Mɑtʉ̈ɔ 8:1 - Kɑɑ Fí

¹ Yɛ́su pɛn ŋ́ɡɔ́ ɛ́fú ndǔ nɛŋkɔ́Ꞌ ḿpfúu, nɔɔ-lɑ́Ꞌ tɛ ńzɑ́ɑ cʉ́ɔ nzʉʉ yɛ́.

Mɑtʉ̈ɔ 8:1 ပူးပေါင်းရင်းမြစ်များ

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 15:30

Nɔɔ-lɑ́Ꞌ tɔ́, ŋ́ɡɔ́ ńtɔ́, ńdɔk ɡɑŋpʉ̈ɔ́Ꞌtɛ mɛku, pɔ́p pɛfʉmík, ŋ́ɡɛ ɡɑŋ-kẅíꞋlɛ, pɔ́p cípúꞋ, mbɑ pɛcɔ́ ɡɑŋɡɔɔ tɛ ńzɑ́ɑ. Pɔ́p lɔk wɔ́p ńtɔ́ mbi Yɛ́su pɔ́Ꞌɔ, ɑ ɡɛ pɔ́p fíitɛ pɛtsʉʉ.

Mɑtʉ̈ɔ 19:2

Lɑ́Ꞌ cʉ́ɔ nzʉʉ yɛ́ tɛ ńzɑ́ɑ. A kúu zúꞋu ŋ́ɡɛ ɡɑŋɡɔɔ tsɛtsɛt pɔ́p fíitɛ.

Mɑtʉ̈ɔ 20:29

Yɛ́su pɔ́p ɡɑŋku pɛ́ ɡɛ ḿbɔ́ ɛ́fú tsɛt tʉ́sɔŋ-Yɛlíkɔ ńcẅɛt, nɔɔ-lɑ́Ꞌ cʉ́ɔ nzʉʉ yɛ́.

Mɑtʉ̈ɔ 4:25

Lɑ́Ꞌ mɛnɔɔ mɛnɔɔ fú Ŋɡɑlilɛɛ, ɛ́fú tsɛt mɛtʉ́sɔŋ nɛɡɛ́m, ɛ́fú Yɛlúsɑlɛm, ɛ́fú Judɛ̂ tɛ mbɑ nǔu yɛcɔ́ njʉ́n-ŋki-Juudɛŋ, ńcʉ́ɔ nzʉʉ yɛ́.

Mɑtʉ̈ɔ 7:29

mbíꞋŋɡɔ ɑ ŋkɑɑ pɔ́ ŋ́ɡɛ pɑ́Ꞌ pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́. A m̄bɔ́ ńzíꞋ tɛ ńjí yúu mi ɑ ɡɛnɛ.

Mɑtʉ̈ɔ 8:18

Yɛ́su jʉ́ɔ pɑ́Ꞌ lɑ́Ꞌ cúꞋlɛ́nɛ nɛjɔ́ŋ yɛ́ tɛ ńzɑ́ɑ, ńcú mbɔ̌ ɡɑŋku pɛ́ ŋɡɔ pɔ́p pɛ́pɔ́p túu nǔu yɛcɔ́ njʉ́n-ŋki.

Mɑtʉ̈ɔ 8:2

Wɛcɔ́ ŋɡɑŋkɑꞋpɑ́p tɔ́ ŋ́kẅíꞋlɛ sɛ́ mbi yɛ́, ńcú ŋɡɔ: «Tsɑpʉɔ n jí ŋɡɔ ɔ lɑɑ ŋ́kɔŋ, mbɔ ɔ kuꞋ nɛɡɛ ɛ fíitɛ.»

Mɑ́lɛ́kúshi 3:7

Yɛ́su pɔ́p ɡɑŋku pɛ́ ɡɛ ɛ́fú zúꞋu ŋ́ɡʉ nɛ́ mbʉʉ mɑ́mɑ́ mí-Ŋɡɑlilɛɛ. Nɔɔ-lɑ́Ꞌ tɛ ńzɑ́ɑ cʉ́ɔ nzʉʉ yɛ́, ɛ́fú ɡúŋ-pɑk-ŋɡɔŋ-Ŋɡɑlilɛɛ mbɑ ɡúŋ-pɑk-ŋɡɔŋ-Judɛ̂,

Lúkɑ́shi 5:15

Yɛ́su kɑ tɔꞋ wɛ pɔ́Ꞌɔ, pɛ́ kɛ́ ḿbɔ́ ŋ́kẅiꞋ ŋ́kẅíitɛ wɛ́ kẅíitɛ́nɛ, tɛ lɑ́Ꞌ pɛn ŋ́kẅiꞋ ńtɔ́ nɛzúꞋ sẅiŋɛ yɛ́ mbɑ nɛpɔ́ yi ɑ ɡʉ ńzɔŋ mɛɡɔɔ mɔ́p.