Ŋɡɑlɑ̂t 5:17 - Kɑɑ Fí

¹⁷ MbíꞋŋɡɔ mɛnu mi mbʉʉ-ŋumɛsɔŋ tsʉ́ʉnɛ́nɛ wɛ́ ŋɡɔ ɑ ɡɛ ɛ́ kɑ́ pɔ́ mi Zẅikŋɛ Lɛ́ɛnɛ́nɛ sɛ́ ŋ́kɔŋ ŋɡɔ ɑ ɡɛ pɔ́. Mɛnu mi Zẅikŋɛ Lɛ́ɛnɛ́nɛ sɛ́ ŋ́kɔŋ ɛ́ kɑ́ pɔ́ mi mbʉʉ-ŋumɛsɔŋ kɔŋnɛ pɔ́, pɔ́p pɛ́pɑ́ lɔk ńdʉꞋnɛ lʉꞋnɛ́nɛ. Ɛ́ pɔ́Ꞌɔ lɑ́ pʉʉ kɑ́ ɡẅɛɛ nɛɡɛ yúu mi pʉʉ tsɑ́ɑnɛ pɔ́.

Ŋɡɑlɑ̂t 5:17 ပူးပေါင်းရင်းမြစ်များ

Mɑtʉ̈ɔ 12:30

Ŋu lʉꞋ pɑ́Ꞌ pɛkŋɛ ɡʉ ḿbɔ́ nɛ́ nu, mbɔ ɑ lɔk ḿbʉ́ʉpɛ nu yɑ́ɑ, ŋu pɛn ńdʉꞋ nɛcẅɛ́lɛ́ wɑ́ɑ, pɛkŋɛ cúꞋlɛ pʉɔ pɑ́ɑ, mbɔ ɑ tsʉ́Ꞌ ńtɑ́k wɔ́p ɛ́sɑt sɑtnɛ.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 16:23

Yɛ́su shɔtnɛ, ńcú mbɔ̌ Pyɛ̂ ŋɡɔ: «Fú nzʉʉ mɔ ńtsʉ́ʉtɛ Sɑ́ttɑ! Ɔ tsʉ́Ꞌ ńtɑɑtɛ wɑ́ɑ tɑɑtɛnɛ. Ɔ kɑ́ pɔ́ ŋ́kwɑŋɛ pɑ́Ꞌɑ, ɛ́ pɔ́ pɑ́Ꞌ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»

Mɑtʉ̈ɔ 26:41

Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

Mɑtʉ̈ɔ 5:6

Pɛpɔ́ttú pʉɔ pinɛ pɔ́p sɛ́ ńtsuŋ ńtsɑ́ɑ nɛɡɛ yúu mi Sɛ́ kɔŋnɛ, mbíꞋŋɡɔ Sɛ́ ɡʉ ŋ́ɡɛ pɔ́p ɡɛ yúu mi pɔ́p tsuŋnɛ ńtsɑ́ɑ.

Lúkɑ́shi 22:33

Pyɛ̂ cú ŋɡɔ: «Tsɑpʉɔ, ɛ́ lɑɑ ḿbɔ́ pɔ nɛkúu tsɑ́ŋ, mbɔ ɑ pûu, ńtɔ́ ŋ́kɛ́ ḿbɔ́ pɔ nɛvú, mbɔ ɑ pûu.»

Lúkɑ́shi 22:46

A cú ŋɡɔ: «Pʉʉ nɑ́ŋ kɛ́ lɛ́, ḿbɔ́k nɛkúu tsɛt ŋkwɑꞋnɛ, ɛ́ tsɑ wʉ́ʉ.»

Jɑ̂ŋ 3:6

Ŋu ẅí ŋu mbɛ́ɛnɛ pɔ́p mɑŋɡɛ́ pínɛ wɛ́, ɑ pɔ́ pɔ ŋumɛsɔŋ, ŋu ẅí Zẅikŋɛ Lɛ́ɛnɛ́nɛ pínɛ wɛ́, ɑ ŋu-Zẅikŋɛ Lɛ́ɛnɛ́nɛ.»

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Jɑ̂k 3:2

Pɛkŋɛ fɑɑnɛ mɛnu ntɛ́ ntɛ́ pɔ kɛ́ vuꞋ ŋu. Ŋu lɑɑ ḿbɔ́ ŋu ẅí ɑ kɑ́ tɔ́ nɛcú nu ɛ́fɑɑnɛ pɔ́, mbɔ ɑ ŋu kɛ́ lɔ́Ꞌ, ŋ́kuꞋ nɛɡẅɛɛtɛ mbʉʉ yɛ tsʉʉ.