Mɛnu ɛ́ ńdɑ́Ꞌ ńcẅɛt 22:3 - Kɑɑ Fí

³ Yɛcɔ́ ndɔ́ɔ kɛ́ ɡɛ ḿbɛn ḿbɔ́ ɡú pɔ́. KɔꞋ-nɛfɔɔ-Sɛ́ pɔ́p Mɔ́ɔ-Njinjɔ ɡʉ ŋ́ɡɛ ḿbɔ́ tsɛt tʉ́sɔŋ. Pɑfɑꞌ fɑꞋ-Sɛ́ pɔ́ ŋ́ɡúꞋlɛ wɛ́.

Mɛnu ɛ́ ńdɑ́Ꞌ ńcẅɛt 22:3 ပူးပေါင်းရင်းမြစ်များ

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 13:32

(Pɑ́Ꞌ Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́ lɑ́), Sɛ́ nɛ túmbʉʉ yɛ́ ɡʉ ŋ́ɡɛ ŋ́ɡɑ́ nɛɡúꞋ mbɔ̌ wɛ́, lɑ́ ɛ́ tsʉꞋ pɔ mɔ́zʉꞋ ɑ ɡɑ́.»

Jɑ̂ŋ 14:3

N dɑɑ ŋ́ɡɛ ŋ́ɡʉ tɛ ńniitɛ zʉꞋ yʉ́ʉ, mbɔ ŋ ɡʉ ḿbɛn nzʉʉ ńdɔɔ wʉ́ʉ pɛkŋɛ ɡʉ. Ɛ́ lɛɛ pɔ́Ꞌɔ, zʉꞋ yí ŋ ɡʉnɛ nɛ́ zúꞋu, pʉʉ pɛn ḿbɔ́ yʉ́ʉ zúꞋu.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Mɛnu ɛ́ ńdɑ́Ꞌ ńcẅɛt 7:10

ḿbɔ́ ńdɔk ŋɡi tɛnnɛ ńcú ŋɡɔ: «Luk fú mbɔ̌ Sɛ́ wɛkŋɛ ẅí ɑ nɑ́ŋnɛ ndǔ kɔꞋ-nɛfɔɔ mbɑ mbɔ̌ Mɔ́ɔ-Njinjɔ.»

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,