Mɛnu ɛ́ ńdɑ́Ꞌ ńcẅɛt 21:12 - Kɑɑ Fí

¹² Ɛ́ kɑ ɡɔ́ ḿbɔ́, mbɔ pɛ́ kɑ pɔ́ɔ tɑ́Ꞌ sɛsɑ tɑ́ɑŋkɑ́Ꞌ ẅi ɛ́ ɡʉ nɛ́ tʉ́, ńdɔk ńzɛmɛ tʉ́sɔŋ ɛ̂wɑ́. Ɛ́ ɡẅɛɛ mɛntsu-ŋkɑ́Ꞌ ntsɔ̌ppɑ́ nɛ́ nɛɡɛ́m. Tɑ́Ꞌ Cʉ̈ɔꞋ-Sɛ́ tʉ́ʉ nǔu wɛ́tɛ́ ntsu lɑ́, ḿbɔ́ ḿbyɛ́p. Mbɔ pɛ́ kɑ ŋwɑꞋnɛ mɛlík ntsɔ̌ppɑ́ nǔu, ɛ́ pɔ́ mɛlík mɛnjẅɛtndɑ́ pʉɔ-Pɑíslɑyɛ̂l ntsɔ̌ppɑ́ nɛ́ nɛɡɛ́m.

Mɛnu ɛ́ ńdɑ́Ꞌ ńcẅɛt 21:12 ပူးပေါင်းရင်းမြစ်များ

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 16:22

Ŋɡɑŋŋɡʉ̈ɔ́Ꞌ ɡɛ ḿpfú, pɛcʉ̈ɔ́Ꞌ-Sɛ́ tɔ́ ńtíi wɛ́, ŋ́ɡʉ ńtík nɛjɔ́ŋ Ábɛlɛhɑ̂m. Ŋɡɑŋkɑ́p ɡɛ ḿpfú yɛ́, pɛ́ tíi wɛ́ ńtẅí.

ŊwɑꞋnɛ-Gɑŋntúu Yɛ́su Kɛlístɔ 26:7

Mɛnjẅɛtndɑ́ mɛkŋɛ ntsɔ̌ppɑ́ nɛ́ nɛɡɛ́m sɛ́ ńzẅíꞋlɛ yɔ́p pɔ lɛ́Ꞌ yi Sɛ́ ɡʉ ŋ́ɡɛ yîyɑ́ nu puutɛ. Tɛ ḿbɔ́ nɛnɛm mbɑ nɛtúꞋ, ḿbɔ́ ńcɛꞋlɛ Sɛ́, ŋ́kɛ́ ńzẅíꞋlɛ pɔ yɛ́tɛ́. Zɑɑ ŋɡɔ́mɑ́kɔp, pɑyúdɑ fɛn wɑ́ɑ pɑ́Ꞌɑ ntɛ́ pɔ ŋɡɔ mɔ sɛ́ ńzẅíꞋlɛ yîyɑ́ yúu.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Mɛnu ɛ́ ńdɑ́Ꞌ ńcẅɛt 21:13

Ɛ́ m̄bɔ́ shʉ́ sɑ́Ꞌ nɛm mɛntsu-ŋkɑ́Ꞌ pɔ́ mɛ́ntɑ́t, ḿbɔ́ shʉ́ kɔŋ, mɛntsu-ŋkɑ́Ꞌ pɔ́ mɛ́ntɑ́t, ḿbɔ́ shʉ́ ntsʉ́ʉ mɛntsu-ŋkɑ́Ꞌ pɔ́ mɛ́ntɑ́t, ḿbɔ́ shʉ́ mbɛ́nɛm, mɛntsu-ŋkɑ́Ꞌ pɔ́ mɛ́ntɑ́t.

Mɛnu ɛ́ ńdɑ́Ꞌ ńcẅɛt 21:15

Cʉ̈ɔꞋ-Sɛ́ ẅi ɑ kɑ pɔ́ ńcú nu mbɔ̌ mɔ ɡẅɛɛ kɛm-yúu mi pɛ́ lɔknɛ ɛ́fʉꞋ yúu, mbɔ pɛ́ kɑ lɔk tʉ́n-ŋɡɔ̂l ńniitɛ, ɑ pɔ́ ŋ́ɡʉ ńdɔk ɛ́fʉꞋ tʉ́sɔŋ, ɛ́fʉꞋ mɛntsu, ɛ́fʉꞋ mbɑ tɑ́ɑŋkɑ́Ꞌ ẅi ɛ́ kɑ zɛmɛnɛ tʉ́sɔŋ.

Mɛnu ɛ́ ńdɑ́Ꞌ ńcẅɛt 21:25

Mɛntsu-ŋkɑ́Ꞌ ɡʉ ŋ́kɛ́ ŋ́ŋíɛꞋnɛ ńtʉ́ʉ tʉ́ʉnɛ ŋkɑ́ tsʉʉ. Pɛ́ pɔɔ lɑ́Ꞌ ńjʉ́ɔꞋ pɔ́, mbíꞋŋɡɔ túꞋ lɔɔ ɛ́sʉ́ʉ zúꞋu pɔ́.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.