Ŋɡɑlɑ̂t 4:28 - Kɑɑ Fí

²⁸ Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ pʉʉ mbɔ́ŋkʉ̈ɔ́ pi pɛ́ kɑ pínɛ wɔ́p nǔu ntɛ́ yi Sɛ́ kɑ kɑꞋnɛ, ndʉ́ŋndʉŋ pɑ́Ꞌ Ɛ́sɑk lɑ́.

Ŋɡɑlɑ̂t 4:28 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 3:25

Yúu mi Sɛ́ kɑ pɔ́ ńdɔk ntsu-pɛŋɡɛ́mndʉ̈ɔ́Ꞌ ŋ́kɑꞋ kɑ pɔ́ yʉ́ʉ. Kɑɑ Sɛ́ kɑ ɡwɑtnɛ pɔ́p Ábɛlɛhɑ̂m pɔ́ yʉ́ʉ ɡúu kɑɑ ɛ̂yɑ́ pɔ́ ŋɡɔ: «Mɔ ńdɑ́Ꞌ ńdɛɛ pɔ nǔu njẅɛt yu lɑ́ ńníꞋ mbɔ́tnɛ nǔu mɛtsɛ́nndɑ́ tsʉʉ mi ɛ́ ndǔ tsɛ́tsɑ́Ꞌ.»

Pʉɔ-Lɔ́mɑ 9:7

ḿbɛn ḿbɔ́ mbɔ pɛ́ pɔɔ cú ŋɡɔ pɔ́p njẅɛt-Ábɛlɛhɑ̂m pɛ́Ꞌnɛ ńdɔk ḿbɔ́ kwɑꞋ pʉɔ-Ábɛlɛhɑ̂m pɔ́. MbíꞋŋɡɔ Sɛ́ kɑ cú mbɔ̌ Ábɛlɛhɑ̂m ŋɡɔ: «Pʉɔ pi pɛ́ ɡʉ ńdɑ́Ꞌ ɛ́fúŋ ŋɡɔ njẅɛt yu, pɔ́p pɔ́ pɔ pi pɔ́p ɡʉ ńdɑ́Ꞌ ḿbɔ́ pí-Ɛ́sɑk».

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 4:23

Mɔ́ɔ-ŋkwɑɑ kɑ pɔ́ ẅí pʉɔmɛsɔŋ kɑ kɔŋ kɔŋnɛ ḿbí wɛ́. Mɔ́ɔ mɑŋɡɛ́ ẅí ɑ kɑ tɑ́tnɛ pɔ́ ẅí pɛ́ kɑ ɡɔ́ mbí wɛ́ ɛ́ pɔ́ pɔ nu yi Sɛ́ kɑ kɑꞋnɛ.

Ŋɡɑlɑ̂t 6:18

Pɔ́ɔpɛ́mɑ́, Tsɑpʉɔ wɛkŋɛ Yɛ́su Kɛlístɔ pɔ́ mbɔ̌ nɛ́ pʉʉ tsɛt tʉ́m yʉ́ʉ pɛtsʉʉ. Ɛ́ pɔ́Ꞌɔ.