Mɛnu ɛ́ ńdɑ́Ꞌ ńcẅɛt 13:12 - Kɑɑ Fí

¹² A kɑ ɡẅɛɛ mɛtʉʉ-nduŋmbi nɑɑ, nɛlɔk ŋ́ɡɛ mɛnu mbi yɛ́, ḿbɔ́ ŋ́ɡɛ pʉɔ tsʉʉ ndǔ tsɛ́tsɑ́Ꞌ ŋ́kẅíꞋlɛ mbi nduŋmbi nɑɑ ɛ̂wɑ́, ŋ́ɡúꞋlɛ wɛ́. Nɑɑ wɑ́ ẅí fʉ́ŋ kɑ pɔ́ nǔu wɛ́ tɛ ḿbɔ́ pɔ yi ḿbɔ́ ɛ́ jẅí wɛ́ jẅínɛ ḿbɛn ńtʉʉ lɑ́.

Mɛnu ɛ́ ńdɑ́Ꞌ ńcẅɛt 13:12 ပူးပေါင်းရင်းမြစ်များ

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

Mɛnu ɛ́ ńdɑ́Ꞌ ńcẅɛt 13:2

Nɑɑ ẅí ŋ kɑ jʉ́ɔnɛ kɑ pɔ́ pɔ pɑ́Ꞌ nɑɑŋɡwɛ, mɛku mɛ́ pɔ́ pɑ́Ꞌ mɛ́ wɛcɔ́ mɑ́mɑ́ ntsɔ̌p, ntsu wɛ́ ḿbɔ́ pɑ́Ꞌ wɛ púꞋntʉʉ. Mɑ́mɑ́ nɔ́nɛŋɡɛ́m wɑ́ ɡɑ́ mɛtʉʉ mɛ́ mbɔ̌ wɛ́, ŋ́ɡɑ́ kɔꞋ-nɛfɔɔ nɛ́ mbɔ̌ wɛ́, ŋ́ɡɑ́ nɛsɑ́Ꞌ pʉɔ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Mɛnu ɛ́ ńdɑ́Ꞌ ńcẅɛt 14:11

Ndíndí-múk-ŋɡʉ̈ɔ́Ꞌ yɔp ńdɑ́Ꞌ ńjúk ŋ́kɔ́Ꞌ kɔ́Ꞌnɛ nǔu mɛŋɡuꞋ mɛŋɡuꞋ. Mbɑ wɔ̌ lɑ́ ẅi ɑ sɛ́ ŋ́ɡúꞋlɛ nɑɑ, ḿbɛn ḿbɔ́ ŋ́ɡúꞋlɛ tɛ́tɔ́k nɑɑ ɛ̂wɑ́, tɛ mbɔ pɛ́ cʉɔꞌ lii-lík-nɑɑ nǔu wɛ́, ɑ ńdɑ́Ꞌ ńjúk nɛjʉ́ɔ ŋɡʉ̈ɔ́Ꞌ nɛnɛm mbɑ nɛtúꞋ, wɛcɔ́ nɛjẅiitɛ pɔɔ pɔ́ ɡú pɔ́.

Mɛnu ɛ́ ńdɑ́Ꞌ ńcẅɛt 14:9

Wɛcɔ́ Cʉ̈ɔꞋ-Sɛ́, ḿbɔ́ mbɑ́ɑtɛ yɛ́tɑ́t pɑ́ɑtɛ wɔ́p, ḿbɔ́ ńdɔk ŋɡi tɛnnɛ ńcú ŋɡɔ: «Ŋu lɑɑ ŋ́ɡúꞋlɛ nɑɑ mbɑ tɛ́tɔ́k wɛ, ḿbɛ́m pɛ́ cʉɔꞌ lii-nɑɑ nǔu nɛzíi nɛ́ kɛ nǔu pɔ́ yɛ́ ɔɔ,

Mɛnu ɛ́ ńdɑ́Ꞌ ńcẅɛt 16:2

Nduŋmbi ɡʉ ńtswɛt yɛ́ ntúꞋ ndǔ tsɛ́tsɑ́Ꞌ. Yɛcɔ́ ntɛ́ mɛfʉ́ŋ mi ɛ́ zɑ́ŋ pɑ́Ꞌtɛ, cẅɛt nǔu pʉɔmɛsɔŋ pi pɛ́ kɑ cʉɔꞌ lii-ŋkʉꞋnɛ nɑɑ nǔu pɔ́p, pɔ́p pɛn ḿbɔ́ ŋ́ɡúꞋlɛ tɛ́tɔ́k-ŋkʉꞋnɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.