́ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pʉʉ ɡʉ ńdɑ́Ꞌ ḿbɔ́ ɡú, tɛ mbɑ pɑ́Ꞌ mbɑp-mbʉʉ yʉʉ ɡʉ ńdɑ́Ꞌ ḿpfú pfúnɛ mbíꞋ mɛnu kɛpɔŋ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Ŋɡɑlɑ̂t 5:16

Ŋ ɡʉ ńcú mbɔ̌ pʉʉ ŋɡɔ: Pʉʉ pɛ́m Zẅikŋɛ-Sɛ́ tsiinɛ wʉ́ʉ nǔu wʉ́ʉ nɛpɔ́, pɔ́Ꞌɔ pʉʉ pɔɔ ɡɛ mɛnu kɛpɔŋ mi mbʉʉ yʉ́ʉ tsʉ́ʉnɛ́nɛ wʉ́ʉ ŋɡɔ pʉʉ ɡɛ pɔ́.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

1 Pyɛ̂ 4:6

Ɛ́ yúu mi ɛ́ kɑ ɡɛnɛ lɑ pɛ́ cẅi Ŋkʉʉ Sʉ́Ꞌnɛ mbɑ mbɔ̌ pɛpfú. Pɛ́ kɑ cẅi tɛ mbɑ pɑ́Ꞌ Sɛ́ kɑ ŋɑknɛ mbʉʉ yɔp, pɑ́Ꞌ ɑ ŋɑknɛ pʉɔ tsʉʉ, pɔ́p ɡẅɛɛ nɛpfú. Pɔ́p ŋkɔ̂ɔnɛ ŋ́kuꞋ pɑ́Ꞌ ḿbɔ́ pɔ́p pɔ́ nǔu zẅikŋɛ yɔ́p pɔ́p pɛ́ Sɛ́ nɑ́ŋ.

Mɛnu ɛ́ ńdɑ́Ꞌ ńcẅɛt 11:11

Lɑ́, mɛlɛ́Ꞌlɑ́Ꞌ ɛ̂mɑ́ mɛ́ntɑ́t nɛ́ kɛm pɔ́ tɛ ńdɛɛ, Zẅikŋɛ yi ɛ́ ɡɛnɛ pɛ́ pɔ́ ɡú, fú mbɔ̌ Sɛ́, ńtɔ́ ŋ́kúu nǔu pɔ́p. Pɔ́p lɔ sɛ́ ńtʉ́ʉ tʉ́ʉnɛ. Cʉɔꞌ ɡẅɛɛ pʉɔ pi pɔ́p kɑ pɔ́ ńjʉ́ɔ mɛpfú mɔ́p.