Ŋɡɑlɑ̂t 3:17 - Kɑɑ Fí

¹⁷ Pʉʉ zúꞋ nu yi n dɔɔnɛ nɛcú. Sɛ́ kɑ ɡɔ́ ńzɛ ŋ́kɑꞋ nu mbɔ̌ Ábɛlɛhɑ̂m. Nɛpʉ́ʉ lɑ́Ꞌ ŋ́ɡɔ́ ńtɔ́, mbɔ ɛ́ lɛɛ mɔ́ ŋɡuꞋ ŋkʉ yɛ́nɛ́kwɑ nɛ́ mɛɡɛ́mɛ́ntɑ́t. Ɛ́ kɛ́ mbɔɔ ɡʉ nǔu kɑɑ yɔ́p Ábɛlɛhɑ̂m ḿbík yɛcɔ́ yúu pɔ́, ńdɔk pɔ́Ꞌɔ, ŋ́ɡɛ yúu mi ɑ kɑ kɑꞋnɛ mbɔ̌ wɛ́ pɔɔ lɛɛ níinɛ pɔ́.

Ŋɡɑlɑ̂t 3:17 ပူးပေါင်းရင်းမြစ်များ

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 7:6

Sɛ́ ŋ́kɛ́ ńcú mbɔ̌ wɛ́ ŋɡɔ: Mbɔ́ŋkʉ̈ɔ́ pú ɡʉ ńdɑ́Ꞌ ŋ́ɡʉ yɛcɔ́ túu ńtswɛ́. Ŋ́kúu zúꞋu pɛ́ lɔk wɔ́p ŋ́ɡɛ pɛkwɑɑ, ńnyɛt wɔ́p nɛ́ ŋɡʉ̈ɔ́Ꞌ nyɛtnɛ nǔu ŋɡuꞋlɑ́Ꞌ ŋkʉ yɛ́nɛ́kwɑ.

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.

Pʉɔ-Lɔ́mɑ 3:3

Ɛ́ pɛn ŋ́ɡʉ nǔu pɑ́Ꞌ pɛcɔ́ pɑyúdɑ kɑ nyɛtnɛ yîyɑ́ sẅiŋɛ pɛ́Ꞌɛ, ɛ́ ɡɛ ńdɛɛ pɔ́Ꞌɔ, Sɛ́ nyɛt mɛnu mi ɑ kɑ kɑꞋnɛ mbɔ̌ pɔ́p kɛkʉ̈ɔ́?

1 Kɔlɛ̂ŋtɛ 1:12

Ŋ kɑ fú nǔu ńzúꞋ ŋɡɔ mbɑ wɔ̌ lɑ́ tsɛtsɛt pʉʉ tsʉ́Ꞌ ɛ́sẅíŋɛ pɔ nǔu yɛ́ ntɛ́. Wɛcɔ́ ŋu ɡɔ́ mɔ ŋu-Pɔ̂l, wɛcɔ́ ɡɔ ɑ ŋu wɛ Apɔlɔ́s. Wɛcɔ́ ɡɔ ɑ ŋu-Kɛfɑs, wɛcɔ́ cú ŋ́ɡɔ ɑ ŋu wɛ Kɛlístɔ.

1 Kɔlɛ̂ŋtɛ 1:17

Kɛlístɔ ŋkɑɑ zɛɛ ńtúu wɑ́ɑ ŋɡɔ ŋ ɡʉ ŋ́ɡɛ pʉɔ cẅɛ́ɛ ŋki mbɔ̌ mɔ pɔ́. A kɑ túu wɑ́ɑ pɔ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ. Lɑ́ ŋ́kɛ́ mbɔɔ lɔk pɔ́ jínu-ŋumɛsɔŋ ńcẅi pɔ́, ḿbɔ́k nɛɡɛ mɛtʉʉ mi ɛ́ fúnɛ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ḿmɛ.»

1 Kɔlɛ̂ŋtɛ 10:19

N dɔk pɑ́Ꞌɑ ńcú ŋɡɔ kʉ̈ɔ́ nǔu mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́? Mbɑp ɛ̂yɑ́ zɛɛ ɛ́fɑꞋ yɛcɔ́ fɑꞋ? Mɛsɛ́ ɛ̂mɑ́ zɛɛ ḿbɔ́ ɡú?

1 Kɔlɛ̂ŋtɛ 7:29

Pɔ́ɔpɛ́mɑ́ pɑ́ɑ, yúu mi n dɔɔ nɛcú pɔ́ pɔ ŋɡɔ: «MɛfʉꞋ-njí kɑ́ pɛn ńzɑ́ɑ pɔ́. Ɛ́ sɛ́ ḿbíkŋɛ ŋɡɔ tɛ ɛ́fú ŋkɔ̂ɔnɛ, pʉɔ pi pɔ́p zɔ́Ꞌnɛ ńnɑ́ŋ pɑ́Ꞌ ŋkɑ́ yi pɔ́p kɑ́ zɔ́Ꞌ.»

2 Kɔlɛ̂ŋtɛ 1:20

Jʉ́ zɛɛnɛ ḿbɔ́ ŋu ẅí ɑ ɡɛnɛ ŋɡɔ kʉ̈ɔ́ lɑ́ yi Sɛ́ kɑ kɑꞋnɛ lɑ́ puutɛ. Pɔ́Ꞌɔ, pɛkŋɛ lɔk lík yɛ́, ńcú ŋɡɔ ɛ́ pɔ́Ꞌɔ, ńdɔk pɔ́Ꞌɔ, ŋ́ɡɑ́ mɛkuꞋ mbɔ̌ Sɛ́.

2 Kɔlɛ̂ŋtɛ 9:6

Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.

Ŋɡɑlɑ̂t 3:15

Pɔ́ɔpɛ́mɑ́, ŋ ɡʉ ḿbɛ́ɛ fʉꞋ nǔu mɑt wɛkŋɛ pʉɔmɛsɔŋ, pɛkŋɛ jí ŋɡɔ ŋu pɔ́ tɛ ŋ́ŋwɑꞋnɛ yúu ńdɔk ńtík nɛvú nɛ́ nǔu ntɛ́ yi ɛ́ píkŋɛ́nɛ, ḿbɔ́ mbɔ wɛcɔ́ ŋu pɔɔ pɛn ńdut, ŋ́kɛ́ ḿbɔɔ pɛn ŋ́kẅiꞋ yɛcɔ́ yúu nǔu pɔ́.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ŋɡɑlɑ̂t 5:16

Ŋ ɡʉ ńcú mbɔ̌ pʉʉ ŋɡɔ: Pʉʉ pɛ́m Zẅikŋɛ-Sɛ́ tsiinɛ wʉ́ʉ nǔu wʉ́ʉ nɛpɔ́, pɔ́Ꞌɔ pʉʉ pɔɔ ɡɛ mɛnu kɛpɔŋ mi mbʉʉ yʉ́ʉ tsʉ́ʉnɛ́nɛ wʉ́ʉ ŋɡɔ pʉʉ ɡɛ pɔ́.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

Ɛ́fɛ̂zɛ 2:12

Pʉʉ pɛn ŋ́kẅíitɛ ŋɡɔ ɛ́ kɑ pɔ́ ŋkɑ́ ɛ̂yɑ́, pʉʉ pɔɔ ḿbɔ́ ńjí ŋɡɔ wɛcɔ́ ŋu ɡú ḿbɔ́ Nzɑ́Ꞌŋkʉ, tɛ pɛ́ ɡẅɛɛ nɛzẅíꞋlɛ wɛ́ pɔ́. Pʉʉ pɔ́ tsɛtsɛt pʉɔ-Íslɑyɛ̂l ḿbɔ́ pɔ pɛɡʉʉ, pʉʉ pɔɔ nu nǔu kɑɑ yɔ́p pɛ Sɛ́ ɡẅɛɛ tɛ mbɑ nǔu yúu mi Sɛ́ kɑ kɑꞋnɛ mbɔ̌ pɔ́p. Pʉʉ kɑ pɔ́ yʉ́ʉ ndǔ yɔ mbí, ḿbɔɔ ḿbɔ́ ńzẅíꞋlɛ yɛcɔ́ yúu pɔ́, ḿbɛn kɛ́ mbɔɔ ńjí Sɛ́ pɔ́.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Kɔlɔsíyɛ̂ŋ 2:4

Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 7:18

Pɛ́ lɔk pɔ́Ꞌɔ, ḿbiitɛ ńtsɛ́t ndwɛn ndúŋ ẅí pɛ́ kɑ piitɛ ńtík ŋɡɔ pɛ́ nɛn nǔu, mbíꞋŋɡɔ yúu kɑ jɑ́k nǔu ẅîwɑ́ ndúŋ, ɛ́ pɛn mbɔɔ cẅɛ́lɛ́.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.