Mɛnu ɛ́ ńdɑ́Ꞌ ńcẅɛt 3:2 - Kɑɑ Fí

² Pʉʉ jʉɔmɛ, ŋ́ɡẅɛɛ yɑ́ pfuꞋ yi ɛ́ sɛ́ ŋ́ɡʉ mɛkŋɛ ḿpfú lɑ́, ŋ́kúlɛ. N cú mbíꞋŋɡɔ n jʉ́ɔ mɛfɑꞋ mʉ́ʉ pɔ́ mbi Sɛ́ wɑɑ, sɑ̌ɑ tɑ́Ꞌ nǔu pɔɔ nɑ́ pɔ́ kɛ́ ɡẅɛɛ lɔ́Ꞌ pɔ́.

Mɛnu ɛ́ ńdɑ́Ꞌ ńcẅɛt 3:2 ပူးပေါင်းရင်းမြစ်များ

Mɑtʉ̈ɔ 23:5

Pɔ́p pɔ́ ŋ́ɡɛ kʉ̈ɔ́ lɑ́ ḿbɔ́ ńdɔɔ ŋɡɔ pɛ́ jʉ́ɔ wɔ́p. Ɛ́ yúu mi ɛ́ ɡɛnɛ pɔ́p ɡʉ nǔu pɔ́ɔ mɛtɔ́Ꞌlɛ mi pɛ́ níꞋnɛ sẅíŋɛ-Sɛ́ tsɛtú ŋ́kút nǔu nɛzíi mbɑ nǔu pɔ́ lɑ́, ŋ́ɡɛ mɔ́p ɛ́ ɡúꞋ tɛꞋ. Pɔ́p pɛn ŋ́ɡɛ ŋɡɔ mɛcɔ́ŋ-ndẅí mɔ́p mi pɛ́ mɑꞋnɛ ńdɔk ńcɛꞋlɛ Sɛ́ sɑk tɛ ńtsɑ.

Mɑtʉ̈ɔ 25:13

Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»

Mɑtʉ̈ɔ 25:7

Pɔ́ɔŋɡɔɔ pɑ́ pɛtsʉʉ ɡɔ́ɔ ńjʉɔmɛ, mbɑ wɔ̌ lɑ́ kɑꞋ ŋkʉ-lɑ̂m yɛ́.

ŊwɑꞋnɛ-Gɑŋntúu Yɛ́su Kɛlístɔ 18:23

ŋ́kúu Antíyɔshɛ, ńnɑ́Ꞌ ńzɛɛ ńnɑ́ŋ lɑ́ ŋ́ɡʉ, ńjɛ́Ꞌ wɛ́ pɑk-ŋɡɔŋ-Ŋɡɑlɑ̂t pɔ́p Filíjîi, ńnɛn ńníꞋ mɛtʉʉ pʉɔ-Kɛlístɔ.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

Mɛnu ɛ́ ńdɑ́Ꞌ ńcẅɛt 16:15

Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»

Mɛnu ɛ́ ńdɑ́Ꞌ ńcẅɛt 2:4

Lɑ́, ŋ kɛ́ ḿbɔ́ ńdɑ́Ꞌ wʉ́ʉ ntɛ́ nu yi pʉʉ kɑ́ pɛ́t ŋ́kɔŋ wɑ́ɑ pɑ́Ꞌ pʉʉ kɑ piitɛ́nɛ ḿbɔ́ ŋ́kɔŋ wɑ́ɑ pɔ́Ꞌɔ pɔ́.

Mɛnu ɛ́ ńdɑ́Ꞌ ńcẅɛt 3:1

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Sɑldɛs. Ŋwɑꞌnɛ ŋɡɔ: Ŋu ẅí ɑ ɡẅɛɛnɛ Mɛzẅikŋɛ-Sɛ́ sɑɑmbɑ́ mbɑ pɛcʉ̈ɔ́Ꞌ-sɑŋ sɑɑmbɑ́ lɑ́, ɑ sɛ́ ńcú ŋɡɔ: Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pɛ́ ɡɔ ńcú ŋɡɔ pʉʉ sʉ́Ꞌnɛ, mbɔ pʉʉ kɑ pfú mɔ.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.