Ŋɡɑlɑ̂t 5:24 - Kɑɑ Fí

²⁴ Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 5:24 ပူးပေါင်းရင်းမြစ်များ

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Pʉɔ-Lɔ́mɑ 8:9

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 3:23

Lɑ́ ɛ́ ɡʉ nǔu pʉʉ, pʉʉ pɔ́ mbɔ̌ Kɛlístɔ, Kɛlístɔ pɛn ḿbɔ́ mbɔ̌ Sɛ́.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

2 Kɔlɛ̂ŋtɛ 10:7

Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 3:11

Sɛ́ kɑ ɡɛ pɑ́Ꞌɑ ɛ́ lɔk ḿbuutɛ nǔu yúu mi ɑ kɑ zɑ́pnɛ tɛ ḿbɛ́t pɔ kɛ́ puꞋ mbí, ŋɡɔ ɑ ɡʉ ńdɑ́Ꞌ ɛ́fú nǔu Tsɑpʉɔ wɛkŋɛ Yɛ́su Kɛlístɔ, ŋ́ɡɛ yîyɑ́ yúu.

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

1 Pyɛ̂ 2:11

Pɛsúu pɑ́ɑ pɛ́ tʉʉndɛn, pʉʉ ndǔ tsɛ́tsɑ́Ꞌ zɑ́Ꞌnɛ ḿbɔ́ pɔ pɑlɛɛndúŋ, ḿbɛn ḿbɔ́ pɔ pɛɡʉʉ. Yúu mi ɛ́ ɡɛnɛ m bɔ́ ɛ́sẅíi wʉ́ʉ ŋɡɔ kɔɔ pʉʉ nɑ́ tɛ mbʉʉ yʉʉ tsʉ́ʉnɛ wʉ́ʉ nɛɡɛ yúu mi ɛ́ ŋ́kɔŋnɛ, mbíꞋŋɡɔ ɛ́ pɔ́Ꞌɔ, ḿbɔ́ ńdʉ̈ɔꞋ tʉ́m yʉ́ʉ nɛ́ ntsɔ.