Mɛnu ɛ́ ńdɑ́Ꞌ ńcẅɛt 13:2 - Kɑɑ Fí

² Nɑɑ ẅí ŋ kɑ jʉ́ɔnɛ kɑ pɔ́ pɔ pɑ́Ꞌ nɑɑŋɡwɛ, mɛku mɛ́ pɔ́ pɑ́Ꞌ mɛ́ wɛcɔ́ mɑ́mɑ́ ntsɔ̌p, ntsu wɛ́ ḿbɔ́ pɑ́Ꞌ wɛ púꞋntʉʉ. Mɑ́mɑ́ nɔ́nɛŋɡɛ́m wɑ́ ɡɑ́ mɛtʉʉ mɛ́ mbɔ̌ wɛ́, ŋ́ɡɑ́ kɔꞋ-nɛfɔɔ nɛ́ mbɔ̌ wɛ́, ŋ́ɡɑ́ nɛsɑ́Ꞌ pʉɔ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 13:2 ပူးပေါင်းရင်းမြစ်များ

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

Mɛnu ɛ́ ńdɑ́Ꞌ ńcẅɛt 12:13

Mɑ́mɑ́ nɔ́nɛŋɡɛ́m wɑ́, pɔ́ tɛ ńjʉ́ɔ pɑ́Ꞌ pɛ́ tsʉ́ʉnɛ wɛ́ ḿmɑꞋ ndǔ tsɛ́tsɑ́Ꞌ, ńjɛ́Ꞌ ńcʉ́ɔ nzʉʉ mɑŋɡɛ́ wɑ́ ẅí ɑ pínɛ mɔ́ɔ mbɛ́ɛnɛ lɑ́, ńzɛ nɛnɑ́ɑ wɛ́.

Mɛnu ɛ́ ńdɑ́Ꞌ ńcẅɛt 12:15

Mɑ́mɑ́ nɔ́nɛŋɡɛ́m wɑ́ jɛ́Ꞌ, ŋki ńcẅɛt ńcúŋ nzʉʉ mɑŋɡɛ́ wɑ́ pɑ́Ꞌ mí, nɛpɔ́ yi ɛ́ ɡʉ ńtíi wɛ́.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 13:12

A kɑ ɡẅɛɛ mɛtʉʉ-nduŋmbi nɑɑ, nɛlɔk ŋ́ɡɛ mɛnu mbi yɛ́, ḿbɔ́ ŋ́ɡɛ pʉɔ tsʉʉ ndǔ tsɛ́tsɑ́Ꞌ ŋ́kẅíꞋlɛ mbi nduŋmbi nɑɑ ɛ̂wɑ́, ŋ́ɡúꞋlɛ wɛ́. Nɑɑ wɑ́ ẅí fʉ́ŋ kɑ pɔ́ nǔu wɛ́ tɛ ḿbɔ́ pɔ yi ḿbɔ́ ɛ́ jẅí wɛ́ jẅínɛ ḿbɛn ńtʉʉ lɑ́.

Mɛnu ɛ́ ńdɑ́Ꞌ ńcẅɛt 13:4

Pɔ́p ŋ́ɡúꞋlɛ nɔ́nɛŋɡɛ́m ɛ̂wɑ́, mbíꞋŋɡɔ ɑ kɑ nɑ́ nɛsɑ́Ꞌ pʉɔ mbɔ̌ nɑɑ, ḿbɔ́ ŋ́ɡúꞋlɛ nɑɑ, ńcú ŋɡɔ: «Wɔ̌ ɡẅɛɛ tʉʉ pɑ́Ꞌ nɑɑ? Mbɔ́ wɔ̌ mɑꞋ wɛ́ nɛ́ ntsɔ?»

Mɛnu ɛ́ ńdɑ́Ꞌ ńcẅɛt 16:10

Mbɑ́ɑtɛ yɛ́tɑɑ tswɛt yɛ́ ntúꞋ nǔu kɔꞋ-nɛfɔɔ ŋkʉꞋnɛ nɑɑ ɛ̂wɑ́. Nzɛ́nzʉ́ʉ pûu ńjʉ́ lɑ́Ꞌ-nɑɑ ɛ̂wɑ́. Pʉɔmɛ́sɔŋ jʉ́ɔ ŋɡʉ̈ɔ́Ꞌ jʉ́ɔnɛ tɛ ńnɛ́m lʉ́m yɔ́p.

Mɛnu ɛ́ ńdɑ́Ꞌ ńcẅɛt 17:12

Mɛndɔ́ŋ nɛɡɛ́m mi ɔ lɑ́Ꞌnɛ ńjʉ́ɔ lɑ́ lɔk ḿbɔ́ pɛfɔɔ nɛɡɛ́m pi pɛ́ pɛ́t kɛ́ ɡɑ́ nɔ́p nɛfɔɔ. Lɑ́ pɔ́p pɛ nɑɑ ɡʉ ŋ́ɡɛ tɛmtɛ ɛ́sɑ́Ꞌ lɑ́Ꞌ ndɑꞋ nǔu tɑ́Ꞌ nɛm wɛ́mɔ́Ꞌ.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 20:2

A ɡẅɛɛ mɑ́mɑ́ nɔ́nɛŋɡɛ́m wɑ́, jʉ́ wɑ́ ẅi ɑ nɔ́ wɑ́ ẅi ɑ kɑ fúnɛ tɛ ŋkɑ́mbi lɑ́, jʉ́ ẅi ɑ dɛɛbɛlɛ, ḿbɛn ḿbɔ́ Sɑ́ttɑ lɑ́, ńdɔk cɛ̂n ɛ̂yɑ́ ŋ́kút wɛ́ pɑ́Ꞌ ɑ ɡʉ ŋ́kɛ́ ḿbɔ́ pɔ mɛŋkʉ nǔu ŋɡuꞋ ntsɑ́Ꞌ.