Mɛnu ɛ́ ńdɑ́Ꞌ ńcẅɛt 10:1 - Kɑɑ Fí

¹ M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ, ɑ pɔ́ ɛ́fú tʉ́nɛ́pú ḿpfúu, yɛcɔ́ ntɛ́ mɛlɑ́ɑ pɔɔ mbʉʉ yɛ pɑ́Ꞌ ndẅí pɔɔ mbʉʉ-ŋu lɑ́. Ŋkɔŋ-ŋɡɛ́mnɔ́ zɛmɛ tú yɛ́. Shʉ́ wɛ́ pɔ́ pɑ́Ꞌ lík-nɛm lɑ́. Mɛntɑ́ɑ mɛ́ pɔ́ mɑꞋ mɛlʉ́m-múk mi ɛ́ pʉꞋnɛ́nɛ ńtʉ́ʉ tʉ́ʉnɛ lɑ́.

Mɛnu ɛ́ ńdɑ́Ꞌ ńcẅɛt 10:1 ပူးပေါင်းရင်းမြစ်များ

Mɑtʉ̈ɔ 17:2

Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.

Lúkɑ́shi 21:27

Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.

ŊwɑꞋnɛ-Gɑŋntúu Yɛ́su Kɛlístɔ 26:13

Nɑɑ kɛ́mɑꞋ, m bɔ́ sɛ̂ndúŋ pɔ́Ꞌɔ nɛnɛm, ńjʉ́ɔ yɛcɔ́ yúu fú tʉ́nɛ́pú, ŋ́kyɛꞋ zʉꞋ, ŋ́ŋwɑŋɛ tɛ ńtsɑ lík-nɛm, ŋ́kyɛꞋ wɛk pʉɔ pinɛ pɛk pɛpɔ́p ḿbɔ́nɛ sɛ̂ndúŋ.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 18:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, n jʉ́ɔ wɛcɔ́ Cʉ̈ɔꞋ-Sɛ́ fú tʉ́nɛ́pú ńcúŋ, mɛ́ mɛtʉʉ ɡúꞋ tɛꞋ, wɛ nɛŋwɑ́ŋɛ pûu ŋ́kyɛꞋ tsɛ́tsɑ́Ꞌ tsʉʉ.

Mɛnu ɛ́ ńdɑ́Ꞌ ńcẅɛt 18:21

Wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ tɛꞋ ɡɔ́ɔ ŋ́kɛ́ ńtíi wɛcɔ́ mɑ́mɑ́ ŋɡɔꞋ, ɛ́ jɔt pɑ́Ꞌ luŋ-ŋɡɛsɑ́ŋ lɑ́, ŋ́ɡɔ ńjɛ́ꞌ ḿmɑꞋ tsɛt ŋki kɛ́ nɛpɑt, ḿbɔ́ ńcú ŋɡɔ: «Ɛ́ lɑɑ ḿbɔ́ yi pɛ́ ńjɛ́ꞌ yɔ ŋɡɔꞋ ḿmɑꞋ, ɛ́ vu ŋki nɛ́ tʉʉ ŋɡɔ́ku ɔɔ, mbɔ ɛ́ ndʉ́ŋndʉŋ pɑ́Ꞌ pɛ́ ɡʉ ŋ́ɡɛ ńjɛ́ꞌ wú Mbɑbilɔ̂nɛ, mɑ́mɑ́ tʉ́sɔŋ, ḿmɑꞋ, ɔ vu yú pɔ́Ꞌɔ. Pɛ́ pɛn mbɔɔ lɑ́Ꞌ ḿbɛn ńjʉ́ɔ wú pɔ́.»

Mɛnu ɛ́ ńdɑ́Ꞌ ńcẅɛt 20:1

M bɛn ńjʉ́ɔ wɛcɔ́ cʉ̈ɔ́Ꞌ-Sɛ́ fú tʉ́nɛ́pú ḿbɔ́ ḿpfúu, ŋ́ɡẅɛɛ tsɔ́Ꞌ lɔk ńtsɔ́Ꞌ ntsu-nɛpʉ́ kɛ́ ndúŋ, ḿbɛn ŋ́ɡẅɛɛ wɛcɔ́ mɑ́mɑ́ cɛ̂n mbɔ́ wɛ́.

Mɛnu ɛ́ ńdɑ́Ꞌ ńcẅɛt 4:3

A kɑ ŋwɑŋɛ pɔ pɑ́Ꞌ yɛcɔ́ ntɛ́ mɛŋɡɔꞋ mi ɛ́ mɛtʉʉndɛn, pɛ́ fúŋ yɛcɔ́ ŋɡɔ Jɑ́spɛ, ɛ́fúŋ yɛcɔ́ ŋɡɔ Sɑldwɑnɛ lɑ́. Ŋkɔŋ-ŋɡɛ́mnɔ́ zɛmɛ kɔꞋ-nɛfɔɔ ɛ̂nɑ́ ńníꞋ sɔŋ ḿbɔ́ ŋwɑŋɛ pɑ́Ꞌ yɛcɔ́ ntɛ́ ŋɡɔꞋ tʉʉndɛn yi pɛ́ fúŋnɛ ŋɡɔ Ɛmɛlɔd.

Mɛnu ɛ́ ńdɑ́Ꞌ ńcẅɛt 5:2

M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅí ɑ ɡẅɛɛnɛ mɛtʉʉ, ɑ cú nɛ́ ŋɡi tɛnnɛ ŋɡɔ: Lɑ́ ŋu ɡú ẅi ɛ́ lɑɑ ḿbɔ́ ɑ kuꞋ ŋu ẅi mbɔ ɑ ŋíɛꞋ ŋɛmɛ-ŋwɑ́Ꞌ ɛ̂yɑ́, ŋ́kíɛꞋ ŋwɑꞋnɛ yɔ?

Mɛnu ɛ́ ńdɑ́Ꞌ ńcẅɛt 8:13

M bɛ́t ńdíŋɛ líŋɛ́nɛ ńzúꞋ wɛcɔ́ mɑ́mɑ́ mɑ́ɡúu ẅí ɑ kɑ pɔ́ ńtɑt tɛ tʉ́ pɔ́ ńcú nɛ́ ŋɡi tɛnnɛ ŋɡɔ: Pʉʉ pɛpʉ́ktú. Pʉʉ pɛpʉ́ktú. Pʉʉ pɛpʉ́ktú. Pʉʉ pʉɔmɛsɔŋ pi pʉʉ ndǔ tsɛ́tsɑ́Ꞌ, tʉ́ʉ ńjʉ́ɔ mɛntɑŋ mí pɛcʉ̈ɔ́Ꞌ-Sɛ́ pɛ́tɑ́t pɛ́t lɑ ŋ́ɡʉ ńtɔ́ŋ.