Mɑtʉ̈ɔ 7:14 - Kɑɑ Fí

¹⁴ Lɑ́ ntsuŋkɑ́Ꞌ ẅi ɛ́ ɡʉnɛ lɑ́Ꞌ-luk kɛ́mɛ kɑ́ ɡúꞋ. Sɛ̂ndúŋ pɛn ŋ́kʉ́ʉpɛ, pɑlɛɛ ẅîwɑ́ kɑ́ zɑ́ɑ.

Mɑtʉ̈ɔ 7:14 ပူးပေါင်းရင်းမြစ်များ

Mɑtʉ̈ɔ 20:16

Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Mɑtʉ̈ɔ 22:14

Yɛ́su mɛkŋɛ ŋɡɔ: «Ɛ́ pɔ́Ꞌɔ, mbíꞋŋɡɔ Sɛ́ sɛ́ ɛ́fúŋ pʉɔ tɛ ńzɑ́ɑ lɑ́ pɑɡʉ tɛ ŋ́kúu pɔɔ zɑ́ɑ.»

Mɑtʉ̈ɔ 7:13

Pʉʉ tsʉ́Ꞌ nɛlɔɔ sɛ̂ndúŋ-tʉ́nɛ́pú, ńdɛɛ pɔ nǔu ntsuŋkɑ́Ꞌ ẅi ɛ́ kʉ́ʉpɛ kʉ́ʉpɛ́nɛ. Ntsuŋkɑ́Ꞌ ẅi ɛ́ ɡúꞋnɛ tɛꞋ, ɡʉ pɔ nɛ́ lɑ́Ꞌ-nɛvú. Sɛ̂ndúŋ ẅi ɛ́ ɡʉnɛ lɑ́Ꞌ-nɛvú ɡúꞋ tɛꞋ, nɛzɑ́ɑ pʉɔ sɛ́ ńdɛɛ pɔ ẅîwɑ́.

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

Mɑ́lɛ́kúshi 8:34

Ŋ́ɡɔ́ɔ ŋ́kɛ́ ɛ́fúŋ lɑ́Ꞌ mbɑ ɡɑŋku pɛ́, ńcú mbɔ̌ pɔ́p ŋɡɔ: «Ŋu lɑɑ ŋ́ɡʉ ḿbɔ́ wɑɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.»

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 9:32

Pɔ́p ŋkɑɑ kuꞋ pɔ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ pɔ́p ŋ́kɑɑ ḿbɔ́ ŋ́kwɑŋɛ ŋɡɔ pɔ́p ɡʉ ńzɑ́p tʉ́m yɔ́p nǔu Sɛ́ lɑ jʉ́ ɡɛnɛ pɔ́p pɔ́ ndʉ́ŋndʉŋ mbi yɛ́ pɔ́, pɔ́p kɑ pɔ́ ńcú pɔ ŋɡɔ pɔ́p ɡʉ ŋ́ɡɔ́ ḿbɔ́ ndʉ́ŋndʉŋ mbi Sɛ́, ńdɛɛ pɔ nǔu mɛfɑꞋ mɔ́p. Pɔ́p ɡɛ pɔ́Ꞌɔ, ŋ́ɡɔ́ɔ ŋ́kɛ́ ńtɛ́m ku yɔ́p nǔu ŋɡɔꞋ yi pɛ́ kɔɔtɛ́nɛ nǔu ḿvu sɛ́.