Mɛnu ɛ́ ńdɑ́Ꞌ ńcẅɛt 4:2 - Kɑɑ Fí

² Zẅikŋɛ-Sɛ́ ɡɔ́ɔ ŋ́ɡẅɛɛ wɑ́ɑ, ŋ ɡɔ ńjʉ́ɔ yɛcɔ́ kɔꞋ-nɛfɔɔ tʉ́ʉ tʉ́nɛ́pú, wɛcɔ́ ŋu ńnɑ́ŋ ndǔ.

Mɛnu ɛ́ ńdɑ́Ꞌ ńcẅɛt 4:2 ပူးပေါင်းရင်းမြစ်များ

Mɑtʉ̈ɔ 22:43

Yɛ́su píkŋɛ ŋɡɔ: «Ɛ́ pɛn ŋ́ɡɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ kɑ jʉ́ fɔɔ Ndɑvît ɑ fúŋ Nzɑ́Ꞌŋkʉ ŋɡɔ Ndɛ,»

Ɛ́bɛlʉʉ 8:1

KwɑꞋ nu yi pɛk sɛ́ ńdɔɔ nɛsẅíi wʉ́ʉ ɛ́ pʉ́ɔ ḿbɔ́ ŋɡɔ pɛkŋɛ tsuŋ ŋ́ɡẅɛɛ yɔ ntɛ́ NɔŋpɔꞋ wɛ ɡwɛ́. A kɑ kɛ́mɔ́ ńnɑ́ŋ nǔu kɔꞋ-nɛfɔɔ, nǔu ɡúŋ pɔ́-Sɛ́ yi tʉʉ, ɑ jʉ́ ẅi ɑ tsuŋnɛ ŋ́ɡúꞋ ńdɛɛ mbɑ wɔ̌ lɑ́.

Mɛnu ɛ́ ńdɑ́Ꞌ ńcẅɛt 1:10

Ɛ́ ɡɛ ḿbɔ́ lɛ́Ꞌlɑ́Ꞌ-Tsɑpʉɔ, Zẅikŋɛ-Sɛ́ jʉ́ wɑ́ɑ. N zúꞋ yɛcɔ́ ŋɡi tɛnnɛ pɔ́ nzʉʉ mɔ, ḿbɔ́ ńcʉ́ɔ pɑ́Ꞌ ŋɡi-ntɑŋ lɑ́,

Mɛnu ɛ́ ńdɑ́Ꞌ ńcẅɛt 12:5

Mɑŋɡɛ́ ɛ̂wɑ́ pí mɔ́ɔ mbɛ́ɛnɛ. A pɔ́ ẅi pɛ́ kɑ tíknɛ wɛ́ ŋɡɔ, ɑ tʉ́ʉ ŋ́kuꞋ pɑ́Ꞌ ɑ ɡʉ ńdɑ́Ꞌ ńdɔk kɛm-tʉ́n, ɛ́sɑ́Ꞌ ŋɡɔŋ nɛ́ ŋɡɔŋ. Pɛ́ sɑꞋ mɔ́ɔ ɛ̂wɑ́ ńdɔk ŋ́kɔ́Ꞌ nɛ́ nɛjɔ́ŋ-Sɛ́, nɛ́ zʉꞋ yí kɔꞋ-nɛfɔɔ-Sɛ́ zúꞋu.

Mɛnu ɛ́ ńdɑ́Ꞌ ńcẅɛt 17:3

Zẅikŋɛ Lɛ́ɛnɛ́nɛ tɔ́ ńjʉ́ wɑ́ɑ, Cʉ̈ɔꞋ-Sɛ́ wɑ́ tíi wɑ́ɑ ńdɔk ŋ́ɡʉ nǔu yɛcɔ́ kɔ̂ŋtɛt. N jʉ́ɔ wɛcɔ́ mɑŋɡɛ́ ńnɑ́ŋ ndǔ wɛcɔ́ nɑɑ, ɑ pɑŋ ŋɡɔ ɡʉ̂ʉŋ, mɛlík lɔk ńzɔɔtɛ Sɛ́ pɑ́tɛ mbʉʉ nɑɑ ɛ̂wɑ́, mɛtú mɛ́ pɔ́ sɑɑmbɑ́, mɛndɔ́ŋ mɛ́ pɔ́ nɛɡɛ́m.

Mɛnu ɛ́ ńdɑ́Ꞌ ńcẅɛt 19:4

Pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́mɛ́mbɑ́, mbɑ mɛyúumɛku mɑ́ mɛ́nɛ́kwɑ kẅíꞋlɛ sɛ́, ŋ́ɡúꞋlɛ Sɛ́ ẅi ɑ nɑ́ŋnɛ ndǔ kɔꞋ-nɛfɔɔ, ḿbɔ́ ŋ́ɡúꞋlɛ wɛ́, ńcú ŋɡɔ: «Ɛ́ pɔ́Ꞌɔ! Alɛlúyɑ!»

Mɛnu ɛ́ ńdɑ́Ꞌ ńcẅɛt 20:11

M bɛn ńjʉ́ɔ yɛcɔ́ mɑ́mɑ́ kɔꞋ-nɛfɔɔ tʉ́ʉ, ḿbɔ́ fúfú, n jʉ́ɔ mbɑ ŋu ẅí ɑ nɑ́ŋnɛ ndǔ. Tsɛ́tsɑ́Ꞌ pɔ́p nɛfɑŋ puu ɛ́fú mbi yɛ́ ŋ́kʉɔ. Yɔ́p zʉꞋ pɔɔ pɛn ḿbɔ́ zúꞋu pɔ́.

Mɛnu ɛ́ ńdɑ́Ꞌ ńcẅɛt 21:10

Ńcú pɔ́Ꞌɔ, Zẅikŋɛ jʉ́ wɑ́ɑ, ńtíi wɑ́ɑ ńdɔk ŋ́ɡʉ ndǔ nɛcɔ́ mɑ́mɑ́ nɛŋkɔ́Ꞌ ńtík, ɛ́ sɑk ŋ́ɡʉ tʉ́ tɛꞋ, ŋ́ɡɔ́ɔ ŋ́kɛ́ ńnyɛt wɑ́ɑ nɛ́ tʉ́sɔŋ lɛ́ɛnɛ́nɛ, Yɛlúsɑlɛm. A pɔ́ ɛ́fú tʉ́nɛ́pú nɛjɔ́ŋ Sɛ́ ḿpfúu.

Mɛnu ɛ́ ńdɑ́Ꞌ ńcẅɛt 21:5

Ŋu ẅí ɑ kɑ nɑ́ŋnɛ ndǔ kɔꞋ-nɛfɔɔ pɛn ńcú ŋɡɔ: «Ŋkɔ̂ɔnɛ mɔ sɛ́ ŋ́ɡɛ kʉ̈ɔ́ lɑ́ pɔ fí fí, ḿbɑ́ɑtɛ ńcú mbɔ̌ mɔ ŋɡɔ: ŊwɑꞋnɛ. Ɛ́ mbíꞋŋɡɔ nu yɔ kɑ́ pɔ́ yi ɛ́ lɑɑ ḿbɔ́ ŋu zúꞋ ḿmʉ́Ꞌlɛ pɔ́, ɛ́ nɛ́nẅín,

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 4:5

Mɛnɛ́ɛ-mbʉŋ kɑ pɔ́ ɛ́fú nǔu kɔꞋ-nɛfɔɔ ńcẅɛt. Mɛŋɡi-pʉɔ pɔ́ ɛ́fú nǔu ŋ́kɔ́Ꞌ. Nɛfɑŋ pɔ́ ɛ́fú nǔu ŋ́kwɛnɛ. Mɛkyɛꞌ sɑɑmbɑ́ tʉ́ʉtɛ mbi kɔꞋ-nɛfɔɔ, ḿbɔ́ ŋ́kʉ́, ńdɔk ḿbɔ́ Mɛzẅikŋɛ-sɑɑmbɑ́ mi ɛ́ mɛ́ Sɛ́.

Mɛnu ɛ́ ńdɑ́Ꞌ ńcẅɛt 4:9

Ɛ́ pɔ́ ŋɡɔŋ ŋkɑ́ tsʉʉ yi mɛyúumɛku mɔ́nɛ mɛ́nɛ́kwɑ sɛ́ ńzɔp, ńdɔk ŋ́ɡɑ́ nɛɡúꞋ, ńdɔk ŋ́ɡɑ́ mɛkuꞋ, ńdɔk ŋ́ɡɑ́ pɑ́Ꞌlɑ́ mbɔ̌ ŋu ẅí ɑ nɑ́ŋnɛ ndǔ kɔꞋ-nɛfɔɔ ḿbɔ́ pɔ zúꞋu mɛŋɡuꞋ mɛŋɡuꞋ,

Mɛnu ɛ́ ńdɑ́Ꞌ ńcẅɛt 5:1

M bɛn ńjʉ́ɔ ŋu ẅí ɑ kɑ nɑ́ŋnɛ nǔu kɔꞋ-nɛfɔɔ lɑ́, ɑ ɡẅɛɛ tɑ́Ꞌ sɛsɑ ŋwɑꞋnɛ nǔu pɔ́ yɛ́ yi tʉʉ, mbɔ pɛ́ kɑ ŋwɑꞋnɛ yúu nǔu nzɛm tsʉʉ, ŋ́kɑ́tɛ, ńdɔk ŋɛmɛ-ŋwɑ́Ꞌ ńdɔk ńdɑ́t nǔu mɛzʉꞋ sɑɑmbɑ́.

Mɛnu ɛ́ ńdɑ́Ꞌ ńcẅɛt 5:13

M bɛn ńzúꞋ, kʉ̈ɔ́ lɑ́ yi Sɛ́ kɑ niitɛ́nɛ, yi ɛ́ tʉ́nɛ́pú, yi ɛ́ ndǔ tsɛ́tsɑ́Ꞌ, yi ɛ́ tsɛt tsɛ́tsɑ́Ꞌ, yi ɛ́ tsɛt ŋki kɛ́ nɛpɑt tɛ mbɑ kʉ̈ɔ́ lɑ́ yi ɛ́ ndǔmbí lɑ́, ɛ́ pɔ́ ńzɔp ńcú ŋɡɔ: Pɛ́ zɔp lík, ŋ́ɡɛ mɛkuꞋ ńtɔꞋ ŋɡúꞋ yɛ, ŋ́ɡɑ́ nɛsɑ́Ꞌ mbí mbɔ̌ ŋu ẅí ɑ nɑ́ŋnɛ nǔu kɔꞋ-nɛfɔɔ, mbɑ mbɔ̌ mɔ́ɔ-Njinjɔ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 6:16

ḿbɔ́ ńcú mbɔ̌ mɛŋkɔ́Ꞌ, mbɑ mbɔ̌ mɛmɑ́mɑ́ mɛŋɡɔꞋ ŋɡɔ: Pʉʉ kɛ́mɛ ɛ́fyɛ́t wɛ́k, ńdʉɔ wɛ́k. Ŋu ẅí ɑ nɑ́ŋnɛ ndǔ kɔꞋ-nɛfɔɔ lɑ́, pɔɔ pɛn ńjʉ́ɔ wɛ́k pɔ́. Mɔ́ɔ-Njinjɔ pɔɔ pɛn ńzɑ́ŋ lɔ́ŋ nǔu pɛk pɔ́.