Mɑtʉ̈ɔ 7:1 - Kɑɑ Fí

¹ Kɔɔ pʉʉ nɑ́ŋ ńtɔ́ mɛlɔ́Ꞌ-pʉɔ, ḿbɔ́k Sɛ́ nɛtɔ́ yʉ́ʉ lɔ́Ꞌ.

Mɑtʉ̈ɔ 7:1 ပူးပေါင်းရင်းမြစ်များ

Mɑtʉ̈ɔ 7:2

Ɛ́ ɡʉ ɛ́fú pɔ nǔu ntɛ́ yi pʉʉ lɔknɛ ńtɔ́ lɔ́Ꞌ pɛcɔ́ pʉɔ, lɑ Sɛ́ pɛ́ɛ fʉꞋ nɛtɔ́ yʉ́ʉ lɔ́Ꞌ ɡúu. Pʉʉ jí ŋɡɔ: Sɛ́ ɡʉ ńtɑ́ɑ ńníꞋ pɑɑ yʉ́ʉ pɔ pɑ́Ꞌ pʉʉ zɛɛnɛ ńníꞋ yɛ́ pɛcɔ́ pʉɔ.

Mɑtʉ̈ɔ 7:5

Ŋkɔŋmík! Piitɛ ńcẅɛɛtɛ kɛm-yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík-mɔ́ɔmɑ́ wu.

Lúkɑ́shi 6:37

«Kɔɔ pʉʉ nɑ́ŋ ńtɔ́ lɔ́Ꞌ-pʉɔ ḿbɔ́k Sɛ́ nɛtɔ́ yʉ́ʉ lɔ́Ꞌ! Kɔɔ pʉʉ nɑ́ŋ ŋ́kʉ́ʉnɛ pʉɔ ḿbɔ́k Sɛ́ nɛkʉ́ʉnɛ wʉ́ʉ! Pʉʉ nɑ́ŋ ńdikŋɛ mɛfɑɑnɛ-pʉɔ, sɛ́ likŋɛ mɛfɑɑnɛ mʉ́ʉ.

Lúkɑ́shi 6:41

Ɛ́ pɛn ŋ́ɡɛ pɑ́Ꞌɑ, ɔ pɔ́ ńjʉ́ɔ mɔ́ɔmɔ ŋɡʉɔ-píi yi ɛ́ vunɛ lík mɔ́ɔmɑ́ wu, lɑ́ kɛ́m-yúu nɔɔ lík yú, ɔ pɛn ḿbɔɔ jʉ́ɔ?

Jɑ̂ŋ 8:7

Pɔ́p kɛ́ ḿbɔ́ ḿbíkŋɛ wɛ́ píkŋɛnɛ, ɑ nɑ́ŋ tɛ ḿbʉꞋ mbʉʉ yɛ́ ńcú mbɔ̌ pɔ́p ŋɡɔ: «Ŋu ẅí ɑ tsɛtsɛt pʉʉ, mbɔ ɑ ŋkɑɑ mɔ nu kɛpɔŋ ɡɛ, ɑ piitɛ ńzɛ nɛlɔk ŋɡɔꞋ ńtɛ́m wɛ́.»

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.