Mɛnu ɛ́ ńdɑ́Ꞌ ńcẅɛt 13:7 - Kɑɑ Fí

⁷ Pɛ́ nɑ́ wɛ́ ŋɡɔ ɑ ɡʉ ḿmɑꞋ pʉɔ-Sɛ́ nɛ́ ntsɔ mɑꞋ tɛ ńdɛɛ wɔ́p, ńnɑ́ wɛ́ ŋ́ɡɔ ɑ sɑ́Ꞌ mɛnjẅɛtndɑ́ tsʉʉ, ɛ́sɑ́Ꞌ pʉɔ ntɛ́ nɛ́ ntɛ́, ŋɡɔ ɑ sɑ́Ꞌ pɑsẅíŋɛ mɛsẅíŋɛ ntɛ́ nɛ́ ntɛ́, ŋɡɔ ɑ sɑ́Ꞌ mɛŋɡɔŋ tsʉʉ.

Mɛnu ɛ́ ńdɑ́Ꞌ ńcẅɛt 13:7 ပူးပေါင်းရင်းမြစ်များ

Lúkɑ́shi 4:6

ńcú mbɔ̌ wɛ́ ŋɡɔ: «Pɛ́ kɑ ɡɑ́ mɛŋɡɔŋ mɔ́ mbɔ̌ mɔ, m bɛn ŋ́kuꞋ nɛɡɑ́ mbɔ̌ mbɑ wɔ̌lɑ́ ẅi ŋ kɔŋnɛ. Ŋ ɡʉ ńzɛɛ ŋ́ɡɑ́ nɛfɔɔ mbɔ̌ wu, ɡu tsʉ́Ꞌnɛ ńdɔk ŋ́ɡẅɛɛ yúu sʉ́Ꞌnɛ yi ɛ́ tsɛtú tsʉʉ.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Mɛnu ɛ́ ńdɑ́Ꞌ ńcẅɛt 10:11

Pɛ́ pɑ́ɑtɛ ńcú mbɔ̌ mɔ ŋɡɔ: «Ɛ́ sɛ́ ḿbíkŋɛ ŋɡɔ ɔ pɛn ŋ́ɡʉ ɛ́sɑ́Ꞌ Ŋkʉʉ-Sɛ́ mbɔ̌ pʉɔ ntɛ́ nɛ́ ntɛ́, mbɔ̌ ŋɡɔŋ nɛ́ ŋɡɔŋ, mbɔ̌ pʉɔ pí pɔ́p sẅiŋɛ́nɛ mɛsẅíŋɛ mɛntɛ́ mɛntɛ́, mbɑ mbɔ̌ pɛfɔɔ tɛ ńzɑ́ɑ.»

Mɛnu ɛ́ ńdɑ́Ꞌ ńcẅɛt 11:18

Ŋɡɔŋ nɛ ŋɡɔŋ kɑ zɑ́ŋ lɔ́ŋ, lɑ́ yú ŋkɑ́ yi ɔ ɡʉ ńnyɛt yú zɑ́ŋ lɔ́ŋ tɔ́, ḿbɛn ḿbɔ́ ŋkɑ́ yi ɔ ɡʉ ńzɑ́Ꞌ ntsɑŋ-pɛpfúsɛ́, ḿbɔ́ ŋkɑ́ yi ɔ ɡʉ ńtsɔ́Ꞌ fɑꞋ ɡɑŋfɑꞋ pú, pɑcẅiŋkʉʉ pú, ńtsɔ́Ꞌ fɑꞋ-pʉɔ pú, pʉɔ pi pɔ́p ŋ́ɡúꞋlɛ́nɛ lík Yú, mbɔ́ŋkʉ̈ɔ́ mbɑ pɛlʉ́m, ḿbɛn ḿbɔ́ ŋkɑ́ yi ɔ ɡʉ ɛ́sɑt pʉɔ pí pɔ́p júknɛ ḿbʉ́ʉpɛ ndǔ tsɛ́tsɑ́Ꞌ.»

Mɛnu ɛ́ ńdɑ́Ꞌ ńcẅɛt 11:7

Lɑ́, pɔ́p ɡʉ ŋ́kɛ́ ńcú nu yi pɔ́p sɛ́ ńjí nǔu mɔ tɛ ńnɑ́Ꞌcí, ŋkʉꞋnɛ nɑɑ ẅi ɑ fúnɛ tsɛt ɡɛm kɛ́ ndẅiklɛ ŋ́kɔ́Ꞌ, ɑ tɔ́ mɑꞋ wɔ́p nɛ́ ntsɔ, ńjʉ́ wɔ́p, ńjẅítɛ wɔ́p.

Mɛnu ɛ́ ńdɑ́Ꞌ ńcẅɛt 12:17

Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.

Mɛnu ɛ́ ńdɑ́Ꞌ ńcẅɛt 17:15

Cʉ̈ɔꞋ-Sɛ́ pɛn ńcú mbɔ̌ mɔ ŋɡɔ: «Mɛŋki mi ɔ sɛ́ ńjʉ́ɔ, ɛ́ pɔ́ mbʉʉ zʉꞋ yi ŋɡɑŋɡɑ́ɑ mɑŋɡɛ́ wɑ́ tsẅɛ́nɛ zúꞋu lɑ́, mɛŋki ɛ̂mɑ́ lɔk ḿbɔ́ pʉɔ ntɛ́ nɛ́ ntɛ́, ḿbɔ́ pʉɔ mɛnɔɔ mɛnɔɔ, ḿbɔ́ ŋɡɔŋ nɛ́ ŋɡɔŋ, ḿbɔ́ mɛsẅíŋɛ ntɛ́ nɛ́ ntɛ́.»

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.