Mɛnu ɛ́ ńdɑ́Ꞌ ńcẅɛt 20:9 - Kɑɑ Fí

⁹ Pɔ́p kɑ puu ńjʉ́ zʉꞋ tsʉʉ ndǔ tsɛ́tsɑ́Ꞌ, ńzɛmɛ mbɑ zʉꞋ yí pʉɔ-Sɛ́ cúꞋlɛ́nɛ ńnɑ́ŋ zúꞋu, ɛ́ pɔ́ tʉ́sɔŋ yí Sɛ́ kɔŋnɛ tɛꞋ. Lɑ́ wɛcɔ́ múk kɛ́ ɛ́fú tʉ́nɛ́pú, ńtɔ́ ńtɔɔ wɔ́p.

Mɛnu ɛ́ ńdɑ́Ꞌ ńcẅɛt 20:9 ပူးပေါင်းရင်းမြစ်များ

Lúkɑ́shi 17:29

Tɛ ńdɑ́Ꞌ ŋ́kúu nǔu lɛ́Ꞌ yi Lɔ̂t kɑ fúnɛ tʉ́sɔŋ Sɔdɔ̂m tɛ ńcẅɛt. Sɛ́ fú tʉ́nɛ́pú, ńtúu mbʉŋ múk pɔ́p mɛkɑɑ, ḿbuu ḿbík lɑ́Ꞌ ɛ̂yɑ́ tɛ ɛ́ mɛ.

Lúkɑ́shi 19:43

Yɛcɔ́ ŋkɑ́ ɡʉ ŋ́ɡɛ ḿbɔ́, ɡɑŋmbuu pʉ́ʉ tɔ́, ŋ́kút ŋkɑ́Ꞌ ńdɔk kíitɛ wʉ́ʉ, ɛ́fú mɛshʉ́ mɛshʉ́ ńtɔ́ ńnɔꞋ wʉ́ʉ.

Lúkɑ́shi 21:20

Pʉʉ ŋ́ɡɛ ḿbɔ́ tɛ ńjʉ́ɔ pɑlʉ̈ɔꞋntsɔ tɔ́ ńzɛmɛ Yɛlúsɑlɛm tɛ ḿbuutɛ, pʉʉ jí ŋɡɔ ŋkɑ́ yi pɛ́ ɡɛ ɛ́sɑt tʉ́sɔŋ sɛ́ ŋ́kuꞋ.

Lúkɑ́shi 9:54

Pɛcɔ́ ɡɑŋku pɛ́ pɛ́pɑ́, Jɑ̂k pɔ́p Jɑ̂ŋ jʉ́ɔ yɔ, ńcú mbɔ̌ Yɛ́su ŋɡɔ: «Tsɑpʉɔ wɛk, ɔ pɛ́m ŋɡɔ pɛk píkŋɛ múk, ɛ́fú tʉ́nɛ́pú ńcúŋ, ńtɔ́ ḿbík pʉɔ pɔnɛ?»

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

Ɛ́bɛlʉʉ 13:13

Pɔ́Ꞌɔ lɑ́, pɛkŋɛ fú yɛkŋɛ zʉꞋ yi pɛ́ tsẅɛ́nɛ zúꞋu, ńcẅɛt, ŋ́ɡʉ ńtsɛ́t wɛ́, ḿbɔ́ ḿbɛ́m ŋɡɔ pɛ́ zɔɔtɛ wɛkŋɛ pɑ́Ꞌ jʉ́.

Mɛnu ɛ́ ńdɑ́Ꞌ ńcẅɛt 11:5

Ŋu lɑɑ ḿbɔ́ ńdɔɔ nɛɡɑ́ɑnɛ wɔ́p, ɑ jí ŋɡɔ wɛcɔ́ múk ɡʉ ɛ́fú ntsu pɔ́p ńcẅɛt ḿbík pɛɡɑŋmbuu pɔ́p. Ɛ́ nɛ́nẅín ŋɡɔ ŋu lɑɑ ńdɔɔ nɛɡɑ́ɑnɛ wɔ́p, mbɔ ŋɡɑŋ ɡʉ ḿpfú pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 13:13

Wɔ nɑɑ ḿbɑ́ɑtɛ yɛ́pɑ́ ɡɛ mɛmɑ́ mɛnu mɑ̌ɑmɑɑnɛ, tɛ ŋ́ɡɛ múk fú tʉ́nɛ́pú ḿpfúu ndǔ tsɛ́tsɑ́Ꞌ, pʉɔ tsʉʉ tʉ́ʉ ḿbɔ́ ńjʉ́ɔ.