Mɛnu ɛ́ ńdɑ́Ꞌ ńcẅɛt 2:3 - Kɑɑ Fí

³ Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.

Mɛnu ɛ́ ńdɑ́Ꞌ ńcẅɛt 2:3 ပူးပေါင်းရင်းမြစ်များ

Mɑ́lɛ́kúshi 15:21

Pɔ́p kɑ pɔ́ ńdɔk wɛ́ ŋ́ɡʉ, ḿbuutɛ wɛcɔ́ ŋu, ɑ fúnɛ nɛ́ tɛt, lík yɛ́ pɔ́ ŋɡɔ Símɔ, ɑ pɔ́ ŋu ẅí ɑ kɑ fúnɛ tʉ́sɔŋ-Silɛ̂nɛ ńtɔ́, ḿbɔ́ tɑ̌ɑ pɛ́ Lɑksɑ́ndɑ pɔ́p Lẅifẅis. Pɑlʉ̈ɔꞋntsɔ ɡẅɛɛ wɛ́, ńdɔk tʉʉ ɛ́fyɛ́t wɛ́ ŋɡɔ ɑ tíi tʉ́ mbɑ́ŋtɛ pɑ́ŋtɛ́nɛ-Yɛ́su.

Lúkɑ́shi 14:27

Ŋu lɑɑ ḿbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.»

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Lúkɑ́shi 5:5

Simɔ̂ŋ tsɔ́Ꞌ ŋɡɔ: «Ndɛ, pɛk lɛ́ pɔ nɛjʉ́ɔ ŋɡʉ̈ɔ́Ꞌ, nɛmɔɔ ŋki, ŋ́kɛ́ ḿbɔɔ yɛcɔ́ sɑ̌ɑ yúu ɡẅɛɛ. Lɑ́, pɑ́Ꞌ kwɑꞋ ɡu cúnɛ ŋɡɔ pɛ́ pɛn ḿmɑꞋ mɛŋkʉ ŋki lɑ́, ŋ ɡʉ ḿmɑꞋ.»

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

Pʉɔ-Lɔ́mɑ 16:12

Pʉʉ cɛꞋlɛ Tilifɛn pɔ́p mɔ́ɔmɑ́ wɛ Tilifɔs, ɛ́ pɑŋɡɛ́ pi pɔ́p fɑꞋnɛ fɑꞋ-Tsɑpʉɔ tɛꞋ. Pʉʉ cɛꞋlɛ Pɛɛsidɛ. A tʉʉndɛn mɔ́ɔmɑ́ wɑ́ɑ wɛ mɑŋɡɛ́. A kɑ fɑꞋ yɛ́ fɑꞋ-Tsɑpʉɔ tɛꞋ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 8:25

Tɛ pɑ́Ꞌ pɛkŋɛ sɛ́ ńzẅíꞋlɛ yúu mi pɛkŋɛ kɑ pɔ́ ńjʉ́ɔ pɔ́ lɑ́, pɛkŋɛ lɔk sʉk ńniitɛ ńzẅíꞋlɛ.

1 Kɔlɛ̂ŋtɛ 13:7

Ŋu ẅí ɑ kɔŋnɛ ŋu mɛsɔŋ, ŋu fɑɑnɛ pɔ yɛ́tɛ́ nu mbɔ̌ wɛ́ lɑ́, ɑ likŋɛ likŋɛ́nɛ, ɛ́ ɡʉ nǔu mbɑ kʉ̈ɔ́ lɑ́ ɑ zɑ́p tʉ́m yɛ́ pɔ nǔu Sɛ́, ńnɑ́ŋ ḿbɔ́ ńzẅíꞋlɛ yɛ́ pɔ ŋɡɔ mbɑ kʉ̈ɔ́ lɑ́ ɡʉ ŋ́ɡɛ ńdẅiklɛ pɔ sʉ́Ꞌnɛ, ɑ jʉ́ɔ ŋɡʉ̈ɔ́Ꞌ ŋɡɔ́ku ɔɔ ḿpfú pɔ míꞋlɛ.

1 Kɔlɛ̂ŋtɛ 16:16

Pʉʉ zúꞋ ntsu-pʉɔ pɑ́Ꞌ pɔ́p, mbɑ wɛ pʉɔ pi pɔ́p pɛpɔ́p ŋ́kíɛnɛ ziꞋnɛ.

2 Kɔlɛ̂ŋtɛ 10:15

Pɛk kɑ́ pɔ́ ŋ́ɡʉ kɑꞋmɛ tɛ jɛ́Ꞌ wɛ́k ndẅiklɛ fɑꞋ, ńdɔk fɑꞋ-pʉɔ pɛndɛꞋ kɑꞋmɛ pɔ́. Pɑ́Ꞌ pʉʉ nǔu wɛ́k ndẅiklɛ fɑꞋ lɑ́, pɛk sɛ́ ńzẅíꞋlɛ ŋɡɔ wʉʉ nɛzɑ́p tʉ́m nǔu Sɛ́ kẅiꞋ ŋ́ɡʉ pɔ nɛ́ mbi. Nu yi pɛk kɑ cúnɛ ɛ́ cʉŋɛ mɛŋɑŋ tsɛtsɛt pʉʉ pɑ́Ꞌ ɛ́ sɛ́ ḿbíkŋɛ.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 4:1

Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

2 Kɔlɛ̂ŋtɛ 4:16

Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.

2 Kɔlɛ̂ŋtɛ 5:9

Ɛ́ lɛɛ pɔ́Ꞌɔ, yúu mi pɛk sɛ́ ńtsɑ́ɑ nɛɡɛ tɛꞋ, ɛ́ nɛɡɛ yúu mi ɛ́ pɔŋnɛ wɛ́. Kɛ pɔ pɑ́Ꞌ pɛk tsɛt yɔ mbʉʉ ɔɔ, kɛ pɔ pɑ́Ꞌ pɛk cẅɛtnɛ tsɛtú ɔɔ,

2 Kɔlɛ̂ŋtɛ 6:5

kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Filipɛ 4:3

Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.

Kɔlɔsíyɛ̂ŋ 1:11

Pɛk pɛn ḿbɔ́ ńdɔ́ɔ mbɔ̌ Sɛ́ ŋɡɔ ɑ lɔk pɑ́Ꞌ mɛtʉʉ pɔ́p nɛɡúꞋ pɔ́ pɔ mɛ́ lɑ́, ŋ́ɡɛ pʉʉ tsuŋ ńtɛntɛ lɑ ŋ́kuꞋ nɛsʉk mɛnu tsʉʉ kɛ́ citɛ mbʉʉ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

1 Tɛsɑlɔník 5:12

Pɔ́ɔpɛ́mɑ́, pɛk púꞋ mbɔ́ mbɔ̌ pʉʉ ŋɡɔ pʉʉ ɡɑ́ mɛkuꞋ mbɔ̌ pʉɔ pi pɔ́p fɑꞋnɛ fɑꞋ-Sɛ́ tsɛtsɛt pʉʉ, mbɔ̌ pʉɔ pi Tsɑpʉɔ kɑ tíknɛ wɔ́p mbi pʉʉ ŋɡɔ pɔ́p tʉ̈ɔ́Ꞌlɛ wʉ́ʉ.

2 Tɛsɑlɔník 3:13

Ŋ́ɡʉ nǔu pʉʉ, pɔ́ɔpɛ́mɑ́, kɔɔ pʉʉ kɑ́ɑ nɛɡɛ pɔ mɛnu mi ɛ́ pɔŋnɛ.

2 Tɛsɑlɔník 3:5

Pɛk sɛ́ ńdɔ́ɔ ŋɡɔ Tsɑpʉɔ zíꞋ wʉ́ʉ nɛkẅiꞋ ŋ́kɔŋ Sɛ́, mbɑ nɛsʉk ŋɡʉ̈ɔ́Ꞌ pɑ́Ꞌ jʉ́ Kɛlístɔ.

2 Tɛsɑlɔník 3:8

Pɛk ŋ́kɑɑ ńjʉ́ yúupɛjʉ́-ŋu níinɛ pɔ́, pɛk kɑ fɑꞋ tɛ ŋ́kíɛ ziꞋnɛ lɑ ńjʉ́ yúu, ɛ́fɑꞋ nɛtúꞋ mbɑ nɛnɛm ḿbɔ́k nɛtsʉ́Ꞌ pʉɔ pi pʉʉ ɡʉ ńjúk ńzẅík wɔ́p zẅíknɛ.

1 Timɔtɛ́ɛ 4:10

Yɔ yúu mi ɛ́ ɡɛnɛ pɛk fɑꞋ fɑꞋ-Sɛ́ tɛ ŋ́kíɛ ziꞋnɛ, ḿmɑꞋ ntsɔ. Pɛk fɑꞋ, ḿbɔ́ ńzẅíꞋlɛ mbɑ kʉ̈ɔ́ lɑ́ pɔ mbɔ̌ Sɛ́ ẅi ɑ ntʉʉ. Jʉ́ ɡɛnɛ pɑ́Ꞌ pʉɔmɛsɔŋ tsʉʉ ɡʉ ńduk, lɑ́ ŋu kɛ́ ŋ́ɡɔ́ ńduk, ɛ́fú pɔ nǔu pɑ́Ꞌ ɑ zɑ́pnɛ tʉ́m nǔu Yɛ́su.

1 Timɔtɛ́ɛ 5:17

Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.

Ɛ́bɛlʉʉ 10:36

Ɛ́ zɛɛ ḿbɔ́ ḿbíkŋɛ ŋɡɔ pʉʉ kɛ́ sɑ́Ꞌ pɔ tʉʉ, ńjí ŋɡɔ pʉʉ ɡʉ ḿbɔ́ ŋ́ɡɛ pɔ yúu mi Sɛ́ sɛ́ ŋ́kɔŋ, ɛ́ fú pɔ́Ꞌɔ, pʉʉ ɡẅɛɛ yúu mi ɑ kɑ kɑꞋnɛ nɛɡɑ́ mbɔ̌ pʉʉ.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

Ɛ́bɛlʉʉ 13:13

Pɔ́Ꞌɔ lɑ́, pɛkŋɛ fú yɛkŋɛ zʉꞋ yi pɛ́ tsẅɛ́nɛ zúꞋu, ńcẅɛt, ŋ́ɡʉ ńtsɛ́t wɛ́, ḿbɔ́ ḿbɛ́m ŋɡɔ pɛ́ zɔɔtɛ wɛkŋɛ pɑ́Ꞌ jʉ́.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

Ɛ́bɛlʉʉ 6:12

Kɔɔ pʉʉ tsʉ́Ꞌ pɛlɔ́ŋ. Tɛ ńtsʉ́Ꞌ pɔ́Ꞌɔ, pʉʉ pɛ́ɛ fʉꞋ nǔu pʉɔ pi pɔ́p lɔk nɛzɑ́p tʉ́m nǔu Sɛ́ mbɑ nɛzẅíꞋlɛ kɛ́ kɑ́ɑ, ńcẅɛ́ɛ yúu mi Sɛ́ kɑ kɑꞋnɛ nɛɡɑ́ mbɔ̌ pɔ́p.

Ɛ́bɛlʉʉ 6:15

Ábɛlɛhɑ̂m zúꞋ, ńzẅíꞋlɛ kɛ́ kɑ́ɑ, ɛ́ lɛɛ pɔ́Ꞌɔ, ɑ lɑ́Ꞌ ŋ́ɡẅɛɛ yúu mi Sɛ́ kɑ kɑꞋnɛ mbɔ̌ wɛ́.

2 Pyɛ̂ 1:6

ŋ́ɡʉ nǔu nɛjí yúu mi Sɛ́ sɛ́ ŋ́kɔŋ, ŋ́kẅiꞋ pɑ́Ꞌ pʉʉ ɡʉ ŋ́ɡuutɛ mbʉʉ yʉʉ, ŋ́ɡʉ nǔu nɛɡuutɛ mbʉʉ ŋ́kẅiꞋ ńtɛntɛ tɛntɛnɛ, ŋ́ɡʉ nǔu nɛtɛntɛ tɛntɛnɛ, ŋ́kẅiꞋ nɛjí pɔ ndɑꞋ Sɛ́,

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.