Mɑtʉ̈ɔ 9:15 - Kɑɑ Fí

¹⁵ Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ nɛlúŋ-ŋu, ɑ pɛ́t ńnɑ́ŋ nɑ́ŋnɛ pɛsúu pɛ́ pi pɛ́ lɑ́Ꞌnɛ ɛ́fúŋ nɑ́ŋ tsɛt nɛmʉk mɛlɑ́Ꞌ kʉ̈ɔ́? Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑꞋ wɛ́, pɔ́Ꞌɔ lɑ́, pɔ́p nɑ́ŋ nji ŋkɑ́ ɛ̂yɑ́.»

Mɑtʉ̈ɔ 9:15 ပူးပေါင်းရင်းမြစ်များ

Mɑtʉ̈ɔ 9:14

Gɑŋku-Jɑ̂ŋ ɡɛ ńtɔ́, ḿbíkŋɛ Yɛ́su ŋɡɔ: «Pɛk pɛ́ pɑfɑlísɑy nɑ́ŋ ŋ́kɔŋ kɔŋnɛ ńnɑ́ŋ njí, pú pʉɔ kɛ́ ḿbɔɔ pɔ́Ꞌɔ ɡɛ mɛlɑ́Ꞌ kʉ̈ɔ́?»

Mɑtʉ̈ɔ 9:16

Yɛ́su pɛn ɛ́sɑk nɛkɛt ńcú ŋɡɔ: «Ɛ́ lɑɑ ḿbɔ́ ŋu pɔɔ lɔk yúu-ndẅí fí ńdɔk ńtsɛ́t nɛpʉ́ nǔu ndwɛn ndẅí pɔ́. Ŋu lɑɑ ŋ́ɡɛ pɔ́Ꞌɔ, mbɔ yúu-ndẅí fí ɡʉ ŋ́kẅiꞋ ɛ́sɑ ndẅí, nɛpʉ́ kẅiꞋ ŋ́ɡúꞋ.

Mɑ́lɛ́kúshi 2:19

Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ ńnʉŋ nɛlúŋ-lɑ́ɑndɑ́-ŋu, ɑ pɛ́t ńnɑ́ŋ nɑ́ŋnɛ, pʉɔ pi pɛ́ lɑ́Ꞌnɛ ɛ́fúŋ nɑ́ŋ nji ŋɡɔ́ku? Pɔ́p pɛpɔ́p lɑɑ ḿbɛ́t ńnɑ́ŋ nɑ́ŋnɛ, mbɔ pɔ́p ɡʉ ŋ́kɛ́ ŋ́kwɛ́t pɔ yúu.

Mɑ́lɛ́kúshi 2:20

Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑ́Ꞌ wɛ́, pɔ́p ɡɔ́ɔ ŋ́kɛ́ ńnɑ́ŋ nji ŋkɑ́ ɛ̂yɑ́.»

Lúkɑ́shi 17:22

Yɛ́su pɛn ńcú mbɔ̌ ɡɑŋku pɛ́ zɛ́nɛ pɔ́p ŋɡɔ: «Yɛcɔ́ ŋkɑ́ ɡʉ ŋ́ɡɛ ḿbɔ́ pʉʉ tsɑ́ɑ pɑꞋ pʉʉ pɛ́ Mɔ́ɔ-ŋu ɡʉ ḿbɛn ńjúk pɔ ndɑꞋ tɑ́Ꞌ lɛ́Ꞌ,kɛ́ ḿbɔɔ wɛ́ jʉ́ɔ.»

Lúkɑ́shi 5:34

Yɛ́su pʉ̈ɔt mbɔ̌ pɔ́p ŋɡɔ: «Ḿbɔ́ pɛ́ ɡʉ nɛlúŋ ŋu, ɑ pɛ́t ńnɑ́ŋ ńnɑ́ŋnɛ, pʉɔ pinɛ ɑ fúŋnɛ wɔ́p ńnɑ́ŋ nji?

Lúkɑ́shi 5:35

Lɑ́, pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑ́Ꞌ wɛ́, pɔ́p ɡɔ́ɔ ŋ́kɛ́ ńzɛ nɛnɑ́ŋ nji ŋkɑ́ ɛ̂yɑ́.»

Jɑ̂ŋ 16:6

Pʉʉ kɛ́ ḿbɔ́ ḿmʉk mʉknɛ, mbíꞋŋɡɔ ɛ sẅíi wʉ́ʉ ŋɡɔ ŋ ɡʉ ŋ́ɡʉ.

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

1 Kɔlɛ̂ŋtɛ 7:5

Kɔɔ ŋu mbɛ́ɛnɛ lʉꞋ nu mbɔ̌ nzwɛ́ wɛ, kɔɔ mɑŋɡɛ́ kɛ́ ńdʉꞋnɛ yɛ́ mbɔ̌ ndúu mɛ. Ɛ́ lɑɑ ḿbɔ́ pʉʉ ɡɛ pɔ́Ꞌɔ, pɔ nǔu mɔ́ɔ mɔ́ŋkɑ́ ẅi pʉʉ lɔknɛ tɑ́Ꞌ ntsu ńjʉ́ɔ ŋɡɔ pʉʉ ɡʉ ḿbúꞋ mbɔ́ mbɔ̌ Sɛ́, ḿbúꞋ mbɔ́ mbɔ̌ Sɛ́ tɛ ḿbɔ́tnɛ ńnɑ́ŋ, pʉʉ pɛn ńnɑ́ŋ tsɛt lɑ́ɑndɑ́ yʉ́ʉ pɑ́Ꞌ pʉʉ zɛɛnɛ ńnɑ́ŋ, ḿbɔ́k nɛpɔ́ yi ɛ́ lɑɑ ḿbɔ́ Sɑ́ttɑ lɔk pɑ́Ꞌ pʉʉ kɑ́ɑnɛ nɛɡẅɛɛtɛ mbʉʉ yʉ́ʉ ŋ́kwɑꞋnɛ wʉ́ʉ.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

Mɛnu ɛ́ ńdɑ́Ꞌ ńcẅɛt 19:9

Wɛcɔ́ Cʉ̈ɔꞋ-Sɛ́ cú mbɔ̌ mɔ ŋɡɔ: «ŊwɑꞋnɛ tsɛt ŋwɑꞋnɛ ŋɡɔ pɛpɔ́ttʉ́ pʉɔ pí pɛ́ fúŋnɛ wɔ́p zʉꞋ-ndínɑ lɑ́ɑndɑ́-mɔ́ɔ-Njinjɔ, ḿbɛn ńcú mbɔ̌ mɔ ŋɡɔ: Ɛ́ sẅiŋɛ yi ɛ́ cẅɛtnɛ kwɑꞋ ntsu-Sɛ́.»

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.