Mɛnu ɛ́ ńdɑ́Ꞌ ńcẅɛt 8:1 - Kɑɑ Fí

¹ Mɔ́ɔ-Njinjɔ kɑ pɔ́ tɛ ŋ́ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ Sɑɑmbɑ́, zʉꞋ pûu ńnɑꞋ tʉ́nɛ́pú ŋɡɔ kɛ̂m nǔu yúu mínẅít mɛɡɛ́mɛ́ntɑ́t.

Mɛnu ɛ́ ńdɑ́Ꞌ ńcẅɛt 8:1 ပူးပေါင်းရင်းမြစ်များ

Mɑtʉ̈ɔ 27:66

Pɔ́p ɡʉ ńdɔk yɛcɔ́ yúu ńnɑŋ ŋɡɔꞋ yí pɛ́ lɑ́Ꞌnɛ ńdɔk ńjʉ́ɔꞋ nɛshi, ŋ́ɡɔ́ɔ ńtík pɑlʉ̈ɔ́Ꞌntsɔ, pɔ́p pɔ́ ḿbyɛ́p, ḿbɔ́k yúu nɛɡɛ nǔu nɛshi.

Mɛnu ɛ́ ńdɑ́Ꞌ ńcẅɛt 5:1

M bɛn ńjʉ́ɔ ŋu ẅí ɑ kɑ nɑ́ŋnɛ nǔu kɔꞋ-nɛfɔɔ lɑ́, ɑ ɡẅɛɛ tɑ́Ꞌ sɛsɑ ŋwɑꞋnɛ nǔu pɔ́ yɛ́ yi tʉʉ, mbɔ pɛ́ kɑ ŋwɑꞋnɛ yúu nǔu nzɛm tsʉʉ, ŋ́kɑ́tɛ, ńdɔk ŋɛmɛ-ŋwɑ́Ꞌ ńdɔk ńdɑ́t nǔu mɛzʉꞋ sɑɑmbɑ́.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

Mɛnu ɛ́ ńdɑ́Ꞌ ńcẅɛt 6:1

M bɛ́t ńdíŋɛ líŋɛ́nɛ, ńjʉ́ɔ mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu nduŋmbi zʉꞋ nǔu mɛzʉꞋ mîmɑ́ sɑɑmbɑ́. N zúꞋ wɛcɔ́ tɑ́Ꞌ nǔu mɛnɑɑ mɑ́ mɛ́nɛ́kwɑ cú nu nɛ́ yɛcɔ́ ŋɡi yi ɛ́ pɔ́ pɔ pɑ́Ꞌ nɛfɑŋ ni ɛ́ kwɛnɛ́nɛ lɑ́ ŋɡɔ: Tɔ́.

Mɛnu ɛ́ ńdɑ́Ꞌ ńcẅɛt 6:12

Mɔ́ɔ-Njinjɔ pɔ́ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́nɛ́ntúkú, m bɔ́ ńdíŋɛ, ńzúꞋ tsɛ́tsɑ́ꞌ pûu ńtsʉꞋnɛ pɑ́ꞋtɛꞋ, nɛm shɔtnɛ ɛ́sʉ́ʉ pɑ́Ꞌ ndẅí yi pɛ́ lɔk ńdúŋ nɛvú lɑ́. Sɑŋ pûu ɛ́shɔtnɛ ḿbɑŋ pɑ́Ꞌ mɛci lɑ́.

Mɛnu ɛ́ ńdɑ́Ꞌ ńcẅɛt 6:3

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́pɑ́, n zúꞋ nɑɑ mbɑ́ɑtɛ yɛ́pɑ́ kɑꞋ ŋɡi yɛ́ ŋ́ɡɑ́ tʉ́ ńcú ŋɡɔ: Tɔ́.

Mɛnu ɛ́ ńdɑ́Ꞌ ńcẅɛt 6:5

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́tɑ́t, n zúꞋ nɑɑ mbɑ́ɑtɛ yɛ́tɑ́t kɑꞋ ŋɡi yɛ́ ŋ́ɡɑ́ tʉ́ ńcú ŋɡɔ: Tɔ́. N diŋɛ ńjʉ́ɔ tɑ́Ꞌ shíshí lʉ́ɔ cẅɛt. Ŋu ẅí ɑ nɑ́ŋnɛ ndǔ ɡẅɛɛ kílɔ lɔk fʉꞋ yúu mbɔ̌ wɛ́.

Mɛnu ɛ́ ńdɑ́Ꞌ ńcẅɛt 6:7

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́nɛ́kwɑ, n zúꞋ nɑɑ mbɑ́ɑtɛ yɛ́nɛ́kwɑ kɑꞋ ŋɡi yɛ́ ŋ́ɡɑ́ tʉ́ ńcú ŋɡɔ: Tɔ́.

Mɛnu ɛ́ ńdɑ́Ꞌ ńcẅɛt 6:9

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́tɑ́ɑ, n jʉ́ɔ mɛtʉ́m-pʉɔ pí pɛ́ kɑ jẅítɛ́nɛ wɔ́p, mbíꞋŋɡɔ pɔ́p kɑ sẅíi nu-Sɛ́ mbɑ nǔu pɑ́Ꞌ pɔ́p kɑ cúnɛ yúu mi pɔ́p jínɛ nǔu nu-Yɛ́su, nɔɔtɛ nɛtsɛ́n-zʉꞋ yí pɛ́ nɔŋnɛ pɔꞋ zúꞋu,