Mɑtʉ̈ɔ 9:13 - Kɑɑ Fí

¹³ Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Mɑtʉ̈ɔ 9:13 ပူးပေါင်းရင်းမြစ်များ

Mɑtʉ̈ɔ 12:3

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ ŋkɑɑ mɔ́ ɛ́fúŋ zʉꞋ-ŋwɑꞋnɛ-Sɛ́ yi ɛ́ lɛꞋlɛ́nɛ yúu mi fɔɔ Ndɑvît kɑ ɡɛnɛ pɔ́ kɛ? Pɑ́Ꞌ ɛ́ kɑ pɔ́ yɛcɔ́ lɛ́Ꞌ, njí zɑ́ŋ wɔ́p pɛ́ pʉɔ pɛ́.

Mɑtʉ̈ɔ 12:5

Kɛ pʉʉ ŋkɑɑ mɔ́ ɛ́fúŋ tsɛt ŋwɑꞋnɛ-Mɔ̌sɛ̂ɛ, ŋɡɔ ɛ́ lɛ́Ꞌnji-Pɑyúdɑ, pɑnɔŋpɔꞋ pi pɔ́p ɡẅɛɛnɛ fɑꞋ zʉꞋ-nɔŋpɔꞋ kɛ́ mbɔɔ jẅiitɛ, lɑ́ ɛ́ pɔɔ ńdɔk ḿbɔ́ ŋɡɔ pɔ́p fɑɑnɛ nɛpʉ́ʉ pɔ́.

Mɑtʉ̈ɔ 12:7

Pʉʉ pɛ́Ꞌnɛ ńjí yúu mi zʉꞋ-ŋwɑꞋnɛ yi ɛ́ cúnɛ ŋɡɔ: Ŋ kɔŋ tsɑ́ɑ mɛjʉ́ŋ, ńtsɑ yúu-pɔꞋ yí pɛ́ lɔknɛ ŋ́ɡúꞋlɛ wɑ́ɑ lɔknɛ ńcú, mbɔ pʉʉ kɑ́ zɑ́p nu tú-pʉɔ pɔ́nɛ, pi pɔ́p kɑ́ fɑɑnɛ nu pɔ́.

Mɑtʉ̈ɔ 19:4

Yɛ́su píkŋɛ wɔ́p ŋɡɔ: «Pʉʉ kɑ́ fúŋ ŋwɑꞋnɛ-Sɛ́ ńzúꞋ pɔ́ kɛkʉ̈ɔ́? Pɛ́ kɑ ŋwɑꞋnɛ ŋɡɔ: Sɛ́ kɑ nɔŋ ŋɡɔŋ ḿbɔ́ɔ ŋu mbɛ́ɛnɛ pɔ́p mɑŋɡɛ́.

Mɑtʉ̈ɔ 21:42

Yɛ́su pɛn ńcú mbɔ̌ pɔ́p ŋɡɔ: «Pʉʉ ŋkɑɑ mɔ kɑ́ fúŋ zʉꞋ-ŋwɑꞋnɛ-Sɛ́ pɔ́ ɔɔ?» Ɛ́ cú ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́. Tsɑpʉɔ kɑ ɡɛnɛ pɔ́Ꞌɔ, ɛ́ pɔ́ mɑ́mɑ́ nu sʉ́Ꞌnɛ mík pɛkŋɛ?

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 3:8

Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑ́lɛ́kúshi 12:26

Ɛ́ ɡʉ nǔu pɛpfú pi pɔ́p ńzẅíimɛ nǔu nɛvú, mbɔ pʉʉ ŋkɑɑ mɔ́ ɛ́fúŋ yúu mi Mɔ̌sɛ̂ɛ kɑ ŋwɑꞋnɛ́nɛ, ńdɛꞋlɛ yúu mi Sɛ́ kɑ cúnɛ mbɔ̌ wɛ́, zʉꞋ yí yɛcɔ́ mɔ́yúu tʉ́ kɑ pɔ́nɛ zúꞋu, múk pɔ́ nǔu pɔ́ kɛ? Sɛ́ kɑ pɔ́ ńcú ŋɡɔ: «Mɔ, Sɛ́-Ábɛlɛhɑ̂m, ḿbɔ́ Sɛ́-Ɛ́sɑk, ḿbɔ́ Sɛ́-Yɑkɔ̂p.»

Mɑ́lɛ́kúshi 12:33

Ɛ́ pɔŋ ŋɡɔ ŋu kɔŋ wɛ́ nɛ́ ŋɡɔŋ tʉ́m yɛ́ tsʉʉ, nɛ́ jínu yɛ́ pɔ́p mɛtʉʉ mɛ́ tsʉʉ, ḿbɛn ŋ́kɔŋ mɔ́ɔmɑ́ wɛ ŋumɛsɔŋ pɑꞋ túmbʉʉ yɛ́. Ŋɡɑŋ ɡɛ pɔ́Ꞌɔ, ɛ́ pɔŋ Sɛ́ ńtsɑ nɛtɔɔ mɛyúumɛku ŋ́ɡɑ́ mbɔ̌ wɛ́, ńtsɑ mbɑ yúu-pɔꞋ yi mbɔ ɑ ɡɑ́ mbɔ̌ wɛ́.»

Mɑ́lɛ́kúshi 2:17

Yɛ́su zúꞋ, ɛ́sɑk nɛkɛt mbɔ̌ pɔ́p ŋɡɔ: «Mbɔ ŋu pɔɔ pɔ́ sʉ́Ꞌnɛ ŋ́ɡʉ ńdɔɔ ŋɡɛmɛfu pɔ́, ŋu ɡɔɔ lɑ ńdɔɔ wɛ́. Mɔ ŋkɑɑ tɔ́ pɔ nɛfúŋ pʉɔ pi pɔ́p kwɑŋɛ ŋɡɔ pɔ́p pʉɔ sʉ́Ꞌnɛ ŋɡɔ pɔ́p pɛn mbɔ̌ Sɛ́ pɔ́. Ŋ kɑ tɔ́ ntɛ́ pɔ ɡɑŋmɛfɑɑnɛ.»

Lúkɑ́shi 10:26

Yɛ́su zúꞋ pɔ́Ꞌɔ, ńcú mbɔ̌ wɛ́ ŋɡɔ: «Ɔ fúŋ yú ŋwɑꞋnɛ-Sɛ́ ńzúꞋ pɔ ŋɡɔ ku?»

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 5:31

Yɛ́su pɑ́Ꞌ mbɔ̌ pɔ́p ŋɡɔ: «Ḿbɔ́ ŋu pɔɔ pɔ́ ntʉʉ ŋ́ɡʉ ńdɔɔ ŋɡɛmɛfu pɔ́. Ŋu ɡɔɔ lɑ ńdɔɔ wɛ́.

Lúkɑ́shi 5:32

Mɔ ŋkɑɑ tɔ́ pɔ nɛfúŋ pʉɔ ndʉ́ŋndʉŋ pɔ́. Ŋ kɑ tɔ́ ntɛ́ pʉɔ kɛpɔŋ ŋɡɔ pɔ́p kúpmɛ mɑt wɔp.»

Jɑ̂ŋ 10:34

Yɛ́su tsɔ́Ꞌ mbɔ̌ pɔ́p ŋɡɔ: «Pɛ́ ŋkɑɑ ŋwɑꞋnɛ tsɛt ŋwɑꞋnɛ-ndɛn kɑɑ yʉ́ʉ ŋɡɔ Sɛ́ cú ŋɡɔ: Mɔ, n cú ŋɡɔ pʉʉ mɛsɛ́ pɔ́»?

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

2 Pyɛ̂ 3:9

Tsɑpʉɔ ŋ́kɑɑ líi nɛɡɛ yúu mi ɑ kɑ kɑꞋnɛ nɛɡɛ pɑ́Ꞌ pɛcɔ́ pʉɔ sɛ́ ŋ́kwɑŋɛ pɔ́. A ɡẅɛɛ pɔ kɔkmbʉʉ mbíꞋ wʉ́ʉ, mbíꞋŋɡɔ ɑ kɑ́ pɔ́ ŋ́kɔŋ ŋɡɔ wɛcɔ́ tɑ́Ꞌ ŋu pɛ́ pɔ́, ɑ sɛ́ ŋ́kɔŋ pɔ ŋɡɔ pʉɔ pɛtsʉʉ ɡẅɛɛ shʉ́ nɛkúpmɛ mɑt.