Ŋɡɑlɑ̂t 5:14 - Kɑɑ Fí

¹⁴ MbíꞋŋɡɔ nu yi ɛ́ kútnɛ mɛtú mɛnu mi ɛ́ tsɛt nɛpʉ́ʉ cú ŋɡɔ: Kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú.

Ŋɡɑlɑ̂t 5:14 ပူးပေါင်းရင်းမြစ်များ

Mɑtʉ̈ɔ 7:12

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yɛ́tɛ́ ɡúu nǔu pɛcɔ́ pʉɔ. Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ḿbɔ́ yúu mi nɛpʉ́ʉ-Mɔ̌sɛ̂ɛ mbɑ mɛŋwɑꞋnɛ pɛŋɡɛ́mndʉ̈ɔ́Ꞌ-Sɛ́ píkŋɛnɛ.

Mɑ́lɛ́kúshi 12:31

Nɛpʉ́ʉ mbɑ́ɑtɛ yɛ́pɑ́ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ kɔŋ mɔ́ɔmɑ́ wu ŋumɛsɔŋ pɑꞋ túmbʉʉ yú, nɛcɔ́ nɛpʉ́ʉ kɑ́ pɛn ḿbɔ́ ɡú tɛ ńdɛɛ mɔnɛ mɛmbɑ́ pɔ́.»

Mɑ́lɛ́kúshi 12:33

Ɛ́ pɔŋ ŋɡɔ ŋu kɔŋ wɛ́ nɛ́ ŋɡɔŋ tʉ́m yɛ́ tsʉʉ, nɛ́ jínu yɛ́ pɔ́p mɛtʉʉ mɛ́ tsʉʉ, ḿbɛn ŋ́kɔŋ mɔ́ɔmɑ́ wɛ ŋumɛsɔŋ pɑꞋ túmbʉʉ yɛ́. Ŋɡɑŋ ɡɛ pɔ́Ꞌɔ, ɛ́ pɔŋ Sɛ́ ńtsɑ nɛtɔɔ mɛyúumɛku ŋ́ɡɑ́ mbɔ̌ wɛ́, ńtsɑ mbɑ yúu-pɔꞋ yi mbɔ ɑ ɡɑ́ mbɔ̌ wɛ́.»

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

Ŋɡɑlɑ̂t 1:6

Ɛ́ kʉꞋnɛ wɑ́ɑ tɛꞋ nǔu pɑ́Ꞌ Sɛ́ kɑ lɛɛnɛ nǔu Kɛlístɔ, ɛ́fúŋ wʉ́ʉ, ŋ́ɡɑ́ fuꞋ fɛ̌ɛ yʉ́ʉ, ŋ kɑ cẅɛt tsɛtsɛt pʉʉ, pʉʉ shɔtnɛ nzʉʉ wɛ́, tɛ ńtsʉ́Ꞌ ńzúꞋ pɔ yɛcɔ́ Ŋkʉʉ sʉ́Ꞌnɛ wɛ ndɛꞋ.

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.