Mɛnu ɛ́ ńdɑ́Ꞌ ńcẅɛt 6:4 - Kɑɑ Fí

⁴ Wɛcɔ́ tɑ́Ꞌ lʉ́ɔ ɡɔ́ɔ ńcẅɛt, ḿbɑŋ pɑ́Ꞌ múk lɑ́. Pɛ́ ɡɑ́ mɛtʉʉ mbɔ̌ ŋu ẅí ɑ kɑ nɑ́ŋnɛ ndǔ ŋɡɔ ɑ ɡʉ ḿmɑꞋ tɑ́kŋɛ ndǔ tsɛ́tsɑ́Ꞌ, ńjí ŋɡɔ pʉɔmɛsɔŋ ɡʉ ɛ́shɔtnɛ sɔptɛ mɛmbʉʉ mɔ́p ḿpfútɛ, ŋ́ɡɛ pɔ́Ꞌɔ, ŋ́ɡɑ́ mɑ́mɑ́ níi-ntsɔ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 6:4 ပူးပေါင်းရင်းမြစ်များ

Mɑtʉ̈ɔ 10:34

Kɔɔ pʉʉ kwɑŋɛ ŋɡɔ ŋ kɑ tɔ́ ŋɡɔ mbɔ́tnɛ pɔ́ ndǔ tsɛ́tsɑ́Ꞌ. Mɔ ŋkɑɑ lɔk mbɔ́tnɛ ńtɔ́ pɔ́, ŋ kɑ lɔk pɔ fyɑkŋɛ ńtɔ́.

Mɑtʉ̈ɔ 24:6

Pʉʉ ɡʉ ńdɑ́Ꞌ zúꞋu pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́ kɛ ŋɡɑ sɛsɑ ɔɔ, lɑ́ kɔɔ pʉʉ kɛ́ ńdɑ́Ꞌ ńcʉ̈ɔꞋ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛtɛ, lɑ́ ɛ́ pɔɔ ɡɔ́ɔ ńdɔk ḿbɔ́ ŋɡɔ píi mbí mɛ pɔ́.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Mɛnu ɛ́ ńdɑ́Ꞌ ńcẅɛt 12:3

Yɛcɔ́ yúu pɛn ńcẅɛt nɛfɑŋ, ḿbɔ́ yɛcɔ́ ntɛ́ mɑ́mɑ́ nɔ́nɛŋɡɛ́m wɑ́, ḿbɑŋ pɑ́Ꞌ múk lɑ́, mɛtú mɛ́ pɔ́ sɑɑmbɑ́, mɛndɔ́ŋ mɛ́ pɔ́ nɛɡɛ́m, cɔꞋ-nɛfɔɔ pɔ́ nǔu mɛtú mɛ́ sɑɑmbɑ́ tsʉʉ.

Mɛnu ɛ́ ńdɑ́Ꞌ ńcẅɛt 13:10

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.

Mɛnu ɛ́ ńdɑ́Ꞌ ńcẅɛt 17:3

Zẅikŋɛ Lɛ́ɛnɛ́nɛ tɔ́ ńjʉ́ wɑ́ɑ, Cʉ̈ɔꞋ-Sɛ́ wɑ́ tíi wɑ́ɑ ńdɔk ŋ́ɡʉ nǔu yɛcɔ́ kɔ̂ŋtɛt. N jʉ́ɔ wɛcɔ́ mɑŋɡɛ́ ńnɑ́ŋ ndǔ wɛcɔ́ nɑɑ, ɑ pɑŋ ŋɡɔ ɡʉ̂ʉŋ, mɛlík lɔk ńzɔɔtɛ Sɛ́ pɑ́tɛ mbʉʉ nɑɑ ɛ̂wɑ́, mɛtú mɛ́ pɔ́ sɑɑmbɑ́, mɛndɔ́ŋ mɛ́ pɔ́ nɛɡɛ́m.

Mɛnu ɛ́ ńdɑ́Ꞌ ńcẅɛt 17:6

N jʉ́ɔ mɑŋɡɛ́ ɛ̂wɑ́, mbɔ ɑ nɔ́ mɛci-pʉɔ-Sɛ́ mbɑ mɛ́ pʉɔ pi pɔ́p cúnɛ yúu mi pɔ́p jínɛ nǔu Yɛ́su nɔ́ tɛ ḿbɑ́. N jʉ́ɔ wɛ́ tɛ ḿmɑɑ tɛꞋ.