Mɛnu ɛ́ ńdɑ́Ꞌ ńcẅɛt 4:8 - Kɑɑ Fí

⁸ Mbɑ wɛ́tɛ́ lɑ́ nǔu mɛyúumɛku ɛ̂mɑ́ mɛ́nɛ́kwɑ kɑ ɡẅɛɛ mɛpɑp mɛ́ mɛ́nɛ́ntúkú, mík pɔ́ nǔu zʉꞋ tsʉʉ, nzɛmpíi mbɑ nzɛm tsɛtú. Pɔ́p pɔ́ ńzɔp kɛ́ kɑ́ɑ nɛnɛm mbɑ nɛtúꞋ, ńcú ŋɡɔ: Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, ɑ Tsɑpʉɔ Sɛ́ Ŋɡɑŋmɛtʉʉ tsʉʉ, jʉ́ ẅi ɑ ḿbɔ́nɛ ɡú, ɑ ɡú, ɑ pɛn ḿbɔ́ ńtɔ́.

Mɛnu ɛ́ ńdɑ́Ꞌ ńcẅɛt 4:8 ပူးပေါင်းရင်းမြစ်များ

Mɛnu ɛ́ ńdɑ́Ꞌ ńcẅɛt 1:8

Tsɑpʉɔ Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, ɑ ŋɡɑŋmɛtʉʉ tsʉʉ, ɑ sɛ́ ńcú ŋɡɔ: Mɔ Alfɑ, ḿbɔ́ Ɔmɛŋɡɑ, nduŋmbi ḿbɔ́ ndẅiknzʉʉ.

Mɛnu ɛ́ ńdɑ́Ꞌ ńcẅɛt 4:6

ZʉꞋ yi ɛ́ ḿbɔ́nɛ mbi kɔꞋ-nɛfɔɔ, ɛ́ ḿbɔ́ pɑ́Ꞌ ŋki kɛ́ ndẅiklɛ yi ɛ́ tʉ́ʉnɛ ŋɡɔ kɛ̂m, ḿbɔ́ síi pɑ́Ꞌ yɛcɔ́ ntɛ́ ŋɡɔꞋ yi pɛ́ fúŋnɛ ŋɡɔ kɛlistɑl. Ɛ́ ḿbɔ́ sɔŋ zʉꞋ yí kɔꞋ-nɛfɔɔ tʉ́ʉnɛ zúꞋu, yɛcɔ́ ntɛ́ yúumɛku, tɛ ḿbɔ́ mɛ́nɛ́kwɑ tʉ́ʉtɛ ńzɛmɛ kɔꞋ-nɛfɔɔ ńníꞋ sɔŋ. Mík pɔ́ tú pɔ́p, mbi mbɑ nzʉʉ.

Ɛ́bɛlʉʉ 13:8

Yɛ́su Kɛlístɔ ŋ́kɑɑ kɑ́ kúpmɛ, ɑ kɑ́ kúpmɛ, ɑ kɛ́ lɑ́Ꞌ lɛ́Ꞌ ŋ́kúpmɛ pɔ́.

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 11:17

ńcú ŋɡɔ: «Pɛk ɡɑ́ pɑ́Ꞌlɑ́ mbɔ̌ ɡu mbɑ̌ɑ Tsɑpʉɔ Sɛ́ Ŋɡɑŋmɛtʉʉ tsʉʉ, Ɔ ɡú, mbɔ ɔ kɑ pɔ́ ɡú, pɛk ɡɑ́ pɑ́Ꞌlɑ́ mbíꞋŋɡɔ ɔ nyɛt mɛtʉʉ mú mi ɛ́ ɡú tɛꞋ, ḿbɛn mbíꞋ pɑꞋ ɡu tsʉ́Ꞌnɛ ɛ́sɑ́Ꞌ mbí ŋkɔ̂ɔnɛ.

Mɛnu ɛ́ ńdɑ́Ꞌ ńcẅɛt 16:7

N zúꞋ ŋɡi-ŋu fú zʉꞋ yi pɛ́ nɔŋnɛ pɔꞋ zúꞋu ńcú ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, wu nɛŋɑk ntsɑŋ ɛ́ nɛ́nẅín, ḿbɛn ḿbɔ́ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 7:15

Ɛ́ yúu mi ɛ́ ɡɛnɛ pɔ́p tʉ́ʉ mbi kɔꞋ-nɛfɔɔ-Sɛ́, ḿbɔ́ tsɛt zʉꞋ-nɔŋpɔꞋ, ḿbɔ́ ŋ́ɡúꞋlɛ wɛ́ nɛnɛm mbɑ nɛtúꞋ. Ŋu ẅí ɑ nɑ́ŋnɛ ndǔ kɔꞋ-nɛfɔɔ, ɑ ɡʉ ɛ́fii ntɑp wɛ́ ńdɔk ŋ́kẅíitɛ wɔ́p.

Mɛnu ɛ́ ńdɑ́Ꞌ ńcẅɛt 21:22

Lɑ́ ŋ kɛ́ ńdíŋɛ tʉ́sɔŋ tsʉʉ mbɔɔ ndɑ́-nɛnɔŋpɔꞋ zúꞋu jʉ́ɔ, mbíꞋŋɡɔ ndɑ́-nɛnɔŋpɔꞋ yɛ́ tʉ́sɔŋ ɛ̂yɑ́, ḿbɔ́ pɔ Tsɑpʉɔ Sɛ́, Ŋɡɑŋmɛtʉʉ tsʉʉ mbɑ Mɔ́ɔ-Njinjɔ.

Mɛnu ɛ́ ńdɑ́Ꞌ ńcẅɛt 19:15

Yɛcɔ́ níi-ntsɔ pɔ́ ɛ́fú ntsu-ŋu ɛ̂wɑ́ ẅi ɑ nɑ́ŋnɛ ndǔ fúfú lʉ́ɔ lɑ́ ńcẅɛt. Ɛ́shẅítnɛ shẅítnɛnɛ, ḿbɔ́ yi ɑ ɡʉ ńdɔk ŋ́kʉ́ɔꞋ pʉɔ pinɛ pɔ́p tsɛt mɛŋɡɔŋ mɛŋɡɔŋ. A pɔ́ ŋu ẅí ɑ ɡʉ ńdɔk ntẅí-tʉ́n ɛ́sɑ́Ꞌ pʉɔmɛsɔŋ, ḿbɔ́ ŋu ẅí ɑ ɡʉ ńcúꞋ mɛntɑ́ɑ mi pɛ́ lɔknɛ ńniitɛ mɛluꞋ tsɛt ɡʉ́ɔ-mɛluꞋ mi ɛ́ lɛꞋlɛ́nɛ ŋɡɔ Sɛ́ ŋɡɑŋmɛtʉʉ tsʉʉ sɛ́ ńzɑ́ŋ lɔ́ŋ tɛꞋ.

Mɛnu ɛ́ ńdɑ́Ꞌ ńcẅɛt 3:7

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Filɑdɛlfîi. Ŋ́ŋwɑꞌnɛ ŋɡɔ: Ŋu ẅí ɑ Ndɛ́ɛnɛ Lɛ́ɛnɛ́nɛ, ḿbɔ́ nɛ́nẅín, jʉ́ ẅi ɑ ɡẅɛɛnɛ tsɔ́Ꞌ-Fɔɔ Ndɑvît, jʉ́ ẅi ɑ tsɔ́Ꞌnɛ ntsundɑ́ ŋu pɔɔ kuꞋ nɛjɔ́Ꞌ pɔ́, ńjʉ́ɔꞋ ŋu pɔɔ kuꞋ nɛtsɔ́Ꞌ pɔ́, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 1:4

Yɔ ŋwɑꞋnɛ fú mbɔ̌ mɔ Jɑ̂ŋ, ŋ ŋwɑꞋnɛ ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt ŋɡɔŋ-Azîi. Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, pɔ́p mɛzẅikŋɛ sɑɑmbɑ́ mi ɛ́ mbi kɔꞋ-nɛfɔɔ nɛ́, pɔ́p pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ yʉ́ʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.

Mɛnu ɛ́ ńdɑ́Ꞌ ńcẅɛt 4:4

Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.

2 Kɔlɛ̂ŋtɛ 6:18

Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.

Mɛnu ɛ́ ńdɑ́Ꞌ ńcẅɛt 16:14

ɛ́ pɔ́ pɔ́Ꞌɔ, ḿbɔ́ mɛzẅikŋɛ kɛpɔŋ mí ɛ́ ŋ́ɡɛ mɛnu mɑɑ mɑɑnɛ. Pɔ́p ɡɛ ŋ́ɡʉ ńjʉ́ɔ pɛfɔɔ pi ɛ́ ndǔ tsɛ́tsɑ́Ꞌ tsʉʉ, nɛpɔ́ yi pɔ́p ɡʉ ńcúꞋlɛ wɔ́p ńdɔk ńzẅíꞋlɛ ntsɔ ẅí ɛ́ ɡʉ ńdɑ́Ꞌ ḿbɔ́ nǔu mɑ́mɑ́ lɛ́Ꞌlɑ́Ꞌ yi, Sɛ́ ŋɡɑŋmɛtʉʉ tsʉʉ ɡʉ ńdɑ́Ꞌ ŋ́ŋɑk pʉɔ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 14:11

Ndíndí-múk-ŋɡʉ̈ɔ́Ꞌ yɔp ńdɑ́Ꞌ ńjúk ŋ́kɔ́Ꞌ kɔ́Ꞌnɛ nǔu mɛŋɡuꞋ mɛŋɡuꞋ. Mbɑ wɔ̌ lɑ́ ẅi ɑ sɛ́ ŋ́ɡúꞋlɛ nɑɑ, ḿbɛn ḿbɔ́ ŋ́ɡúꞋlɛ tɛ́tɔ́k nɑɑ ɛ̂wɑ́, tɛ mbɔ pɛ́ cʉɔꞌ lii-lík-nɑɑ nǔu wɛ́, ɑ ńdɑ́Ꞌ ńjúk nɛjʉ́ɔ ŋɡʉ̈ɔ́Ꞌ nɛnɛm mbɑ nɛtúꞋ, wɛcɔ́ nɛjẅiitɛ pɔɔ pɔ́ ɡú pɔ́.

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

Mɛnu ɛ́ ńdɑ́Ꞌ ńcẅɛt 4:9

Ɛ́ pɔ́ ŋɡɔŋ ŋkɑ́ tsʉʉ yi mɛyúumɛku mɔ́nɛ mɛ́nɛ́kwɑ sɛ́ ńzɔp, ńdɔk ŋ́ɡɑ́ nɛɡúꞋ, ńdɔk ŋ́ɡɑ́ mɛkuꞋ, ńdɔk ŋ́ɡɑ́ pɑ́Ꞌlɑ́ mbɔ̌ ŋu ẅí ɑ nɑ́ŋnɛ ndǔ kɔꞋ-nɛfɔɔ ḿbɔ́ pɔ zúꞋu mɛŋɡuꞋ mɛŋɡuꞋ,

Mɛnu ɛ́ ńdɑ́Ꞌ ńcẅɛt 5:6

Ńcú pɔ́Ꞌɔ, m bɛn ŋ́kɛ́ ńjʉ́ɔ mɔ́ɔ-njinjɔ tʉ́ʉ nɛjɔ́ŋ kɔꞋ-nɛfɔɔ, tsɛtsɛt mɛyúumɛku mɛ́nɛ́kwɑ, mbɑ tsɛtsɛt pɛlʉ́m, ḿbɔ́ pɔ pɑ́Ꞌ ŋkɑ́ yi pɛ́ kɑ shɔ́nɛ lɔ́ŋ wɛ lɑ́. Mɛndɔ́ŋ pɔ́ tú wɛ́ sɑɑmbɑ́. Mík mɛ́ pɔ́ sɑɑmbɑ́ ńdɔk ḿbɔ́ mɛzẅikŋɛ sɑɑmbɑ́ mi ɛ́ mɛ́ Sɛ́, mi Sɛ́ sɛ́ ńtúu wɔ́p ŋɡɔŋ zʉꞋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 6:1

M bɛ́t ńdíŋɛ líŋɛ́nɛ, ńjʉ́ɔ mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu nduŋmbi zʉꞋ nǔu mɛzʉꞋ mîmɑ́ sɑɑmbɑ́. N zúꞋ wɛcɔ́ tɑ́Ꞌ nǔu mɛnɑɑ mɑ́ mɛ́nɛ́kwɑ cú nu nɛ́ yɛcɔ́ ŋɡi yi ɛ́ pɔ́ pɔ pɑ́Ꞌ nɛfɑŋ ni ɛ́ kwɛnɛ́nɛ lɑ́ ŋɡɔ: Tɔ́.

Mɛnu ɛ́ ńdɑ́Ꞌ ńcẅɛt 6:6

N zúꞋ yɛcɔ́ yúu fú tsɛtsɛt mɛnɑɑ mɛ́nɛ́kwɑ ńcẅɛt, ḿbɔ́ pɑꞋ ŋɡi-ŋu lɑ́, ḿbɔ́ ńcú ŋɡɔ: Gɛ nǔu ntɛ́ yi pɛ́ ɡʉ ńdɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu pɔ ndɑꞋ tɑ́Ꞌ kílɔ mɛsɑ́ŋntsʉ́ʉ, ḿbɔ́ yi ɛ́ lɑɑ ḿbɔ́ ŋɡɛsɑ́ŋ yɛkŋɛ, pɛ́ lɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu kílɔ yɛ́tɑ́t, ŋ́ɡʉ nǔu mɛɡwɛ́t pɔ́p mɛluꞋ, kɔɔ ɡɛ nǔu ntɛ́ yi pɛ́ ɡʉ ńjɑ́k.

Mɛnu ɛ́ ńdɑ́Ꞌ ńcẅɛt 7:11

Ɛ́ ɡɔ́ ḿbɔ́ pɔ́Ꞌɔ, pɛcʉ̈ɔ́Ꞌ-Sɛ́ tsʉʉ tʉ́ʉtɛ ńtʉ̈ɔ́Ꞌlɛ kɔꞋ-nɛfɔɔ-Sɛ́, ńtʉ́ɔꞋlɛ pɛlʉ́m, mbɑ mɛyúumɛku mɛ́nɛ́kwɑ ńníꞋ sɔŋ. Pɛcʉ̈ɔ́Ꞌ-Sɛ́ ɛ̂pɑ́ vu sɛ́, ɛ́sɔp shʉ́ wɔ́p sɛ́, mbi kɔꞋ-nɛfɔɔ, ŋ́ɡúꞋlɛ Sɛ́,

Mɛnu ɛ́ ńdɑ́Ꞌ ńcẅɛt 14:3

Pɔ́p tʉ́ʉ mbi kɔꞋ-nɛfɔɔ, mbɑ mbi mɛyúumɛku mɑ́ mɛ́nɛ́kwɑ mbɑ mbi pɛlʉ́m pîpɑ́, ḿbɔ́ ńzɔp yɛcɔ́ zɔp ŋki fí, ɛ́ pɔɔ pɔ́ pɔ ndɑꞋ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ (144.000) pi pɛ́ kɑ tsúꞋnɛ wɔ́p ndɑ́-kwɑɑ ndǔ tsɛ́tsɑ́Ꞌ pɔ́, mbɔ wɛcɔ́ ŋu ŋ́kɑɑ pɔ́ ɡú tɛ ŋ́kuꞋ nɛzíꞋ yîyɑ́ zɔp ŋki tɛ ńzɔp pɔ́,

Mɛnu ɛ́ ńdɑ́Ꞌ ńcẅɛt 15:7

Wɛcɔ́ tɑ́Ꞌ nǔu mɛyúumɛku mɑ́ mɛ́nɛ́kwɑ, ɡɑ́ mɛntúꞋ sɑɑmbɑ́ mbɔ̌ pɛcʉ̈ɔ́Ꞌ-Sɛ́ pɑ́ sɑɑmbɑ́. MɛntúꞋ ɛ̂mɑ́ pɔ́ mi pɛ́ kɑ lɔknɛ tʉ́n-ŋɡɔ̂l ńniitɛ, zɑ́ŋ lɔ́ŋ-Sɛ́ ẅí ɑ pɔ́nɛ ɡú nǔu mɛŋɡuꞋ mɛŋɡuꞋ pɔ́ tsɛt mɛntúꞋ ɛ̂mɑ́ tɛ ńdúu.

Mɛnu ɛ́ ńdɑ́Ꞌ ńcẅɛt 19:4

Pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́mɛ́mbɑ́, mbɑ mɛyúumɛku mɑ́ mɛ́nɛ́kwɑ kẅíꞋlɛ sɛ́, ŋ́ɡúꞋlɛ Sɛ́ ẅi ɑ nɑ́ŋnɛ ndǔ kɔꞋ-nɛfɔɔ, ḿbɔ́ ŋ́ɡúꞋlɛ wɛ́, ńcú ŋɡɔ: «Ɛ́ pɔ́Ꞌɔ! Alɛlúyɑ!»