Mɛnu ɛ́ ńdɑ́Ꞌ ńcẅɛt 4:4 - Kɑɑ Fí

⁴ Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.

Mɛnu ɛ́ ńdɑ́Ꞌ ńcẅɛt 4:4 ပူးပေါင်းရင်းမြစ်များ

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Mɛnu ɛ́ ńdɑ́Ꞌ ńcẅɛt 11:16

Pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́mɛ́mbɑ́ pi pɔ́p nɑ́ŋnɛ nǔu mɛkɔꞋ-nɛfɔɔ mɔ́p mbi Sɛ́ lɑ́, vu sɛ́ ɛ́sɔp shʉ́ wɔ́p sɛ́, ḿbɔ́ ŋ́ɡúꞋlɛ Sɛ́,

Mɛnu ɛ́ ńdɑ́Ꞌ ńcẅɛt 14:3

Pɔ́p tʉ́ʉ mbi kɔꞋ-nɛfɔɔ, mbɑ mbi mɛyúumɛku mɑ́ mɛ́nɛ́kwɑ mbɑ mbi pɛlʉ́m pîpɑ́, ḿbɔ́ ńzɔp yɛcɔ́ zɔp ŋki fí, ɛ́ pɔɔ pɔ́ pɔ ndɑꞋ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ (144.000) pi pɛ́ kɑ tsúꞋnɛ wɔ́p ndɑ́-kwɑɑ ndǔ tsɛ́tsɑ́Ꞌ pɔ́, mbɔ wɛcɔ́ ŋu ŋ́kɑɑ pɔ́ ɡú tɛ ŋ́kuꞋ nɛzíꞋ yîyɑ́ zɔp ŋki tɛ ńzɔp pɔ́,

Mɛnu ɛ́ ńdɑ́Ꞌ ńcẅɛt 19:14

Mɛnɔɔ-ntsɔ mi ɛ́ tʉ́nɛ́pú ḿbɔ́ nzʉʉ yɛ́, nɑ́ŋtɛ ndǔ pɛfúfú lʉ́ɔ, ḿmɑꞋ mɛndẅí tʉʉndɛn mi yɛcɔ́ pɑ́p kɑ́ pɔ́ nǔu pɔ́.

Mɛnu ɛ́ ńdɑ́Ꞌ ńcẅɛt 19:4

Pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́mɛ́mbɑ́, mbɑ mɛyúumɛku mɑ́ mɛ́nɛ́kwɑ kẅíꞋlɛ sɛ́, ŋ́ɡúꞋlɛ Sɛ́ ẅi ɑ nɑ́ŋnɛ ndǔ kɔꞋ-nɛfɔɔ, ḿbɔ́ ŋ́ɡúꞋlɛ wɛ́, ńcú ŋɡɔ: «Ɛ́ pɔ́Ꞌɔ! Alɛlúyɑ!»

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 3:18

ŋ ɡʉ ŋ́kɛ́ ɛ́sẅíi wú ŋɡɔ ɔ tɔ́ mbɔ̌ mɔ, ńzúu tʉ́n-ŋɡɔ̂l yi pɛ́ kɑ lɔk mɔ́ múk ńcẅɛɛtɛ lɔ́Ꞌ ndǔmbí yɔ tsʉʉ, ŋ́ɡɔ́ɔ ŋ́kɛ́ ḿbɔ́ ŋɡɑŋyúu ŋkɔ̂ɔnɛ, ḿbɛn ńzúu mɛfúfú ndẅí mbɔ̌ mɔ, ńjí ŋɡɔ ɔ ɡʉ ŋ́ɡẅɛɛ ndẅí yi ɔ ɡʉ mɑꞋ, sʉ́ʉ pɔɔ pɛn ŋ́kɔ́ wú ŋɡɔ ɔ tʉ́ʉ kɛ́ zẅík ndẅí pɔ́. Ɔ ɡʉ ḿbɛn ńzúu fumík mbɔ̌ mɔ, ńníꞋ nǔu mík mú nɛpɔ́ yi ɔ ɡʉ jʉ́ɔ zʉꞋ.

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 4:6

ZʉꞋ yi ɛ́ ḿbɔ́nɛ mbi kɔꞋ-nɛfɔɔ, ɛ́ ḿbɔ́ pɑ́Ꞌ ŋki kɛ́ ndẅiklɛ yi ɛ́ tʉ́ʉnɛ ŋɡɔ kɛ̂m, ḿbɔ́ síi pɑ́Ꞌ yɛcɔ́ ntɛ́ ŋɡɔꞋ yi pɛ́ fúŋnɛ ŋɡɔ kɛlistɑl. Ɛ́ ḿbɔ́ sɔŋ zʉꞋ yí kɔꞋ-nɛfɔɔ tʉ́ʉnɛ zúꞋu, yɛcɔ́ ntɛ́ yúumɛku, tɛ ḿbɔ́ mɛ́nɛ́kwɑ tʉ́ʉtɛ ńzɛmɛ kɔꞋ-nɛfɔɔ ńníꞋ sɔŋ. Mík pɔ́ tú pɔ́p, mbi mbɑ nzʉʉ.

Mɛnu ɛ́ ńdɑ́Ꞌ ńcẅɛt 5:11

M bɛ́t ńdíŋɛ líŋɛ́nɛ, ńzúꞋ ŋɡi pɛcʉ̈ɔ́Ꞌ-Sɛ́, pɔ́p pɔ́ ntsɑ́Ꞌ tɛ mbɔ pɛ́ pɔɔ sɑ́ŋ ńjí ndɛn pɔ́, mbɔ pɔ́p tʉ̈ɔ́Ꞌlɛ kɔꞋ-nɛfɔɔ, mbɑ mɛyúumɛku mɑ́ pɔ́p pɛlʉ́m pɑ́, ńníꞋ sɔŋ,

Mɛnu ɛ́ ńdɑ́Ꞌ ńcẅɛt 5:14

Pɛ́ zɔp pɔ́Ꞌɔ, mɛyúumɛku mɑ́ mɛ́nɛ́kwɑ ɡɔ́ɔ ŋ́kɛ́ ŋɡɔ ɛ́ pɔ́Ꞌɔ. Pɛlʉ́m pɑ́ ɡɔ́ɔ ŋ́kɛ́ ŋ́kẅíꞋlɛ sɛ́, ŋ́ɡúꞋlɛ Sɛ́.

Mɛnu ɛ́ ńdɑ́Ꞌ ńcẅɛt 5:6

Ńcú pɔ́Ꞌɔ, m bɛn ŋ́kɛ́ ńjʉ́ɔ mɔ́ɔ-njinjɔ tʉ́ʉ nɛjɔ́ŋ kɔꞋ-nɛfɔɔ, tsɛtsɛt mɛyúumɛku mɛ́nɛ́kwɑ, mbɑ tsɛtsɛt pɛlʉ́m, ḿbɔ́ pɔ pɑ́Ꞌ ŋkɑ́ yi pɛ́ kɑ shɔ́nɛ lɔ́ŋ wɛ lɑ́. Mɛndɔ́ŋ pɔ́ tú wɛ́ sɑɑmbɑ́. Mík mɛ́ pɔ́ sɑɑmbɑ́ ńdɔk ḿbɔ́ mɛzẅikŋɛ sɑɑmbɑ́ mi ɛ́ mɛ́ Sɛ́, mi Sɛ́ sɛ́ ńtúu wɔ́p ŋɡɔŋ zʉꞋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 5:8

Mɔ́ɔ-Njinjɔ kɑ cẅɛ́ɛ ŋwɑꞋnɛ tɛ ŋ́ɡẅɛɛ, mɛyúumɛku mɑ́ mɛ́nɛ́kwɑ, mbɑ pɛlʉ́m pîpɑ́ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ ŋ́kẅíꞋlɛ mbi yɛ́. Mbɑ wɔ̌ lɑ́ nǔu pɔ́p pɔ́ ŋ́ɡẅɛɛ yɛcɔ́ ntɛ́ nɛlúŋ mbɑ mɛntúꞋ mi pɛ́ kɑ lɔknɛ tʉ́n-ŋɡɔ̂l ńniitɛ, lɑmɛ́ndɑɑ pɔ́ tsɛtú tɛ ńdúu, ńdɔk ḿbɔ́ mɛcɛꞋlɛ-pʉɔ-Sɛ́.

Mɛnu ɛ́ ńdɑ́Ꞌ ńcẅɛt 6:11

Pɛ́ ɡɔ́ɔ ŋ́kɛ́ ŋ́ɡɑ́ fúfú ndẅí mbɔ̌ mbɑ wɔ̌ lɑ́ nǔu pɔ́p, ńcú mbɔ̌ pɔ́p ŋɡɔ pɔ́p nɑ́Ꞌ ḿbɛn ḿbɔ́tnɛ ńzẅíꞋlɛ mɔ́zʉꞋ, pfuꞋ pɔ́ɔpɛ́mɑ́ pɔ́p pi pɔ́p pɛpɔ́p kɑ pɔ́ ɛ́fɑꞋ fɑꞋ-Sɛ́ tɔ́ tɛ ḿmɛ, mbíꞋŋɡɔ ɛ́ sɛ́ ḿbíkŋɛ ŋɡɔ pɛ́ pɛn ńjẅítɛ wɔ́p ɡúu pɑ́Ꞌ pɔ́p.

Mɛnu ɛ́ ńdɑ́Ꞌ ńcẅɛt 7:11

Ɛ́ ɡɔ́ ḿbɔ́ pɔ́Ꞌɔ, pɛcʉ̈ɔ́Ꞌ-Sɛ́ tsʉʉ tʉ́ʉtɛ ńtʉ̈ɔ́Ꞌlɛ kɔꞋ-nɛfɔɔ-Sɛ́, ńtʉ́ɔꞋlɛ pɛlʉ́m, mbɑ mɛyúumɛku mɛ́nɛ́kwɑ ńníꞋ sɔŋ. Pɛcʉ̈ɔ́Ꞌ-Sɛ́ ɛ̂pɑ́ vu sɛ́, ɛ́sɔp shʉ́ wɔ́p sɛ́, mbi kɔꞋ-nɛfɔɔ, ŋ́ɡúꞋlɛ Sɛ́,

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,

Mɛnu ɛ́ ńdɑ́Ꞌ ńcẅɛt 9:7

Yîyɑ́ ŋɡẅíimɛ kɑ pɔ́ pɔ pɑ́Ꞌ pɛlʉɔ́ pi pɛ́ niitɛ wɔ́p nɛlɔk ŋ́ɡʉ ńdʉ́ɔꞋ ntsɔ lɑ́. Yɛcɔ́ yúu kɑ pɔ́ tú pɔ́p, ḿbɔ́ pɔ pɑ́Ꞌ cɔꞋ-nɛfɔɔ yi pɛ́ kɑ lɔknɛ tʉ́n-ŋɡɔ̂l ńniitɛ lɑ́. Mɛshʉ́ mɔ́p pɔ́ pɔ pɑ́Ꞌ mɛshʉ́-pʉɔmɛsɔŋ lɑ́.