Mɛnu ɛ́ ńdɑ́Ꞌ ńcẅɛt 22:2 - Kɑɑ Fí

² Tʉ́ yi ɛ́ ɡɛnɛ pɛ́ pɔ́ ɡú pɔ́ tsɛtsɛt sɛ̂ndúŋ ɡwɛ́ yi ɛ́ tʉ́sɔŋ, nǔu mɛŋkɑŋ-ŋki mɛmbɑ́, ḿbɔ́ ńzɛ́m ŋkɑ́ ntsɔ̌ppɑ́, ŋɡɔŋ pɛsɑŋ tsʉʉ, mɛntɑ́ɑ pɔ́ pɔ tʉ́. Pɛ́ pɛn ńdɔk mɛfu mɛ́ ńzɔŋ mɛɡɔɔ nǔu pʉɔmɛsɔŋ pi pɔ́p mɛtúu mɛtúu.

Mɛnu ɛ́ ńdɑ́Ꞌ ńcẅɛt 22:2 ပူးပေါင်းရင်းမြစ်များ

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 21:21

Mɛntsu-ŋkɑ́Ꞌ ntsɔ̌ppɑ́ nɛ́ nɛɡɛ́m kɑ pɔ́ mɛtúkcí ntsɔ̌ppɑ́ nɛ́ nɛɡɛ́m, mbɑ yɛ́tɛ́ ntsuŋkɑ́Ꞌ pɔ́, mbɔ pɛ́ kɑ lɔk pɔ tɑ́Ꞌ túkcí nǔu mîmɑ́ mɛntɛ́ ńniitɛ. Ndúŋ ɡwɛ́ ẅi ɛ́ lɛɛnɛ tsɛt tʉ́sɔŋ pɔ́, mbɔ pɛ́ lɔk ɡɔ̂l kɛ́ lɔ́Ꞌ ńdɔk ḿbɔ́ɔ, ɛ́ ŋwɑŋɛ ŋwɑŋɛ́nɛ pɑ́Ꞌ ŋɡɛlɑ́shi.

Mɛnu ɛ́ ńdɑ́Ꞌ ńcẅɛt 21:24

Ŋɡɔŋ nɛ́ ŋɡɔŋ ɡʉ ŋ́ɡɛ ńdɔk pɔ kyɛꞌ yi ɛ́ fúnɛ nǔu wɛ́ ńnɑ́ŋ. Pɛfɔɔ pi pɔ́p ndǔ tsɛ́tsɑ́Ꞌ lɔk wɔp nɛɡúꞋ ńdɔk ńtɔ́ ńnɔŋ zúꞋu.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.

Mɛnu ɛ́ ńdɑ́Ꞌ ńcẅɛt 22:19

Ŋu kɛ́ ŋ́ɡʉ nǔu mɛnu mi pɛ́ cúnɛ tsɛt yɔ ŋwɑꞋnɛ, ɛ́ pɔ́ mi ɛ́ ɡʉ ŋ́ɡɛ mbɑ mi ɛ́ ɡʉ ńdɑ́Ꞌ lɑ ŋ́ɡɛ lɑɑ, cẅɛ́tɛ yɛcɔ́ yúu, mbɔ Sɛ́ ɡʉ ŋ́ɡɛ ńcẅɛ́tɛ yɛ́ yúu mi ɑ ḿbɔ́ ŋ́ɡʉ ŋ́ɡẅɛɛ nǔu mɛntɑ́ɑ-tʉ́ mi ɛ́ ɡɛnɛ pɛ́ tsuŋ ḿbɔ́ ɡú tɛ mbɑ yɛ́ yúu mi ɑ kɛ́nɛ́ ŋ́ɡẅɛɛ tsɛt tʉ́sɔŋ lɛ́ɛnɛ́nɛ yi pɛ́ lɛ́Ꞌlɛ́nɛ tsɛt yɔ ŋwɑꞋnɛ.