Mɑtʉ̈ɔ 7:3 - Kɑɑ Fí

³ Ɛ́ pɛn ŋ́ɡɛ ŋɡɔ́ku ɔ pɔ́ ńjʉ́ɔ mɔ́ ŋɡʉɔ-píi yi ɛ́ vunɛ lík-mɔ́ɔmɑ́ wu, lɑ́ kɛm-ntsẅíi nɔɔ lík ɡu, ɔ pɛn ŋ́kɛ́ ḿbɔɔ ḿbɔ́ ńjʉ́ɔ pɔ́ ɔɔ?

Mɑtʉ̈ɔ 7:3 ပူးပေါင်းရင်းမြစ်များ

Mɑtʉ̈ɔ 7:4

Mbɔ ɔ ɡɛ ŋɡɔ́ku, lɑ́ ńcú mbɔ̌ mɔ́ɔmɑ́ wu ŋɡɔ: «Mɔ́ɔmɑ́, tsʉ́Ꞌ n cẅɛɛtɛ ŋɡʉɔ-píi yɑ́ yi ɛ́ lík ɡu lɑɑ, ŋ́ɡɔ́ ńcú, ḿbɔɔ ḿbɔ́ ńjʉ́ɔ kɛm-ntsẅíi mi ɛ́ nɔɔnɛ tsɛt yú pɔ́ ɔɔ?» Lɑ́ ɛ́ zɛɛ ḿbɔŋ nɛɡẅɛɛ jínu.

Mɑtʉ̈ɔ 7:5

Ŋkɔŋmík! Piitɛ ńcẅɛɛtɛ kɛm-yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík-mɔ́ɔmɑ́ wu.

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.