Mɛnu ɛ́ ńdɑ́Ꞌ ńcẅɛt 8:3 - Kɑɑ Fí

³ Wɛcɔ́ Cʉ̈ɔꞋ-Sɛ́ tɔ́ ńtʉ́ʉ mbʉʉ zʉꞋ yi pɛ́ tɔɔnɛ yúu jɑ́k zúꞋu, ŋ́ɡẅɛɛ yúu mi pɛ́ níꞋnɛ yúu jɑ́k tsɛtú ńtɔɔ. Ɛ́ pɔ́, mbɔ pɛ́ kɑ lɔk tʉ́n-ŋɡɔ̂l ńniitɛ. Pɛ́ ɡɑ́ lɑmɛ́ndɑɑ mbɔ̌ wɛ́ tɛ ɛ́ zɑ́ɑ zɑ́ɑnɛ pɑ́Ꞌ, ɑ ɡʉ tɛmtɛ mɛcɛꞋlɛ-pʉɔ-Sɛ́ nǔu, ńtɔɔ zʉꞋ yi pɛ́ nɔŋnɛ pɔꞋ zúꞋu, ŋ́ɡɑ́ mbɔ̌ Sɛ́. Yîyɑ́ zʉꞋ pɔ́, mbɔ pɛ́ kɑ lɔk tʉ́n-ŋɡɔ̂l ńniitɛ. Ɛ́ pɔ́ mbi kɔꞋ-nɛfɔɔ.

Mɛnu ɛ́ ńdɑ́Ꞌ ńcẅɛt 8:3 ပူးပေါင်းရင်းမြစ်များ

Lúkɑ́shi 1:10

A ɡɔ ḿbɔ́ ndɑ́ nɛtɔɔ lǐi ɛ̂yɑ́, lɑ́Ꞌ pɔ́ píi tɛ ńzɑ́ɑ, ḿbɔ́ ńcɛꞋlɛ Sɛ́ pɔ́p pɛtsʉʉ.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Ɛ́bɛlʉʉ 9:4

Ɛ́ pɔ́ tsɛt ẅîwɑ́ lûm, nɛkɛlɛmúk tʉ́ʉ tsɛtú, mbɔ pɛ́ kɑ lɔk tʉ́n-ŋɡɔ̂l ńniitɛ, pɛ́ tɔɔ lǐi-pɔꞋ ndǔ, ŋkɔp-kɑɑ yi Sɛ́ pɔ́p pʉɔ kɑ ɡwɑtnɛ tʉ́ʉ yɛ́ tsɛtú, mbɔ pɛ́ kɑ lɔk pɔ tʉ́n-ŋɡɔ̂l ńdɔk shʉŋ mɛnzɛm tsʉʉ, wɛcɔ́ mɔ́yúu tsɛ́Ꞌ yi pɛ́ kɑ pɛn ńdɔk pɔ tʉ́n-ŋɡɔ̂l ńniitɛ tʉ́ʉ tsɛt yîyɑ́ ŋkɔp nɛ́ mɑ̂ɑnɛ tsɛtú, ntẅí-Alɔŋ yi pɛtɔ̌ɔtɔ̌ɔ kɑ lɑ́Ꞌ ńcẅɛɛtɛ nǔu pɛn ńnɔɔ tsɛtú, pɛtɑ̌ɑfɛlɛ́-ŋɡɔꞋ pi pɛ́ kɑ ŋwɑꞋnɛ nu-kɑɑ yi Sɛ́ pɔ́p pʉɔ pɛ́ kɑ ɡwɑtnɛ pɛn ḿbɔ́ tsɛtú.

Mɛnu ɛ́ ńdɑ́Ꞌ ńcẅɛt 10:1

M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ, ɑ pɔ́ ɛ́fú tʉ́nɛ́pú ḿpfúu, yɛcɔ́ ntɛ́ mɛlɑ́ɑ pɔɔ mbʉʉ yɛ pɑ́Ꞌ ndẅí pɔɔ mbʉʉ-ŋu lɑ́. Ŋkɔŋ-ŋɡɛ́mnɔ́ zɛmɛ tú yɛ́. Shʉ́ wɛ́ pɔ́ pɑ́Ꞌ lík-nɛm lɑ́. Mɛntɑ́ɑ mɛ́ pɔ́ mɑꞋ mɛlʉ́m-múk mi ɛ́ pʉꞋnɛ́nɛ ńtʉ́ʉ tʉ́ʉnɛ lɑ́.

Mɛnu ɛ́ ńdɑ́Ꞌ ńcẅɛt 14:18

Wɛcɔ́ Cʉ̈ɔꞋ-Sɛ́ fú zʉꞋ yi pɛ́ nɔŋnɛ pɔꞋ zúꞋu ńcẅɛt, ḿbɔ́ ẅi pɛ́ kɑ ɡɑ́nɛ nu-múk mbɔ̌ wɛ́, ɑ lɔk ŋɡi tɛnnɛ ńcú mbɔ̌ ẅi ɑ lɑ́Ꞌnɛ ŋ́ɡẅɛɛ níi ɛ́ pɔ́ ńcʉ̈ɔ́k tɛꞋ lɑ́ ŋɡɔ: «MɑꞋ níi yu yi ɛ́ sɛ́ ńcʉ̈ɔ́k lɑ́, ńdɔk ńzɑ́Ꞌ mɛntswɑ́ mɛntɑ́ɑ mi pɛ́ kíɛnɛ ńdɔk ńniitɛ mɛluꞋ, ɛ́ pɔ́ ndǔ tsɛ́tsɑ́Ꞌ mbɔ ɛ́ tʉ̌ʉ lɑ́.»

Mɛnu ɛ́ ńdɑ́Ꞌ ńcẅɛt 5:8

Mɔ́ɔ-Njinjɔ kɑ cẅɛ́ɛ ŋwɑꞋnɛ tɛ ŋ́ɡẅɛɛ, mɛyúumɛku mɑ́ mɛ́nɛ́kwɑ, mbɑ pɛlʉ́m pîpɑ́ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ ŋ́kẅíꞋlɛ mbi yɛ́. Mbɑ wɔ̌ lɑ́ nǔu pɔ́p pɔ́ ŋ́ɡẅɛɛ yɛcɔ́ ntɛ́ nɛlúŋ mbɑ mɛntúꞋ mi pɛ́ kɑ lɔknɛ tʉ́n-ŋɡɔ̂l ńniitɛ, lɑmɛ́ndɑɑ pɔ́ tsɛtú tɛ ńdúu, ńdɔk ḿbɔ́ mɛcɛꞋlɛ-pʉɔ-Sɛ́.

Mɛnu ɛ́ ńdɑ́Ꞌ ńcẅɛt 6:9

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́tɑ́ɑ, n jʉ́ɔ mɛtʉ́m-pʉɔ pí pɛ́ kɑ jẅítɛ́nɛ wɔ́p, mbíꞋŋɡɔ pɔ́p kɑ sẅíi nu-Sɛ́ mbɑ nǔu pɑ́Ꞌ pɔ́p kɑ cúnɛ yúu mi pɔ́p jínɛ nǔu nu-Yɛ́su, nɔɔtɛ nɛtsɛ́n-zʉꞋ yí pɛ́ nɔŋnɛ pɔꞋ zúꞋu,

Mɛnu ɛ́ ńdɑ́Ꞌ ńcẅɛt 7:2

N jʉ́ɔ wɛcɔ́ tɑ́Ꞌ Cʉ̈ɔꞋ-Sɛ́, pɔ́ ɛ́fú shʉ́ sɑ́Ꞌnɛm, ŋ́ɡẅɛɛ yúu mi Sɛ́ ẅi ɑ lɔ ḿbɔ́ pɔ ɡú, ɑ lɔk ńcʉ̈ɔꞋ lii yɛ́ nǔu yúu. Wîwɑ́ Cʉ̈ɔꞋ-Sɛ́ pɔ́ ńdɔk ŋɡi tɛnnɛ ńcú mbɔ̌ pɛcʉ̈ɔ́Ꞌ-Sɛ́ pɛ́nɛ́kwɑ pí pɛ́ kɑ ńtúunɛ wɔ́p ŋɡɔ pɔ́p ɡʉ ŋ́ɡɛ nu kɛpɔŋ ndǔ tsɛ́tsɑ́Ꞌ, mbɑ nǔu ŋki kɛ́ nɛpɑt lɑ́ ŋɡɔ:

Mɛnu ɛ́ ńdɑ́Ꞌ ńcẅɛt 8:4

Ndíndí-lɑmɛ́ndɑɑ pɔ́p mɛcɛꞋlɛ-pʉɔ-Sɛ́ fú mbɔ̌ Cʉ̈ɔꞋ-Sɛ́ ŋ́kɔ́Ꞌ ŋ́ɡʉ nɛ́ mbi Sɛ́.

Mɛnu ɛ́ ńdɑ́Ꞌ ńcẅɛt 8:5

Cʉ̈ɔꞋ-Sɛ́ pɛn ńtíi yúu mi pɛ́ tɔɔnɛ yúu jɑ́k tsɛtú, ńníꞋ múk ẅi ɛ́ fúnɛ zʉꞋ yí pɛ́ nɔŋnɛ pɔꞋ zúꞋu tɛ ɛ́ lúu, ɑ jɛ́Ꞌ ḿmɑꞋ ndǔ tsɛ́tsɑ́Ꞌ. Nɛfɑŋ kwɛnɛ. Pɛ́ zúꞋ mɛŋɡi, ńjʉ́ɔ mɛnɛ́ɛ-mbʉŋ. Tsɛ́tsɑ́ꞌ tsʉ́Ꞌnɛ.

Mɛnu ɛ́ ńdɑ́Ꞌ ńcẅɛt 9:13

Cʉ̈ɔꞋ-Sɛ́ mbɑ́ɑtɛ yɛ́nɛ́ntúkú tɔ́ŋ yɛ́ ntɑŋ. N zúꞋ yɛcɔ́ ŋɡi fú nǔu mɛndɔ́ŋ mɛ́nɛ́kwɑ mi ɛ́ nǔu zʉꞋ yí pɛ́ tɔɔnɛ yúu-pɔꞋ zúꞋu ńcẅɛt. Yîyɑ́ zʉꞋ pɔ́ mbi Sɛ́, mbɔ pɛ́ kɑ lɔk tʉ́n-ŋɡɔ̂l ńniitɛ.