Ŋɡɑlɑ̂t 4:25 - Kɑɑ Fí

²⁵ Ɛ́ pɛn ḿbɔ́ ŋɡɔ lík-Aŋɡɑɑ cẅɛ́Ꞌnɛ nǔu yɛ sinɑyi, nɛŋkɔ́Ꞌ ni ɛ́ ŋɡɔŋ Alɑbîi. Aŋɡɑɑ lɔk pɑ́Ꞌɑ ḿbɔ́ tʉ́sɔŋ-Yɛlúsɑlɛm wɛ ŋkɔ̂ɔnɛ, ɛ́ yi pɔ́p pʉɔ pɛ́ pɛtsʉʉ pɔ́ pɔ pɛkwɑɑ-nɛpʉ́ʉ.

Ŋɡɑlɑ̂t 4:25 ပူးပေါင်းရင်းမြစ်များ

Mɑtʉ̈ɔ 23:37

Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Lúkɑ́shi 19:44

Pɔ́p ɡʉ ŋ́ɡɛ ńtɔ́, ŋ́ɡɔꞋ wʉ́ʉ, pɔ́p pɔ́ɔ pʉ́ʉ tsʉʉ, ḿbɛn ɛ́sɑt tʉ́sɔŋ yʉ́ʉ tɛ ḿbɔɔ nɑ́ ŋɡɔꞋ pɛn ńzɑ́pmɛ nǔu yɛcɔ́ pɔ́. Ɛ́ zɛɛ ḿbɔ́ pɔ́Ꞌɔ, mbíꞋŋɡɔ pʉʉ kɑ muŋɛ ŋkɑ́ yi Sɛ́ ńtɔ́ nɛɡɛ nu sʉ́Ꞌnɛ nǔu pʉʉ.

ŊwɑꞋnɛ-Gɑŋntúu Yɛ́su Kɛlístɔ 1:11

ńcú mbɔ̌ pɔ́p ŋɡɔ: «Pɑŋɡɑlíliyɑ, pʉʉ tʉ́ʉ ńdíŋɛ tʉ́nɛ́pú mɛlɑ́Ꞌ kʉ̈ɔ́? Yɛ́su pʉ́ɔlɑ́, mbɔ Sɛ́ fú mbɔ̌ pʉʉ ɛ́sɑ́Ꞌ wɛ́ ńdɔk ŋ́ɡʉ nɛ́ tʉ́nɛ́pú, ɑ ɡʉ ŋ́ɡɛ ḿbɛn ḿbɛn nzʉʉ pɔ nǔu ntɛ́ yi pʉʉ jʉ́ɔnɛ ɑ lɔk ŋ́ɡʉ lɑ́.»

Ŋɡɑlɑ̂t 1:17

Ŋ kɛ́ mbɔɔ pʉʉ Yɛlúsɑlɛm, ńjʉ́ɔ pʉɔ pi pɔ́p kɑ piitɛ́nɛ ḿbɔ́ ɡɑŋntúu-Yɛ́su lɑ n tɔ́ yɑ́ɑ pɔ́; tɛ ńtsʉ́Ꞌ pɔ́Ꞌɔ, mbɔ ŋ kɑ ɡʉ pɔ tsɛt ŋɡɔŋ-Alɑbîi, ŋ́ɡɛ ḿbɛn ḿbɛn tʉ́sɔŋ-Ndɑ́mɑ́s.

Ŋɡɑlɑ̂t 4:24

Yɔ nu ḿbɔ́ pɛ́ pɛn ńzúꞋ nǔu wɛcɔ́ shʉ́. Pɑŋɡɛ́ pɔnɛ pɛ́pɑ́ lɔk nyɛt kɑɑ yɛ́pɑ́. Nduŋmbi kɑɑ pɔ́ yi ɛ́ kɑ fúnɛ ndǔ nɛŋkɔ́Ꞌ-Sinɑyi. Yîyɑ́ kɑɑ ɡɛ, pɛ́ pí mbɔ́ŋkʉ̈ɔ́ pɔ́p pɔ́ pɔ pɛkwɑɑ. A lɔk ḿbɔ́ Aŋɡɑɑ.

Ŋɡɑlɑ̂t 4:26

Lɑ́ Yɛlúsɑlɛm wɛ tʉ́nɛ́pú kɑ́ pɔ́ ŋkwɑɑ pɔ́, jʉ́ pɔ́nɛ mɑ́ wɛkŋɛ.

Ɛ́bɛlʉʉ 12:18

Ɛ́ ɡʉ nǔu yʉʉ ntɛ́ nɛlɔk kẅɛ́Ꞌlɛ mbɑɑtɛ Sɛ́, mbɔ ɛ́ kɑ́ pɔ́ pɑ́Ꞌ yɛ́ pɑíslɑyɛ̂l mbʉʉ nɛŋkɔ́Ꞌ-Sinɑyi yi ɛ́ pɔ́ pɔ yɛ́ ndǔ tsɛ́tsɑ́Ꞌ pɔ́. Pɔ́p kɑ jʉ́ɔ múk pɑ́Ꞌ ɛ́ kʉ́nɛ, ńjʉ́ɔ zʉꞋ sʉ́ʉ, nzɛ́nzʉ́ʉ vu, ńzúꞋ fɛ́m tsʉ́Ꞌnɛ,