Mɑtʉ̈ɔ 7:24 - Kɑɑ Fí

²⁴ «Ŋu lɑɑ ńtɔ́ ńtsɛ́t wɑ́ɑ, ńzẅíꞋlɛ sẅiŋɛ yɑ́ɑ, ŋ́ɡɛ pɑ́Ꞌ ɛ́ sɛ́ ḿbíkŋɛ, mbɔ ŋɡɑŋ fí wɛcɔ́ njínu wɑ́ ẅi, ɑ kɑ tsʉ́Ꞌ nɛkút ndɑ́ yɛ́, ńtúŋ zʉꞋ tɛ ńjʉ́ɔ mɑ́mɑ́ ŋɡɔꞋ, ńtík ndɑ́ ndǔ.

Mɑtʉ̈ɔ 7:24 ပူးပေါင်းရင်းမြစ်များ

Mɑtʉ̈ɔ 12:50

Ŋu ɡɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ, mbɔ ẅîwɑ́ ŋu mɔ́ɔmɑ́ wɑɑ wɛ mbɛ́ɛnɛ, ḿbɔ́ wɛ mɑŋɡɛ́, ḿbɔ́ mɑmɑ́ wɑɑ.

Mɑtʉ̈ɔ 16:18

Ŋ ɡʉ ŋ́kɛ́ ḿbɛn ɛ́sẅíi wú, kwɑꞋ nɛ́nẅín, ŋɡɔ: «Ɔ Pyɛ̂, ńdɔk ńcú ŋɡɔ ŋɡɔꞋ, ŋ ɡʉ ŋ́ɡɛ ńtík cúꞋlɛ-pʉɔ pɑ́ɑ ndǔ ŋɡɔꞋ ɛ̂yɑ́. Tɛ mbɑ nɛvú pɔɔ lɑ́Ꞌ ŋ́kuꞋ nɛnʉꞋnɛ yîyɑ́ cúꞋlɛ pɔ́.

Mɑtʉ̈ɔ 24:45

ŊɡɑŋfɑꞋ ẅí ɑ zúꞋnɛnɛ, ḿbɛn ŋ́ɡẅɛɛ jínu ɑ pɑ́Ꞌɑ? A ẅi tɑ́fɑꞋ wɛ kɑ níꞋnɛ pʉɔ pɛ́ mbɔ̌ wɛ́, pɑ́Ꞌ ɑ ɡʉ ńtsʉ́Ꞌ ŋ́ɡɑ́ yúupɛjʉ́ mbɔ̌ pɔ́p nǔu ŋkɑ́ yi ɛ́ sɛ́ ḿbíkŋɛ.

Mɑtʉ̈ɔ 25:2

Pɛ́ pɛ́tɑɑ pɔ́ tsɛtsɛt pɔ́p ḿbɔɔ jínu ɡẅɛɛ, pɛ́ pɛ́tɑɑ ɡẅɛɛ jínu.

Mɑtʉ̈ɔ 25:4

Pi pɔ́p kɑ ɡẅɛɛnɛ jínu kɑ ɡɔ́ ńtíi mɛkyɛꞋ mɔ́p, ḿbɛn ńníꞋ mɛcɔ́ mɛɡwɛ́t tsɛt yɛcɔ́ yúu ndɛꞋ ŋ́ɡẅɛɛ.

Mɑtʉ̈ɔ 25:9

Pi pɔ́p ɡẅɛɛnɛ jínu pʉ̈ɔt ŋɡɔ: «Pɛk kɛ́ ɡɑ́ pɔ́, pɛk lɑɑ ŋ́ɡɑ́, mbɔ mɛ́k ɡʉ ńjɑ́k. Pʉʉ ɡʉ pɔ ndɑ́-mɛtɑ́ɑ ńzúu mʉ́ʉ.»

Mɑtʉ̈ɔ 7:25

Mbʉŋ ɡɛ ńdɔ́, ŋ́ɡʉ ŋki tɔ́, fɛfʉ̈ɔt tsʉ́Ꞌnɛ, ńtɛ́mɛ nǔu ndɑ́. Ndɑ́ pɔɔ vu, mbíꞋŋɡɔ pɛ́ kɑ tík ndɑ́ nǔu ŋɡɔꞋ.

Mɑtʉ̈ɔ 7:26

Lɑ́ ŋu ẅí ɑ zúꞋnɛ sẅiŋɛ yɑ́ɑ, mbɔɔ ɡɛ pɑ́Ꞌ n cúnɛ pɔ́, mbɔ ŋɡɑŋ fí pɔ ɡʉɡʉʉ ŋu ẅí ɑ kɑ kútnɛ ndɑ́ yɛ́ kɛ́ túŋ cʉ́.

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

Jɑ̂ŋ 13:17

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

Jɑ̂ŋ 14:15

Pʉʉ lɑɑ ŋ́kɔŋ wɑ́ɑ, mbɔ pʉʉ ɡʉ ŋ́ɡɛ ŋ́ɡẅɛɛ nɛpʉ́ʉ nɑ́ɑ.

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

Jɑ̂ŋ 15:14

«Pʉʉ lɑɑ ŋ́ɡɛ yúu mi m bíkŋɛ́nɛ wʉ́ʉ, mbɔ pʉʉ tsʉ́Ꞌ ḿbɔ́ pɔ pɛsúu pɑ́ɑ.»

Pʉɔ-Lɔ́mɑ 2:13

MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

1 Jɑ̂ŋ 2:3

Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.