Mɛnu ɛ́ ńdɑ́Ꞌ ńcẅɛt 13:6 - Kɑɑ Fí

⁶ Nɑɑ ɛ̂wɑ́ zɛ nɛsẅíŋɛ kɛpɔŋ nǔu Sɛ́, ńzɔɔtɛ lík-Sɛ́, ńzɔɔtɛ zʉꞋ yi Sɛ́ nɑ́ŋnɛ, ńzɔɔtɛ mbɑ pʉɔ pi pɔ́p nɑ́ŋnɛ tʉ́nɛ́pú.

Mɛnu ɛ́ ńdɑ́Ꞌ ńcẅɛt 13:6 ပူးပေါင်းရင်းမြစ်များ

Mɑtʉ̈ɔ 12:34

Njẅɛt-mɛnɔ́, mbɔ pʉʉ pɔ́ pʉɔ kɛpɔŋ pɑ́Ꞌɑ, ńcú nu sʉ́Ꞌnɛ ŋɡɔ́ku? Ŋu cú pɔ nu yí ɛ́ tsɛt tʉ́m yɛ́.

Mɑtʉ̈ɔ 15:19

MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Pʉɔ-Lɔ́mɑ 3:13

Ntsu wɔ́p lɛm pɔ pɑ́Ꞌ jɑ́k nɛshi ni pɛ́ fiꞋnɛ lɑ́. Pɔ́p lɔk lʉ́m yɔ́p ɛ́fúklɛ pʉɔmɛsɔŋ fúklɛ́nɛ. Nu yi ɛ́ cẅɛtnɛ nǔu mɛkup-ntsu mɔ́p pɔ́ pɔ pɑ́Ꞌ lʉ́m-nɔ́.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

Ɛ́bɛlʉʉ 9:2

Mbɔ pɛ́ kɑ zuŋɛ mɑ́mɑ́ ntɑp, ńdɔk yúu ndẅí ńzɑ́Ꞌ nji yɛpɑ́, ɛ́fúŋ lûm wɛ píi ŋɡɔ tsɛt zʉꞋ yi Sɛ́ zúꞋu, wɛcɔ́ ntɛ́ mɑ́mɑ́ túlkɑ́ŋ pɔ́ zúꞋu, ŋ́ɡẅɛɛ mɛntyɑk sɑɑmbɑ́, tɑ́pɛlɛ pɛn ḿbɔ́ zúꞋu, mbɛlɛ̂ɛt yi pɛ́ ɡɑ́nɛ mbɔ̌ Sɛ́ pɔ́ ndǔ.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Mɛnu ɛ́ ńdɑ́Ꞌ ńcẅɛt 11:12

Pɑcẅiŋkʉʉ-Sɛ́ pɑ́ pɛ́pɑ́ zúꞋ, yɛcɔ́ ŋɡi tɛnnɛ fú tʉ́nɛ́pú ńcú mbɔ̌ pɔ́p ŋɡɔ: «Pʉʉ kɔ́Ꞌ ńtɔ́ nɛ́ zɑꞋnɛ. Pɔ́p pɔ́ ŋ́kɔ́Ꞌ, ḿbɔ́ tsɛt mɛlɑ́ɑ, pɛɡɑŋmbuu pɔ́p pɔ́ ńjʉ́ɔ.»

Mɛnu ɛ́ ńdɑ́Ꞌ ńcẅɛt 12:12

Pɔ́Ꞌɔ lɑ́, tʉ́nɛ́pú nɛ́ pɑnɑ́ŋ zúꞋu, pʉʉ tsɑ́ɑtɛ. Lɑ́ ŋ́ɡʉ nǔu ndǔ tsɛ́tsɑ́Ꞌ mbɑ ŋki kɛ́ nɛpɑt, nu pʉɔlɑ́ yi ɛ́ ɡɛnɛ wʉ́ʉ lɑ́. MbíꞋŋɡɔ ndɛɛbɛlɛ pfúu ńtɔ́ ńtsɛ́t wʉ́ʉ, lɔ́ŋ wɛ sɛ́ ńzɑ́ŋ tɛꞋ. A sɛ́ ńjí ŋɡɔ ɑ kɛ́ pɛn ɛ́fɑꞋ yɛ́ fɑꞋ tɛ ntí sɑk pɔ́.

Mɛnu ɛ́ ńdɑ́Ꞌ ńcẅɛt 15:5

N jʉ́ɔ pɔ yúu tɛ ḿbɔ́tnɛ ńnɑ́ŋ, n jʉ́ɔ zʉꞋ-Sɛ́ tʉ́nɛ́pú, ntɑp ẅi ɛ́ nyɛtnɛ ŋɡɔ Sɛ́ tsɛtsɛt pʉɔ pɛ́, ŋíɛꞋnɛ ńtʉ́ʉ.

Mɛnu ɛ́ ńdɑ́Ꞌ ńcẅɛt 18:20

Pʉʉ tʉ́nɛ́pú, pʉʉ tsɑ́ɑtɛ tsɑ́ɑtɛ́nɛ mbíꞋ pɑ́Ꞌ Bɑbilɔ̂n vunɛ sɛ́. Mbɑ pʉʉ pʉɔ-Sɛ́, pʉʉ ɡɑŋntúu nɛ pɑcẅiŋkʉʉ-Sɛ́, pʉʉ tsɑ́ɑtɛ yʉ́ʉ. MbíꞋŋɡɔ Sɛ́ ŋɑk wɛ́ nǔu nu kɛpɔŋ yi ɑ kɑ ɡɛnɛ nǔu pʉʉ.

Mɛnu ɛ́ ńdɑ́Ꞌ ńcẅɛt 21:3

N zúꞋ yɛcɔ́ ŋɡi tɛnnɛ fú zʉꞋ-kɔꞋ-nɛfɔɔ ḿbɔ́ ńcú ŋɡɔ: «Ɛ́ ŋkɔ̂ɔnɛ, mbɔ zʉꞋ yí Sɛ́ nɑ́ŋnɛ zúꞋu, ɛ́ pɔ́ tsɛtsɛt pʉɔmɛsɔŋ. Pɔ́p pɛpɔ́p ɡʉnɛ ńtsʉ́Ꞌ ńnɑ́ŋ, pɔ́p pɔ́ mbɔ̌ wɛ́, ɑ pɔ́ Sɛ́ wɔp.

Mɛnu ɛ́ ńdɑ́Ꞌ ńcẅɛt 4:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ŋ ɡɔ ńjʉ́ɔ, mbɔ pɛ́ tsɔ́Ꞌ yɛcɔ́ ntsundɑ́ tʉ́nɛ́pú. Ŋ ɡɔ́ɔ ŋ́kɛ́ ḿbɛn ńzúꞋ ŋu ẅí ɑ kɑ zɛɛ ńcú nu mbɔ̌ mɔ, ŋɡi yɛ pɔ́ pɔ pɑ́Ꞌ ŋɡi-ntɑŋ lɑ́, ɑ cú mbɔ̌ mɔ ŋɡɔ: Kɔ́ꞌ tɛ ŋ́kúu zɑꞋnɛ, n nyɛt wú nɛ́ yúu mi ɛ́ ɡʉ ḿbɑ́ɑtɛ ńtɔ́.

Mɛnu ɛ́ ńdɑ́Ꞌ ńcẅɛt 4:4

Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.

Mɛnu ɛ́ ńdɑ́Ꞌ ńcẅɛt 5:13

M bɛn ńzúꞋ, kʉ̈ɔ́ lɑ́ yi Sɛ́ kɑ niitɛ́nɛ, yi ɛ́ tʉ́nɛ́pú, yi ɛ́ ndǔ tsɛ́tsɑ́Ꞌ, yi ɛ́ tsɛt tsɛ́tsɑ́Ꞌ, yi ɛ́ tsɛt ŋki kɛ́ nɛpɑt tɛ mbɑ kʉ̈ɔ́ lɑ́ yi ɛ́ ndǔmbí lɑ́, ɛ́ pɔ́ ńzɔp ńcú ŋɡɔ: Pɛ́ zɔp lík, ŋ́ɡɛ mɛkuꞋ ńtɔꞋ ŋɡúꞋ yɛ, ŋ́ɡɑ́ nɛsɑ́Ꞌ mbí mbɔ̌ ŋu ẅí ɑ nɑ́ŋnɛ nǔu kɔꞋ-nɛfɔɔ, mbɑ mbɔ̌ mɔ́ɔ-Njinjɔ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 7:15

Ɛ́ yúu mi ɛ́ ɡɛnɛ pɔ́p tʉ́ʉ mbi kɔꞋ-nɛfɔɔ-Sɛ́, ḿbɔ́ tsɛt zʉꞋ-nɔŋpɔꞋ, ḿbɔ́ ŋ́ɡúꞋlɛ wɛ́ nɛnɛm mbɑ nɛtúꞋ. Ŋu ẅí ɑ nɑ́ŋnɛ ndǔ kɔꞋ-nɛfɔɔ, ɑ ɡʉ ɛ́fii ntɑp wɛ́ ńdɔk ŋ́kẅíitɛ wɔ́p.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,