Ŋɡɑlɑ̂t 2:20 - Kɑɑ Fí

²⁰ Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 2:20 ပူးပေါင်းရင်းမြစ်များ

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 4:3

Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 10:11

Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Jɑ̂ŋ 15:13

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 3:35

Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

Jɑ̂ŋ 6:57

Tɑ̌ɑ mɔ kɑ túunɛ wɑ́ɑ, ɑ nɛsɑ́Ꞌ-luk. N dɔk pɔ pɔ́Ꞌɔ, ḿbɔ́ ɡú, ɛ́ ndʉ́ŋndʉŋ pɑ́Ꞌ ŋu lɑɑ ŋ́ɡɛ ŋ́kwɛ́t mbɑp-mbʉʉ yɑɑ, mbɔ ɑ ɡʉ ńdɔk pɔ pɔ́Ꞌɔ, ḿbɔ́ ɡú.

Jɑ̂ŋ 6:69

Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

Pʉɔ-Lɔ́mɑ 14:7

Ɛ́ zɛɛ ŋ́ɡɔ́ ḿbɔ́, wɛcɔ́ ŋu wɛkŋɛ kɑ́ ɡɔ́ ḿbɔ́ ɡú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́, wɛcɔ́ ŋu pɛn ŋ́kɛ́ ḿbɔɔ ɡɔ́ ḿpfú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 5:2

Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.

Pʉɔ-Lɔ́mɑ 5:6

Ɛ́ pɔ́ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ zɛɛnɛ ḿbɛ́t pɔ pɑ kɛ́ ɡẅɛɛ mɛtʉʉ, Kɛlístɔ tɔ́ nǔu ŋkɑ́ yi Sɛ́ kɑ zɑ́pnɛ, ḿpfú nǔu tú-pʉɔ kɛpɔŋ.

Pʉɔ-Lɔ́mɑ 5:8

Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

Pʉɔ-Lɔ́mɑ 6:13

Kɔɔ pʉʉ pɛn ńdɔk mɛkɛm-mbʉʉ mʉ́ʉ ŋ́ɡɛ nu kɛpɔŋ pɑ́Ꞌ pɛ́ lɔknɛ yúu-ntsɔ ŋ́ɡɛ mɛnu kɛpɔŋ lɑ́. Tɛ ńtsʉ́Ꞌ pɔ́Ꞌɔ, pʉʉ nɑ́ mbʉʉ yʉʉ mbɔ̌ Sɛ́ ḿbɔ́ kwɑꞋ pʉɔ pi pɔ́p kɑ pfúnɛ ḿbɛn ńzẅíimɛ. Pʉʉ lɔk mɛkɛm-mbʉʉ mʉ́ʉ ŋ́ɡɛ yúu mi pʉʉ ɡʉ ńdɔk ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:8

Pɑ́Ꞌ pɛkŋɛ pɛ Kɛlístɔ kɑ tɛmtɛ́nɛ ḿpfú lɑ́, ɛ́ lɔk ḿbɔ́ ŋɡɔ pɛkŋɛ pɛpɔ́p ɡʉ ŋ́ɡɛ ńtɛmtɛ ḿbɔ́ ɡú.

Pʉɔ-Lɔ́mɑ 8:10

Lɑ́ Kɛlístɔ lɑɑ ŋ́kɛ́ ḿbɔ́ nǔu pʉʉ, mbɔ Zẅikŋɛ yɛ́ ɡʉ ŋ́ɡɛ pʉʉ pɔ́ ɡú. Ɛ́ mbíꞋŋɡɔ Sɛ́ ɡɛ pʉʉ pɔ́ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pʉʉ ɡʉ ńdɑ́Ꞌ ḿbɔ́ ɡú, tɛ mbɑ pɑ́Ꞌ mbɑp-mbʉʉ yʉʉ ɡʉ ńdɑ́Ꞌ ḿpfú pfúnɛ mbíꞋ mɛnu kɛpɔŋ.

Pʉɔ-Lɔ́mɑ 8:37

Lɑ́ ɛ́ kɛ́ ŋ́ɡʉ nǔu yúu ɛ̂pɑ́ tsʉʉ, pɛkŋɛ pɔ́ pɛtɑ́mɛtʉʉ, pɑlɛɛ nǔu mîmɑ́ mɛyúu ńdúꞋnɛ pɔ́ pʉɔ pi pɔ́p kɑ kɔŋnɛ wɛkŋɛ.

1 Kɔlɛ̂ŋtɛ 6:17

Lɑ́, ŋu ẅí ɑ lɑtnɛ yɛ́ mbʉʉ pɔ nǔu Tsɑpʉɔ, pɔ́pnɛ́ tsʉ́Ꞌ ŋ́ɡẅɛɛ pɔ tɑ́Ꞌ Zẅikŋɛ.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Kɔlɛ̂ŋtɛ 10:3

Pɛk zɛɛ ḿbɔ́ pɔ pʉɔmɛsɔŋ pɑ́Ꞌ pɛcɔ́ lɑ́, yɛk ntɛ́ nɛmɑꞋ ntsɔ kɑ́ ɡɔ́ɔ ḿbɔ́ pɔ yɛ́ pʉɔmɛsɔŋ pɔ́.

2 Kɔlɛ̂ŋtɛ 11:10

Mɔ ɛ́fú nǔu nu nɛ́nẅín-Kɛlístɔ yi ɛ́ tsɛt tʉ́m mɔ, ńcú mbɔ̌ pʉʉ ŋɡɔ, n dɑɑ ŋ́ɡʉ pɔ ɡɔ́ tsɛt Akɑ̂y, m bɔɔ mɛꞋ yîyɑ́ luk yi n dɔknɛ ŋ́kɑꞋmɛ pɔ́. M bɔɔ lɑ́Ꞌ yɛcɔ́ lɛ́Ꞌ ńcẅɛ́ɛ yúu mbɔ̌ ŋu wʉʉ pɔ́.

2 Kɔlɛ̂ŋtɛ 13:3

Pɑ́Ꞌ pʉʉ kɛ́ ḿbɔ́ ńdɔɔ nɛjʉ́ɔ yúu mi ɛ́ nyɛtnɛ ŋɡɔ nu yí ɛ́ cẅɛtnɛ ntsu mɔ ɛ́ fú mbɔ̌ Kɛlístɔ lɑ́, pʉʉ ɡʉ ŋ́kɛ́ ŋ́ɡɛ ńjʉ́ɔ. Pʉʉ jí ŋɡɔ Kɛlístɔ kɑ́ pɔ́ ńzɔɔtɛ wʉ́ʉ pɔ́. A sɛ́ ńnyɛt mɛtʉʉ mɛ́ tsɛtsɛt pʉʉ.

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

2 Kɔlɛ̂ŋtɛ 5:15

A kɑ pfú nǔu tú-pʉɔ tsʉʉ, nɛpɔ́ yi pʉɔ pi pɔ́p ntʉʉ kɛ́ pɛn ḿbɔ́ ɡú pɔ́ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɔ́p pɔ́. Pɔ́p ɡʉ ńtsʉ́Ꞌ ḿbɔ́ ɡú, pɔ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɛ́, jʉ́ ẅi ɑ kɑ pfúnɛ nǔu tú yɔ́p lɑ Sɛ́ zẅíimɛ wɛ́ nǔu nɛvú.

2 Kɔlɛ̂ŋtɛ 5:7

Ɛ́ lɔk ńcú ŋɡɔ pɛkŋɛ pɛ́t ḿbɔ́ ńdɔk mík mɛkŋɛ ńjʉ́ɔ wɛ́. Lɑ́, pɛkŋɛ nɑ́ŋ ḿbɔ́ ńzẅíꞋlɛ pɑꞋnɛ, mbíꞋŋɡɔ pɛkŋɛ zɑ́p tʉ́m nǔu wɛ́.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ŋɡɑlɑ̂t 3:11

Pɛ́ pɛn ńniitɛ ńnyɛt tsɛt ŋwɑꞋnɛ-Sɛ́ ŋɡɔ mbɔ ŋu pɔɔ lɔk pɑ́Ꞌ ɑ cúnɛ ŋɡɔ ɑ kúꞋlɛ nɛpʉ́ʉ ńdɔk ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ pɔ́, mbíꞋŋɡɔ pɛ́ kɑ ŋwɑꞋnɛ ŋɡɔ: Ŋu ẅí ɑ kuꞋ nɛpɔ́ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m yɛ́ nǔu wɛ́, pɔ́nɛ ŋu ẅí ɑ ɡʉ ńdɑ́Ꞌ ńduk.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Ɛ́fɛ̂zɛ 5:25

Ŋ́ɡʉ nǔu pʉʉ mbɛ́ɛnɛ, mbɑ wɔ̌ lɑ́ kɔŋ nzwɛ́ wɛ ndʉ́ŋndʉŋ pɑ́Ꞌ Kɛlístɔ kɔŋnɛ cúꞋlɛ-pʉɔ pɛ́ tɛ mbɔ ɑ kɑ ɡɑ́ tú yɛ́ mbíꞋ yɛ́tɛ́ lɑ́,

Filipɛ 1:21

Kɛlístɔ zɛɛ ḿbɔ́ yɑ́ɑ nu tsʉʉ. N dɑɑ ḿbɔ́ ɡú, mbɔ mɔ ɡú mbíꞋ Kɛlístɔ, ŋ́kɛ́ ḿpfú, mbɔ n jʉ́ pii nzʉʉ yɛ́.

Filipɛ 4:13

Kɛlístɔ ɡɑ́nɛ wɑ́ɑ nɛ́ mɛtʉʉ, lɑ ŋ kuꞋ nɛɡɛ pɔ́Ꞌɔ.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

1 Tɛsɑlɔník 5:10

A kɑ pfú nǔu tú yɛ́kŋɛ, nɛpɔ́ yi pɛkŋɛ lɑɑ ńzɛɛ ḿpfú mbɑ pfúnɛ, kɛ ḿbɛ́t pɔ ntʉʉ ɔɔ, mbɔ pɛkŋɛ pɛ́pɔ́p zɛɛnɛ ḿbɔ́.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 8:3

Pɛ́ zɛɛ ńzɑ́p NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ńdɔk yúu ńtɔ́ mbi Sɛ́ ńnyɛt wɛ́ mbɑ pɑ́Ꞌ ɑ ɡʉ ńnɔŋ pɔꞋ mbi Sɛ́. Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ wɛkŋɛ NɔŋpɔꞋ wɛ ɡwɛ́ pɛn ŋ́ɡẅɛɛ yɛ́ yúu mi ɑ ɡʉ ŋ́ɡɑ́ mbɔ̌ Sɛ́.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.