Mɛnu ɛ́ ńdɑ́Ꞌ ńcẅɛt 16:2 - Kɑɑ Fí

² Nduŋmbi ɡʉ ńtswɛt yɛ́ ntúꞋ ndǔ tsɛ́tsɑ́Ꞌ. Yɛcɔ́ ntɛ́ mɛfʉ́ŋ mi ɛ́ zɑ́ŋ pɑ́Ꞌtɛ, cẅɛt nǔu pʉɔmɛsɔŋ pi pɛ́ kɑ cʉɔꞌ lii-ŋkʉꞋnɛ nɑɑ nǔu pɔ́p, pɔ́p pɛn ḿbɔ́ ŋ́ɡúꞋlɛ tɛ́tɔ́k-ŋkʉꞋnɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 16:2 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 12:23

Wɛcɔ́ cʉ̈ɔ́Ꞌ-Tsɑpʉɔ ɡɔ́ɔ ńtʉ́ʉ pɔ ŋkɑ́ yîyɑ́, ḿmɑꞋ ɡɔɔ nǔu fɔɔ Ɛlɔ̂dɛ, mbíꞋŋɡɔ ɑ kɑŋ mɛkuꞋ mí ɛ́ pɔ́ pɔ mɛ Sɛ́, ńdɔk ŋ́ɡɛ mɛ́. Mɛnɔ́ lúꞋlɛ wɛ́ ɑ pfú.

Mɛnu ɛ́ ńdɑ́Ꞌ ńcẅɛt 13:12

A kɑ ɡẅɛɛ mɛtʉʉ-nduŋmbi nɑɑ, nɛlɔk ŋ́ɡɛ mɛnu mbi yɛ́, ḿbɔ́ ŋ́ɡɛ pʉɔ tsʉʉ ndǔ tsɛ́tsɑ́Ꞌ ŋ́kẅíꞋlɛ mbi nduŋmbi nɑɑ ɛ̂wɑ́, ŋ́ɡúꞋlɛ wɛ́. Nɑɑ wɑ́ ẅí fʉ́ŋ kɑ pɔ́ nǔu wɛ́ tɛ ḿbɔ́ pɔ yi ḿbɔ́ ɛ́ jẅí wɛ́ jẅínɛ ḿbɛn ńtʉʉ lɑ́.

Mɛnu ɛ́ ńdɑ́Ꞌ ńcẅɛt 14:16

Ŋu ẅí ɑ lɑ́Ꞌnɛ ńnɑ́ŋ ndǔ fúfú mɛlɑ́ɑ lɑ́ ɡɔ́ɔ ŋ́kɛ́ ḿmɑꞋ níi yɛ, ńdɔk ńdɑk yúu ndǔ tsɛ́tsɑ́Ꞌ, tɛ yúu lɑk lɑknɛ mɛ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 14:9

Wɛcɔ́ Cʉ̈ɔꞋ-Sɛ́, ḿbɔ́ mbɑ́ɑtɛ yɛ́tɑ́t pɑ́ɑtɛ wɔ́p, ḿbɔ́ ńdɔk ŋɡi tɛnnɛ ńcú ŋɡɔ: «Ŋu lɑɑ ŋ́ɡúꞋlɛ nɑɑ mbɑ tɛ́tɔ́k wɛ, ḿbɛ́m pɛ́ cʉɔꞌ lii-nɑɑ nǔu nɛzíi nɛ́ kɛ nǔu pɔ́ yɛ́ ɔɔ,

Mɛnu ɛ́ ńdɑ́Ꞌ ńcẅɛt 16:1

N zúꞋ yɛcɔ́ ŋɡi tɛnnɛ fú tsɛt zʉꞋ-nɔŋpɔꞋ ḿbɔ́ ńcú mbɔ̌ Pɛcʉ̈ɔ́Ꞌ-Sɛ́ pɑ́ sɑɑmbɑ́ ŋɡɔ: «Pʉʉ ɡʉ ndǔ tsɛ́tsɑ́Ꞌ, ńtswɛt zɑ́ŋ lɔ́ŋ-Sɛ́ yi ɛ́ tsɛt mɛntúꞋ sɑɑmbɑ́ lɑ́.»

Mɛnu ɛ́ ńdɑ́Ꞌ ńcẅɛt 16:11

Ŋɡʉ̈ɔ́Ꞌ yɔp mbɑ mɛfʉ́ŋ mɔ́p ɡɛ pɔ́p zɔɔtɛ Sɛ́ ẅí ɑ tʉ́nɛ́pú, lɑ́ ŋ́kɛ́ mbɔɔ kúpmɛ mɑt wɔp, ḿmɛꞋ mɛfɑꞋ kɛpɔŋ mɔ́p pɔ́.

Mɛnu ɛ́ ńdɑ́Ꞌ ńcẅɛt 8:7

Nduŋmbi tɔ́ŋ yɛ́ ntɑŋ. Pɛ́ mɑꞋ mɛzẅii nɛ́ múk ndǔ tsɛ́tsɑ́Ꞌ. Ɛ́ ɡɔ́ ḿbɔ́ mbɔ pɛ́ tɛmtɛ mɛci nǔu. Tɑ́Ꞌ nji nǔu tsɛ́tsɑ́Ꞌ nji yɛ́tɑ́t, pûu ɛ́shí nɛ́ mɛtʉ́, pɔ́p nɛɡíi ẅi ɛ́ wɛ fɛ́.