Mɛnu ɛ́ ńdɑ́Ꞌ ńcẅɛt 5:2 - Kɑɑ Fí

² M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅí ɑ ɡẅɛɛnɛ mɛtʉʉ, ɑ cú nɛ́ ŋɡi tɛnnɛ ŋɡɔ: Lɑ́ ŋu ɡú ẅi ɛ́ lɑɑ ḿbɔ́ ɑ kuꞋ ŋu ẅi mbɔ ɑ ŋíɛꞋ ŋɛmɛ-ŋwɑ́Ꞌ ɛ̂yɑ́, ŋ́kíɛꞋ ŋwɑꞋnɛ yɔ?

Mɛnu ɛ́ ńdɑ́Ꞌ ńcẅɛt 5:2 ပူးပေါင်းရင်းမြစ်များ

Mɛnu ɛ́ ńdɑ́Ꞌ ńcẅɛt 10:1

M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ, ɑ pɔ́ ɛ́fú tʉ́nɛ́pú ḿpfúu, yɛcɔ́ ntɛ́ mɛlɑ́ɑ pɔɔ mbʉʉ yɛ pɑ́Ꞌ ndẅí pɔɔ mbʉʉ-ŋu lɑ́. Ŋkɔŋ-ŋɡɛ́mnɔ́ zɛmɛ tú yɛ́. Shʉ́ wɛ́ pɔ́ pɑ́Ꞌ lík-nɛm lɑ́. Mɛntɑ́ɑ mɛ́ pɔ́ mɑꞋ mɛlʉ́m-múk mi ɛ́ pʉꞋnɛ́nɛ ńtʉ́ʉ tʉ́ʉnɛ lɑ́.

Mɛnu ɛ́ ńdɑ́Ꞌ ńcẅɛt 18:21

Wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ tɛꞋ ɡɔ́ɔ ŋ́kɛ́ ńtíi wɛcɔ́ mɑ́mɑ́ ŋɡɔꞋ, ɛ́ jɔt pɑ́Ꞌ luŋ-ŋɡɛsɑ́ŋ lɑ́, ŋ́ɡɔ ńjɛ́ꞌ ḿmɑꞋ tsɛt ŋki kɛ́ nɛpɑt, ḿbɔ́ ńcú ŋɡɔ: «Ɛ́ lɑɑ ḿbɔ́ yi pɛ́ ńjɛ́ꞌ yɔ ŋɡɔꞋ ḿmɑꞋ, ɛ́ vu ŋki nɛ́ tʉʉ ŋɡɔ́ku ɔɔ, mbɔ ɛ́ ndʉ́ŋndʉŋ pɑ́Ꞌ pɛ́ ɡʉ ŋ́ɡɛ ńjɛ́ꞌ wú Mbɑbilɔ̂nɛ, mɑ́mɑ́ tʉ́sɔŋ, ḿmɑꞋ, ɔ vu yú pɔ́Ꞌɔ. Pɛ́ pɛn mbɔɔ lɑ́Ꞌ ḿbɛn ńjʉ́ɔ wú pɔ́.»

Mɛnu ɛ́ ńdɑ́Ꞌ ńcẅɛt 5:1

M bɛn ńjʉ́ɔ ŋu ẅí ɑ kɑ nɑ́ŋnɛ nǔu kɔꞋ-nɛfɔɔ lɑ́, ɑ ɡẅɛɛ tɑ́Ꞌ sɛsɑ ŋwɑꞋnɛ nǔu pɔ́ yɛ́ yi tʉʉ, mbɔ pɛ́ kɑ ŋwɑꞋnɛ yúu nǔu nzɛm tsʉʉ, ŋ́kɑ́tɛ, ńdɔk ŋɛmɛ-ŋwɑ́Ꞌ ńdɔk ńdɑ́t nǔu mɛzʉꞋ sɑɑmbɑ́.

Mɛnu ɛ́ ńdɑ́Ꞌ ńcẅɛt 5:5

Lɑ́ wɛcɔ́ ŋu nǔu pɛlʉ́m pɑ́ tɔ́ ńcú mbɔ̌ mɔ ŋɡɔ: Kɔɔ pɛn ńdɑɑ. Ŋu sɛ́. PúꞋntʉʉ ẅí ɑ fɔɔ nǔu tsɛ́nndɑ́-Jẅídɑ, ɛ́ lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ɑ kɑ kɛ́ ńdʉ̈ɔ́Ꞌ ntsɔ tɛ ńtsɑ nu kɛpɔŋ. A ɡʉ ńdɔk pɔ́Ꞌɔ, ŋ́kuꞋ ŋu ẅí ḿbɔ́ ɑ kyɛꞌ ŋɛmɛ-ŋwɑ́Ꞌ yi pɛ́ kɑ lɑtnɛ nǔu mɛzʉꞋ sɑɑmbɑ́, ḿbɛn ɛ́fii tɑ́Ꞌ sɛsɑ pɑk-ŋwɑꞋnɛ.