Mɛnu ɛ́ ńdɑ́Ꞌ ńcẅɛt 15:1 - Kɑɑ Fí

¹ M bɑ́ɑtɛ ńjʉ́ɔ yɛcɔ́ yúu pɛn ńcẅɛt nɛfɑŋ, ḿbɔ́ ɡú tɛꞋ, ḿbɔ́ yi ɛ́ ŋ́ɡɛ pɛ́ vukŋɛ vukŋɛnɛ, ɛ́ pɔ́ Pɛcʉ̈ɔ́Ꞌ-Sɛ́ sɑɑmbɑ́. Pɔ́p tʉ́ʉtɛ ŋ́ɡẅɛɛ mɛŋɡʉ̈ɔ́Ꞌ mɛntɛ́ sɑɑmbɑ́ mi ɛ́ ɡʉ ŋ́kúu nǔu pʉɔmɛsɔŋ, ɛ́ lɔk ḿbɔ́ mɛlẅiknzʉʉ ŋɡʉ̈ɔ́Ꞌ, mbíꞋŋɡɔ lɔ́ŋ-Sɛ́ ɡʉ ŋ́ɡɛ ŋ́ɡɔ ḿbɔ́tnɛ, mbɔ yîyɑ́ ŋɡʉ̈ɔ́Ꞌ lɛɛ mɔ́.

Mɛnu ɛ́ ńdɑ́Ꞌ ńcẅɛt 15:1 ပူးပေါင်းရင်းမြစ်များ

Mɛnu ɛ́ ńdɑ́Ꞌ ńcẅɛt 10:3

ŋ́kíi nɛ́ ŋɡi tɛnnɛ pɑ́Ꞌ púꞋntʉʉ ẅí ɑ sɛ́ ńtsuꞋ lɑ́, ŋ́kíi pɔ́Ꞌɔ, pɛ́ zúꞋ nɛpú kwɛnɛ ŋkɑ́ sɑɑmbɑ́.

Mɛnu ɛ́ ńdɑ́Ꞌ ńcẅɛt 11:14

Ŋɡʉ̈ɔ́Ꞌ mbɑ́ɑtɛ yɛ́pɑ́ lɔk pɔ́Ꞌɔ, ńdɛɛ. Ɛ́ pʉ́ɔlɑɑ mbɑ́ɑtɛ yɛ́tɑ́t sɛ̂ndúŋ ḿbɔ́ ńtɔ́.

Mɛnu ɛ́ ńdɑ́Ꞌ ńcẅɛt 14:10

ŋɡɑŋ jí ŋɡɔ mbɑ jʉ́ ɡʉ ŋ́ɡɛ ńnɔ́ mɛluꞋ-zɑ́ŋlɔ́ŋ-Sɛ́, mi Sɛ́ ɡʉ ŋ́ɡɛ ńníꞋ tsɛt ntúꞋ-zɑ́ŋlɔ́ŋ yɛ́, tɛ mbɔɔ síi ŋ́ɡwɑtɛ pɔ́. Ŋɡɑŋ pɑ́ɑtɛ ŋ́kúu ŋɡʉ̈ɔ́Ꞌ tsɛt múk-mɛkɑɑ, mbi pɛcʉ̈ɔ́Ꞌ-Sɛ́ pɛ lɛ́ɛnɛ́nɛ mbɑ mbi Mɔ́ɔ-Njinjɔ.»

Mɛnu ɛ́ ńdɑ́Ꞌ ńcẅɛt 14:19

Cʉ̈ɔꞋ-Sɛ́ lɔk níi yɛ, ŋ́ɡʉ ndǔ tsɛ́tsɑ́Ꞌ, ńzɑ́Ꞌ mɛntswɑ́ mi ɛ́ nǔu mɛtʉ́-mɛluꞋ, tsɛt ŋkɑ́Ꞌ-mɛluꞋ ndǔ tsɛ́tsɑ́Ꞌ, ḿbʉɔt tsɛt mɑ́mɑ́ ɡʉ́ɔ, zʉꞋ yi pɛ́ cúꞋnɛ mɛntɑ́ɑ zúꞋu, ŋ́ɡẅɛɛ mɛluꞋ. Nɛcúꞌ tsɛt ɡʉ́ɔ ɛ̂yɑ́ lɔk ńdɛꞋlɛ ŋɡɔ Sɛ́ sɛ́ ńzɑ́ŋ lɔ́ŋ nǔu pʉɔ kɛpɔŋ.

Mɛnu ɛ́ ńdɑ́Ꞌ ńcẅɛt 16:1

N zúꞋ yɛcɔ́ ŋɡi tɛnnɛ fú tsɛt zʉꞋ-nɔŋpɔꞋ ḿbɔ́ ńcú mbɔ̌ Pɛcʉ̈ɔ́Ꞌ-Sɛ́ pɑ́ sɑɑmbɑ́ ŋɡɔ: «Pʉʉ ɡʉ ndǔ tsɛ́tsɑ́Ꞌ, ńtswɛt zɑ́ŋ lɔ́ŋ-Sɛ́ yi ɛ́ tsɛt mɛntúꞋ sɑɑmbɑ́ lɑ́.»

Mɛnu ɛ́ ńdɑ́Ꞌ ńcẅɛt 17:1

M bɛn ńjʉ́ɔ wɛcɔ́ tɑ́Ꞌ nǔu pɛcʉ̈ɔ́Ꞌ-Sɛ́ sɑɑmbɑ́ pi pɔ́p kɑ ɡẅɛɛnɛ mɛntúꞋ sɑɑmbɑ́ lɑ́ tɔ́ ńcú mbɔ̌ mɔ ŋɡɔ: «Tɔ́, mɔ ńnyɛt wú pɑ́Ꞌ Sɛ́ ɡʉ ŋ́ɡɛ ńníꞋ ŋɡʉ̈ɔ́Ꞌ tú mɑ́mɑ́ ŋɡɑŋmpfuꞋ mɑŋɡɛ́ pɔ́Ꞌɔ. Ɛ́ mɑ́mɑ́ tʉ́sɔŋ ẅi pɛ́ kɑ kútnɛ mbʉʉ mɛŋki tɛ ńzɑ́ɑ lɑ́.»

Mɛnu ɛ́ ńdɑ́Ꞌ ńcẅɛt 19:15

Yɛcɔ́ níi-ntsɔ pɔ́ ɛ́fú ntsu-ŋu ɛ̂wɑ́ ẅi ɑ nɑ́ŋnɛ ndǔ fúfú lʉ́ɔ lɑ́ ńcẅɛt. Ɛ́shẅítnɛ shẅítnɛnɛ, ḿbɔ́ yi ɑ ɡʉ ńdɔk ŋ́kʉ́ɔꞋ pʉɔ pinɛ pɔ́p tsɛt mɛŋɡɔŋ mɛŋɡɔŋ. A pɔ́ ŋu ẅí ɑ ɡʉ ńdɔk ntẅí-tʉ́n ɛ́sɑ́Ꞌ pʉɔmɛsɔŋ, ḿbɔ́ ŋu ẅí ɑ ɡʉ ńcúꞋ mɛntɑ́ɑ mi pɛ́ lɔknɛ ńniitɛ mɛluꞋ tsɛt ɡʉ́ɔ-mɛluꞋ mi ɛ́ lɛꞋlɛ́nɛ ŋɡɔ Sɛ́ ŋɡɑŋmɛtʉʉ tsʉʉ sɛ́ ńzɑ́ŋ lɔ́ŋ tɛꞋ.

Mɛnu ɛ́ ńdɑ́Ꞌ ńcẅɛt 21:9

Wɛcɔ́ Cʉ̈ɔꞋ-Sɛ́ pɛn ńtɔ́ nɛjɔ́ŋ mɔ, ḿbɔ́ wɛcɔ́ tɑ́Ꞌ nǔu pɛcʉ̈ɔ́Ꞌ-Sɛ́ sɑɑmbɑ́ pi pɔ́p kɑ ɡẅɛɛnɛ mɛntúꞋ ɛ̂mɑ́ sɑɑmbɑ́, mɛlẅiknzʉʉ ŋɡʉ̈ɔ́Ꞌ sɑɑmbɑ́ pɔ́ tsɛtú tɛ ńdúu lɑ́, ńtɔ́ pɔ́Ꞌɔ, ńcú mbɔ̌ mɔ ŋɡɔ: «Tɔ́, Mɔ ńnyɛt wú nɛ́ nzwɛ́ŋɡʉʉ, nzwɛ́-mɔ́ɔ-Njinjɔ.»

Mɛnu ɛ́ ńdɑ́Ꞌ ńcẅɛt 8:13

M bɛ́t ńdíŋɛ líŋɛ́nɛ ńzúꞋ wɛcɔ́ mɑ́mɑ́ mɑ́ɡúu ẅí ɑ kɑ pɔ́ ńtɑt tɛ tʉ́ pɔ́ ńcú nɛ́ ŋɡi tɛnnɛ ŋɡɔ: Pʉʉ pɛpʉ́ktú. Pʉʉ pɛpʉ́ktú. Pʉʉ pɛpʉ́ktú. Pʉʉ pʉɔmɛsɔŋ pi pʉʉ ndǔ tsɛ́tsɑ́Ꞌ, tʉ́ʉ ńjʉ́ɔ mɛntɑŋ mí pɛcʉ̈ɔ́Ꞌ-Sɛ́ pɛ́tɑ́t pɛ́t lɑ ŋ́ɡʉ ńtɔ́ŋ.

Mɛnu ɛ́ ńdɑ́Ꞌ ńcẅɛt 8:2

N jʉ́ɔ pɛ́ ɡɑ́ mɛntɑŋ Sɑɑmbɑ́ mbɔ̌ pɛcʉ̈ɔ́Ꞌ-Sɛ́ sɑɑmbɑ́ pi pɔ́p ntʉ́ʉnɛ mbi Sɛ́.

Mɛnu ɛ́ ńdɑ́Ꞌ ńcẅɛt 8:6

Pɛcʉ̈ɔ́Ꞌ-Sɛ́ pi pɔ́p kɑ ɡẅɛɛnɛ mɛntɑŋ sɑɑmbɑ́ lɑ́, pɔ́p niitɛ mbʉʉ yɔp pɑ́Ꞌ pɔ́p ɡʉnɛ tɔ́ŋ mɛntɑŋ ɛ̂mɑ́.

Mɛnu ɛ́ ńdɑ́Ꞌ ńcẅɛt 9:20

Ɛ́ ɡʉ nǔu pfuꞋ pʉɔ pí sɑ̌ɑ yúu mi ɛ́ ɡɑ́nɛ ŋɡʉ̈ɔ́Ꞌ ŋkɑɑ wɔ́p jẅí, pɔ́p kɛ́ ḿbɔɔ kúpmɛ mɑt wɔ́p ḿmɛꞋ mɛfɑꞋ kɛpɔŋ mí pɔ́p lɔɔnɛ pɔ́. Pɔ́p ŋkɑɑ nɑ́ nɛɡúꞋlɛ mɛzẅikŋɛ kɛpɔŋ pɔ́. Pɔ́p pɔɔ nɑ́ nɛɡúꞋlɛ yúu mi pɛ́ ɡúꞋlɛ́nɛ ŋɡɔ ɛ́ mɛsɛ́ pɔ́, mi pɛ́ kɑ lɔknɛ tʉ́n-ŋɡɔ̂l ńniitɛ, kɛ pɔ́ mi pɛ́ kɑ lɔknɛ tʉ́n-ŋkɑ́p ńniitɛ pɔ́, kɛ mi pɛ́ kɑ lɔknɛ tʉ́n-Mbɛlɔŋzɛ ńniitɛ pɔ́, kɛ mi pɛ́ kɑ lɔknɛ ŋɡɔꞋ ńniitɛ pɔ́, kɛ mi pɛ́ kɑ lɔknɛ kɛm tʉ́ ńniitɛ pɔ́, mɛyúu mi ɛ́ kɑ́ kuꞋ nɛjʉ́ɔ zʉꞋ pɔ́, ŋ́kɛ́ mbɔɔ kuꞋ nɛzúꞋ nu pɔ́, ŋ́kɛ́ mbɔɔ kuꞋ nɛnɛn pɔ́.