Mɑtʉ̈ɔ 7:7 - Kɑɑ Fí

⁷ Pʉʉ lɔ́ɔ, Sɛ́ ɡʉ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡʉ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́, ɑ ɡʉ ńtsɔ́Ꞌ ŋ́ɡɑ́ mbɔ̌ pʉʉ.

Mɑtʉ̈ɔ 7:7 ပူးပေါင်းရင်းမြစ်များ

Mɑtʉ̈ɔ 18:19

KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.

Mɑtʉ̈ɔ 21:22

Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.

Mɑtʉ̈ɔ 6:33

Pʉʉ luŋmbi ńzúꞋ pɔ nu-nɛfɔɔ-Sɛ́, pɔ́p yúu mi Sɛ́ sɛ́ ŋ́kɔŋ, ɑ tsʉ́Ꞌ ŋ́ɡɑ́ mîmɑ́ mɛyúu ńdɔk ŋ́kẅiꞋ kẅiꞋnɛ.

Mɑtʉ̈ɔ 7:11

Pʉʉ ẅí pʉʉ fʉꞋnɛ́nɛ nu tɛꞋ jí nɛɡɑ́ yúu sʉ́Ꞌnɛ mbɔ̌ mbɔ́ŋkʉ̈ɔ́ pʉ́ʉ, tɛ ŋkɑ́ yɛsʉ́Ꞌʉ́ nǔu Tɑ̌ɑ wʉʉ ẅí ɑ tʉ́nɛ́pú? A ɡʉ ŋ́ɡɑ́ yúu sʉ́Ꞌnɛ mbɔ̌ pʉɔ pi pɔ́p lɔ́ɔnɛ mbɔ̌ wɛ́.

Mɑtʉ̈ɔ 7:8

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡʉ ŋ́ɡɑ́ mbɔ̌ wɛ́, ńdɔɔ, mbɔ ɑ ɡʉ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡʉ ńtsɔ́Ꞌ ŋ́ɡɑ́ mbɔ̌ wɛ́.

Mɑ́lɛ́kúshi 11:24

Yúu mi ɛ́ ɡɛnɛ lɑ́ ɛ sẅíi wʉ́ʉ ŋɡɔ: Kʉ̈ɔ́ lɑ́ yi pʉʉ sɛ́ ńcɛꞋlɛ Sɛ́ ńdɔ́ɔ, pʉʉ pɛ́m ŋɡɔ pʉʉ ńdɑ́Ꞌmɔ́ ŋ́ɡẅɛɛ, Sɛ́ ɡɑ́ mbɔ̌ pʉʉ.

Lúkɑ́shi 13:25

Ŋkɑ́ ɡɛ ńdɑ́Ꞌ ŋ́kuꞋ, ŋɡɑŋndɑ́ lɔ sɛ́ ńjʉ̈ɔ́Ꞌ ntsundɑ́, pʉʉ pi pʉʉ pɛ́t píi lɑ́, pʉʉ zɛ nɛpúꞋ ntsundɑ́, ḿbɔ́ ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, tsɔ́Ꞌ ntsundɑ́ pɛk kúu ndɑ́. Lɑ́, ɑ cú mbɔ̌ pʉʉ ŋɡɔ: Ŋ kɑ́ pɔ́ ńjí pʉɔ pinɛ pʉʉ pɛ́t pɔ́!»

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 3:11

Wɛcɔ́ ŋu ẅí ɑ ɡẅɛɛnɛ jínu kɑ́ pɔ́ ɡú pɔ́. Wɛcɔ́ ŋu ẅí ɑ tsuŋ ḿbɔ́ ńtsɑ́ɑ nɛjí sɛ̂ndúŋ-Sɛ́ ɑ kɑ́ pɔ́ ɡú pɔ́.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Jɑ̂k 5:15

CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.