Mɛnu ɛ́ ńdɑ́Ꞌ ńcẅɛt 12:3 - Kɑɑ Fí

³ Yɛcɔ́ yúu pɛn ńcẅɛt nɛfɑŋ, ḿbɔ́ yɛcɔ́ ntɛ́ mɑ́mɑ́ nɔ́nɛŋɡɛ́m wɑ́, ḿbɑŋ pɑ́Ꞌ múk lɑ́, mɛtú mɛ́ pɔ́ sɑɑmbɑ́, mɛndɔ́ŋ mɛ́ pɔ́ nɛɡɛ́m, cɔꞋ-nɛfɔɔ pɔ́ nǔu mɛtú mɛ́ sɑɑmbɑ́ tsʉʉ.

Mɛnu ɛ́ ńdɑ́Ꞌ ńcẅɛt 12:3 ပူးပေါင်းရင်းမြစ်များ

Mɛnu ɛ́ ńdɑ́Ꞌ ńcẅɛt 12:1

Yɛcɔ́ ŋkʉꞋnɛ yúu cẅɛt nɛfɑŋ ḿbɔ́ wɛcɔ́ mɑŋɡɛ́, ɑ mɑꞋ yɛ́ ndẅí, ɛ́ pɔ́ pɔ lík-nɛm, ńtík mɛku mɛ́ nǔu sɑŋ, ńtɔꞋ cɔꞋ-nɛfɔɔ, pɛcʉ̈ɔ́Ꞌ-sɑŋ pɔ́ yúu ntsɔ̌ppɑ́ nɛ́ nɛɡɛ́m.

Mɛnu ɛ́ ńdɑ́Ꞌ ńcẅɛt 12:13

Mɑ́mɑ́ nɔ́nɛŋɡɛ́m wɑ́, pɔ́ tɛ ńjʉ́ɔ pɑ́Ꞌ pɛ́ tsʉ́ʉnɛ wɛ́ ḿmɑꞋ ndǔ tsɛ́tsɑ́Ꞌ, ńjɛ́Ꞌ ńcʉ́ɔ nzʉʉ mɑŋɡɛ́ wɑ́ ẅí ɑ pínɛ mɔ́ɔ mbɛ́ɛnɛ lɑ́, ńzɛ nɛnɑ́ɑ wɛ́.

Mɛnu ɛ́ ńdɑ́Ꞌ ńcẅɛt 12:17

Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.

Mɛnu ɛ́ ńdɑ́Ꞌ ńcẅɛt 12:4

A kɑ pɔ́ ńdɔk sɑ́ŋ wɛ́ ńzʉk tɑ́Ꞌ nji nǔu Pɛcʉ̈ɔ́Ꞌ-sɑŋ nji yɛ́tɑ́t, ḿbʉ̈ɔt ndǔ tsɛ́tsɑ́Ꞌ, ńtʉ́ʉ mbi mɑŋɡɛ́ ɛ̂wɑ́, ḿbɔ́ ḿbyɛ́p pɑ́Ꞌ ɑ ɡʉ ḿbí ɑ ɡɔ́ɔ ńtíi mɔ́ɔ ḿmi.

Mɛnu ɛ́ ńdɑ́Ꞌ ńcẅɛt 12:7

Ntsɔ lɛɛ tɛ ḿvu tʉ́nɛ́pú, Míshɛ̌ɛ, tɑ́tndɑ́-pɛcʉ̈ɔ́Ꞌ-Sɛ́, lɔk pɛcʉ̈ɔ́Ꞌ-Sɛ́ pi pɔ́p nzʉʉ yɛ́, ḿmɑꞋ mɑ́mɑ́ nɔ́nɛŋɡɛ́m ɛ̂wɑ́ nɛ́ ntsɔ. A lɔk pɛcʉ̈ɔ́Ꞌ pɛ́, ńdʉ́ɔꞋ Míshɛ̌ɛ nɛ́ ntsɔ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 13:1

M bɛn ńjʉ́ɔ wɛcɔ́ ŋkʉꞋnɛ nɑɑ fú tsɛt ŋki kɛ́ nɛpɑt ńcẅɛt, ŋ́ɡẅɛɛ mɛtú sɑɑmbɑ́, ŋ́ɡẅɛɛ mɛndɔ́ŋ nɛɡɛ́m, mbɑ yɛ́tɛ́ ndɔ́ŋ lɑ́ ɡẅɛɛ cɔꞋ-nɛfɔɔ, mbɔ pɛ́ ŋwɑꞋnɛ lík yi pɛ́ lɔknɛ ńzɔɔtɛ Sɛ́ zɔɔtɛnɛ nǔu mbɑ yɛ́tɛ́ tú lɑ́.

Mɛnu ɛ́ ńdɑ́Ꞌ ńcẅɛt 13:2

Nɑɑ ẅí ŋ kɑ jʉ́ɔnɛ kɑ pɔ́ pɔ pɑ́Ꞌ nɑɑŋɡwɛ, mɛku mɛ́ pɔ́ pɑ́Ꞌ mɛ́ wɛcɔ́ mɑ́mɑ́ ntsɔ̌p, ntsu wɛ́ ḿbɔ́ pɑ́Ꞌ wɛ púꞋntʉʉ. Mɑ́mɑ́ nɔ́nɛŋɡɛ́m wɑ́ ɡɑ́ mɛtʉʉ mɛ́ mbɔ̌ wɛ́, ŋ́ɡɑ́ kɔꞋ-nɛfɔɔ nɛ́ mbɔ̌ wɛ́, ŋ́ɡɑ́ nɛsɑ́Ꞌ pʉɔ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 13:4

Pɔ́p ŋ́ɡúꞋlɛ nɔ́nɛŋɡɛ́m ɛ̂wɑ́, mbíꞋŋɡɔ ɑ kɑ nɑ́ nɛsɑ́Ꞌ pʉɔ mbɔ̌ nɑɑ, ḿbɔ́ ŋ́ɡúꞋlɛ nɑɑ, ńcú ŋɡɔ: «Wɔ̌ ɡẅɛɛ tʉʉ pɑ́Ꞌ nɑɑ? Mbɔ́ wɔ̌ mɑꞋ wɛ́ nɛ́ ntsɔ?»

Mɛnu ɛ́ ńdɑ́Ꞌ ńcẅɛt 15:1

M bɑ́ɑtɛ ńjʉ́ɔ yɛcɔ́ yúu pɛn ńcẅɛt nɛfɑŋ, ḿbɔ́ ɡú tɛꞋ, ḿbɔ́ yi ɛ́ ŋ́ɡɛ pɛ́ vukŋɛ vukŋɛnɛ, ɛ́ pɔ́ Pɛcʉ̈ɔ́Ꞌ-Sɛ́ sɑɑmbɑ́. Pɔ́p tʉ́ʉtɛ ŋ́ɡẅɛɛ mɛŋɡʉ̈ɔ́Ꞌ mɛntɛ́ sɑɑmbɑ́ mi ɛ́ ɡʉ ŋ́kúu nǔu pʉɔmɛsɔŋ, ɛ́ lɔk ḿbɔ́ mɛlẅiknzʉʉ ŋɡʉ̈ɔ́Ꞌ, mbíꞋŋɡɔ lɔ́ŋ-Sɛ́ ɡʉ ŋ́ɡɛ ŋ́ɡɔ ḿbɔ́tnɛ, mbɔ yîyɑ́ ŋɡʉ̈ɔ́Ꞌ lɛɛ mɔ́.

Mɛnu ɛ́ ńdɑ́Ꞌ ńcẅɛt 16:13

N jʉ́ɔ yɛcɔ́ zẅikŋɛ kɛpɔŋ fú ntsu-mɑ́mɑ́ nɔ́nɛŋɡɛ́m ńcẅɛt, wɛcɔ́ fú ntsu-ŋkʉꞋnɛ nɑɑ ńcẅɛt, wɛcɔ́ fú ntsu ncẅiŋkʉʉ Sɛ́ wɛ cɔtnu ńcẅɛt, tɛ pɔ́p pɔ́ pɛtɑ́t, ḿbɔ́ pɔ pɑ́Ꞌ pɛtɛtɔꞋ lɑ́,

Mɛnu ɛ́ ńdɑ́Ꞌ ńcẅɛt 17:12

Mɛndɔ́ŋ nɛɡɛ́m mi ɔ lɑ́Ꞌnɛ ńjʉ́ɔ lɑ́ lɔk ḿbɔ́ pɛfɔɔ nɛɡɛ́m pi pɛ́ pɛ́t kɛ́ ɡɑ́ nɔ́p nɛfɔɔ. Lɑ́ pɔ́p pɛ nɑɑ ɡʉ ŋ́ɡɛ tɛmtɛ ɛ́sɑ́Ꞌ lɑ́Ꞌ ndɑꞋ nǔu tɑ́Ꞌ nɛm wɛ́mɔ́Ꞌ.

Mɛnu ɛ́ ńdɑ́Ꞌ ńcẅɛt 17:16

Mɛndɔ́ŋ nɛɡɛ́m mi ɔ lɑ́Ꞌnɛ ńjʉ́ɔ mbɑ nɑɑ lɑ́, pɔ́p ɡʉ ŋ́ɡɛ ḿbɑɑ ŋɡɑŋɡɑ́ɑ mɑŋɡɛ́ ɛ̂wɑ́, mbuu ńcẅɛ́ɛ yúu pɛ́ tɛ ɑ tʉ́ʉ kɛ́ zẅík ndẅí, ŋ́kwɛ́t kup yɛ́, ńtɔɔ pfuꞋ múk.

Mɛnu ɛ́ ńdɑ́Ꞌ ńcẅɛt 17:7

Lɑ́ Cʉ̈ɔꞋ-Sɛ́ cú mbɔ̌ mɔ ŋɡɔ: «Ɔ mɑɑ kʉ̈ɔ́? Ŋ ɡʉ kyɛꞌ ntsɛm-mɑŋɡɛ́ wɑ́, ẅi ɑ ndǔ nɑɑ lɑ́ ɛ́sẅíi wú, mbɑ jʉ́ nɑɑ ẅí tú yɛ́ sɑɑmbɑ́, mɛndɔ́ŋ mɛ́ pɔ́ nɛɡɛ́m lɑ́.

Mɛnu ɛ́ ńdɑ́Ꞌ ńcẅɛt 19:12

Mík mɛ́ kyɛꞌ zʉꞋ pɑ́Ꞌ lʉ́m-múk lɑ́, ɑ tɔꞋ mɛcɔꞋ-nɛfɔɔ tɛ ɛ́ zɑ́ɑ zɑ́ɑnɛ, mbɔ pɛ́ ŋwɑꞋnɛ mɛcɔ́ mɛlík nǔu wɛ́, mi wɛcɔ́ ŋu kɑ́ jí yúu mi ɛ́ lɔknɛ ńcú pɔ́ tɛ ndíꞋ ndɑꞋ jʉ́.

Mɛnu ɛ́ ńdɑ́Ꞌ ńcẅɛt 20:2

A ɡẅɛɛ mɑ́mɑ́ nɔ́nɛŋɡɛ́m wɑ́, jʉ́ wɑ́ ẅi ɑ nɔ́ wɑ́ ẅi ɑ kɑ fúnɛ tɛ ŋkɑ́mbi lɑ́, jʉ́ ẅi ɑ dɛɛbɛlɛ, ḿbɛn ḿbɔ́ Sɑ́ttɑ lɑ́, ńdɔk cɛ̂n ɛ̂yɑ́ ŋ́kút wɛ́ pɑ́Ꞌ ɑ ɡʉ ŋ́kɛ́ ḿbɔ́ pɔ mɛŋkʉ nǔu ŋɡuꞋ ntsɑ́Ꞌ.