Ŋɡɑlɑ̂t 4:17 - Kɑɑ Fí

¹⁷ Pʉʉ sɛ́ ńjʉ́ɔ ŋɡɔ pɑzíꞋ wʉ́ʉ nɛ mɛnu ɛ̂mɑ́ sɛ́ ŋ́kɔŋ wʉ́ʉ tɛꞋ, lɑ́ kwɑŋɛ ẅí pɔ́p ɡẅɛɛnɛ nǔu pʉʉ ɛ́ kɑ́ pɔ́ wɛ sʉ́Ꞌnɛ pɔ́. Pɔ́p lɔɔ pɔ nɛfú nzʉʉ mɔ ńcẅɛɛtɛ wʉ́ʉ pʉʉ tsʉ́Ꞌ ŋ́kɔŋ pɔ wɔ́p.

Ŋɡɑlɑ̂t 4:17 ပူးပေါင်းရင်းမြစ်များ

Mɑtʉ̈ɔ 23:15

Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ pɑŋkɔŋmík. Pʉʉ sɑ́Ꞌ tʉʉ ŋ́kɑ́t ńtúu mɛŋki kɛ nɛpɔ́ ŋ́ɡʉ mɛŋɡɔŋ nɛɡɛ tɑ́Ꞌ ŋu ẅí ɑ kɑ́ jí Sɛ́ pɔ́ cʉ́ɔ nzʉʉ pʉʉ ńjí Sɛ́. Lɑ́ ɑ kɛ ḿbɔ́ tɛ ŋ́kɛ́ ńcʉ́ɔ nzʉʉ pʉʉ, pʉʉ ɡɛ ɑ tsʉ́Ꞌ ŋu ẅí ɑ kuꞋnɛ nɛkúu pɔ tsɛtsɛt múk tɛ ńdɛɛ wʉ́ʉ.

Pʉɔ-Lɔ́mɑ 10:2

N tsuŋ ḿbɔ́ ńjí ŋɡɔ, pɔ́p tsuŋ ḿbɔ́ ŋ́kɔŋ nɛfɑꞋ fɑꞋ-Sɛ́ pɔ nɛ́ zɑŋɛ mbʉʉ, lɑ́ pɔ́p kɑ́ pɔ́ ńzúꞋ kwɑꞋ sɛ̂ndúŋ pɔ́.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

1 Kɔlɛ̂ŋtɛ 11:2

Ŋ ɡɑ́ mɛtʉʉ mʉ́ʉ pɑ́Ꞌ pʉʉ tʉ́ʉ nǔu mbɑ yɛ́tɛ́ nu ɔɔ, ŋ́kẅíitɛ wɑ́ɑ kẅíitɛ́nɛ lɑ́. Mbɑ pɑ́Ꞌ pʉʉ sɛ́ ńtsuŋ ŋ́kúꞋlɛ mɑt ẅi ŋ kɑ zíꞋnɛ wʉ́ʉ lɑ́.

1 Kɔlɛ̂ŋtɛ 4:18

Pɛcɔ́ pʉɔ tsɛtsɛt pʉʉ kɑ kwɑŋɛ ŋɡɔ ŋ kɛ́ lɑ́Ꞌ ḿbɛn ńtɔ́ tɛ ńjʉ́ɔ wʉ́ʉ pɔ́, ŋ́kwɑŋɛ pɔ́Ꞌɔ, ńzɛ nɛŋɑ́Ꞌlɛ.

1 Kɔlɛ̂ŋtɛ 4:8

Pʉʉ tsʉ́Ꞌ ńjúk ńcú ŋɡɔ pʉʉ kɑ kɛ́mɔ́ ndɑ́Ꞌ ŋ́ɡẅɛɛ yúu tsʉʉ yi ɛ́ kɑ pɔ́ ńjɑ́k mbɔ̌ pʉʉ. Pʉʉ kɑ tsʉ́Ꞌ mɔ́ ɡɑŋyúu pʉ́ɔ? Pʉʉ tsʉ́Ꞌ mɔ́ pɛfɔɔ ńdɛɛ wɛ́k ɔ́ɔ? Lɑ́ ɛ́ lɑ́Ꞌ ḿbɔ́ pɛ́Ꞌnɛ pʉʉ pɔ́ pɛfɔɔ kwɑꞋ nɛ́nẅín, mbɔ ɛ́ pɔŋ wɑ́ɑ tɛꞋ, mbɔ ɑ pɛkŋɛ.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Ŋɡɑlɑ̂t 4:16

Ɛ́ ŋkɔ̂ɔnɛ, mbɔ n tsʉ́Ꞌ ŋɡɑŋmbuu wʉ́ʉ mbíꞋŋɡɔ n dɑ́Ꞌ ḿbɔ́ ɛ́sẅíi wʉ́ʉ pɔ nɛ nu nɛ́nẅín kíi?

Ŋɡɑlɑ̂t 4:18

Lɑ́ ɛ́ ɡʉ nǔu mɔ, ŋ kɔŋ wʉ́ʉ, tɛ ḿbɔ́ pʉʉ jʉ́ pii yɑ́ɑ ŋɡɔŋ ŋkɑ́Ꞌ tsʉʉ, tɛ ɛ́ pɔɔ pɔ́ pɔ ŋkɑ́ yi mɔ tsɛtsɛt pʉʉ pɔ́.

Filipɛ 2:21

Pɛcɔ́ pʉɔ sɛ́ ɛ́sɑ́ŋ nu pɔ ndɑꞋ nǔu yɔ́p tú tɛ pɔ́p kɑ́ pɔ́ ɛ́sɑ́ŋ nu nǔu nu-Yɛ́su Kɛlístɔ pɔ́.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.