Mɛnu ɛ́ ńdɑ́Ꞌ ńcẅɛt 17:2 - Kɑɑ Fí

² Pɔ́p pɛfɔɔ ndǔ tsɛ́tsɑ́Ꞌ tsʉʉ ŋ́ɡɛ mɔ́ ɡɑp. Pʉɔmɛ́sɔŋ pi pɔ́p ndǔ tsɛ́tsɑ́Ꞌ, nɔ́ mɛluꞋ-mpfuꞋ ɛ̂mɑ́ tɛ ḿbɑ́.

Mɛnu ɛ́ ńdɑ́Ꞌ ńcẅɛt 17:2 ပူးပေါင်းရင်းမြစ်များ

Jɑ̂ŋ 2:10

ńcú mbɔ̌ wɛ́ ŋɡɔ: «Pɛ́ lɔ ḿbiitɛ ŋ́ɡɑ́ pɔ mɛluꞋ sʉ́Ꞌnɛ, tɛ pɛ́ nɔ́ tɛꞋ, lɑ́ pɛ́ ɡɑ́ mi ɛ́ nɑꞋ ḿmɛɛ mɛɛnɛ. Lɑ́ ŋ́ɡʉ nǔu ɡu, mbɔ yɔ yú ŋkɑ́ yi ɔ ɡɑ́nɛ mɛluꞋ sʉ́Ꞌnɛ mbɔ̌ pʉɔ?»

Mɛnu ɛ́ ńdɑ́Ꞌ ńcẅɛt 14:8

Wɛcɔ́ Cʉ̈ɔꞋ-Sɛ́, ḿbɔ́ mbɑ́ɑtɛ yɛ́pɑ́ pɑ́ɑtɛ ḿbɔ́ ńcú ŋɡɔ: «A vu sɛ́, ŋɡɔ ɑ vu sɛ́. N dɑꞋ mɑ́mɑ́ tʉ́sɔŋ-Mbɑbilɔ̂nɛ ẅi ɑ kɑ pɔ́ ŋ́ɡɛ ŋɡɔŋ nɛ́ ŋɡɔŋ pɔ́ ńnɔ́ mɛluꞋ-ɡɑp yi ɛ́ lɛɛnɛ ntɛ́.»

Mɛnu ɛ́ ńdɑ́Ꞌ ńcẅɛt 17:13

Pɔ́p nɛɡɛ́m ɡẅɛɛ tɑ́Ꞌ kwɑŋɛ. Ɛ́ pɔ́ nɛtɛmtɛ mɔ́p mɛtʉʉ, pɔ́p nɔ́p nɛfɔɔ, ŋ́ɡɑ́ mbɔ̌ nɑɑ.

Mɛnu ɛ́ ńdɑ́Ꞌ ńcẅɛt 17:17

MbíꞋŋɡɔ Sɛ́ kɑ kwɑŋɛ yúu ńníꞋ tsɛt tʉ́m pɔ́p pɑ́Ꞌ pɔ́p ɡʉnɛ tsʉ́Ꞌ ŋ́ɡɛ yúu mi ɑ kɑ kwɑŋɛ́nɛ. Ɛ́ pɔ́ pɑ́Ꞌ mɛndɔ́ŋ ɛ̂mɑ́ nɛɡɛ́m ɡʉ ŋ́ɡẅɛɛ tɑ́Ꞌ kwɑŋɛ, ńcúꞋlɛ nɛfɔɔ nɔ́p ŋ́ɡɑ́ mbɔ̌ nɑɑ, ɛ́ pɔ́ pɔ mbɔ̌ wɛ́ tɛ ńdɑ́Ꞌ ŋ́kúu lɛ́Ꞌ yi yúu mi Sɛ́ kɑ cúnɛ puutɛ́nɛ.

Mɛnu ɛ́ ńdɑ́Ꞌ ńcẅɛt 17:5

Mbɔ pɛ́ kɑ ŋwɑꞋnɛ yɛcɔ́ lík nǔu nɛzíi nɛ́. Nɛjí yúu mi ɛ́ lɔknɛ ńcú tɛn tɛꞋ. Lík ɛ̂yɑ́ lɔk ḿbɔ́ ŋɡɔ mɑ́mɑ́ tʉ́sɔŋ-Mbɑbilɔ̂nɛ, mɑ́ pɛ́ pɑɡɛɡɑp mbɑ ntɛ́ ntɛ́ mɛnu kɛpɔŋ mi ɛ́ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 18:23

Kyɛꞌ yi ɛ́ fúnɛ nǔu lɑ̂m ɛ́ ńdɑ́ꞌ ḿbɛn ŋ́kyɛꞋ zʉꞋ njɛ́Ꞌ ɡu pɔ́. Pɛ́ kɛ́ ḿbɔɔ pɛn ńzúꞋ ŋɡi ndúu-nzwɛ́ŋɡʉʉ pɔ́, ŋ́kɛ́ ḿbɔɔ yɛ́ nzwɛ́ŋɡʉʉ zúꞋ. Pɛ́ pɔɔ zúꞋ pɔ́ꞌɔ pɔ́, mbíꞋŋɡɔ pʉɔ pí pɔ́p kɑ pɔ́ ńtɑ́ŋ mɛntɑ́ɑ ɡu, pɔ́p kɑ pɔ́nɛ pɛmɑ́pʉɔ ndǔ tsɛ́tsɑ́Ꞌ. Ɔ lɔk mɛkɑŋ mú ńdẅɑklɛ mɛŋɡɔŋ tsʉʉ.

Mɛnu ɛ́ ńdɑ́Ꞌ ńcẅɛt 18:3

ḿvu sɛ́ pɔ́Ꞌɔ, mbíꞋŋɡɔ, mɛŋɡɔŋ tsʉʉ nɔ́ mɔ́ mɛluꞋ-mpfuꞋ ɛ̂mɑ́ tɛꞋ, mbíꞋŋɡɔ pɔ́p pɛfɔɔ ndǔ tsɛ́tsɑ́Ꞌ kɑ ɡɛ mɔ́ mpfuꞋ, mbɑ pɑ́Ꞌ pɑtɑ́ŋ mɛntɑ́ɑ pi pɔ́p ndǔ tsɛ́tsɑ́Ꞌ tsʉꞋ ɡɑŋŋkɑ́p, mbíꞋ pɑ́Ꞌ ɑ kɑ ɡẅɛɛnɛ-yúu-kẅii ɛ́ zɑ́ɑ tɛꞋ.»

Mɛnu ɛ́ ńdɑ́Ꞌ ńcẅɛt 18:9

Pɔ́Ꞌɔ lɑ́, pɛfɔɔ pínɛ pɔ́p ndǔ tsɛ́tsɑ́Ꞌ tsʉʉ, pi pɔ́p pɛpɔ́p kɑ pɔ́ ńjúk ŋ́ɡɛ mpfuꞋ, ńjúk ŋ́ɡẅɛɛ yúu-mɛsuu, pɔ́p kʉ́ɔꞋ nɛvú ńdɑɑ wɛ́, ŋkɑ́ yi pɔ́p ɡʉ ŋ́ɡɛ ńjʉ́ɔ ndíndí-múk kɔ́Ꞌ, ɑ pɔ́ ɛ́shí.

Mɛnu ɛ́ ńdɑ́Ꞌ ńcẅɛt 2:22

Ŋ kɛ́ ḿbɔ́ pɑ́Ꞌɑ, ŋ ɡʉ ńtsʉ́ʉ wɛ́ ḿmɑꞋ kúu, ɑ jʉ́ɔ ŋɡʉ̈ɔ́Ꞌ tɛꞋ. Ŋ ɡʉ ḿbɛn ŋ́ɡɛ pʉɔ pi pɔ́p pɛpɔ́p ɡɛnɛ nu-ɡɑp jʉ́ɔ ŋɡʉ̈ɔ́Ꞌ tɛꞋ. Pɔ́p ɡʉ ńjʉ́ɔ, pɑ́Ꞌ pɔ́p lɑɑ ḿbɔɔ kúpmɛ mɑt wɔp, ńcẅɛt nǔu ntɛ́ mɛfɑꞋ mi pɔ́p pɛpɔ́p kɑ pɔ́nɛ nǔu pɔ́.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 9:21

Pɔ́p kɑ pɛ́t kɛ́ kúpmɛ mɑt wɔp, mbɔɔ nɑ́ nɛjẅí ŋu pɔ́, ŋ́kɛ́ mbɔɔ nɑ́ nɛkɑŋ pɔ́, ŋ́kɛ́ mbɔɔ nɑ́ pɑ́Ꞌ ḿbɔ́ mbɛ́ɛnɛ pɔ́p pɑŋɡɛ́ tsɛtsɛt pɔ́p kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ pɔ́, ŋ́kɛ́ mbɔɔ tsɔ́ŋ nɑ́.