Mɑtʉ̈ɔ 6:24 - Kɑɑ Fí

²⁴ Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Mɑtʉ̈ɔ 6:24 ပူးပေါင်းရင်းမြစ်များ

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Lúkɑ́shi 16:11

Pʉʉ lɑɑ ḿbɔɔ kuꞋ nɛpɑɑ yúu yi yɔ njí kɛpɔŋ pɔ́, mbɔ ɛ́ lɑɑ ḿbɔ́ wɔ̌ níꞋnɛ kwɑꞋ yúu yi tʉʉ ndɛn mbɔ̌ pʉʉ?

Lúkɑ́shi 16:13

«Ɛ́ lɑɑ ḿbɔ́ wɛcɔ́ ŋɡɑŋfɑꞋ pɔɔ fɑꞋ mbɔ̌ pɛ tɑ̌ɑfɑꞋ pɛ́pɑ́ pɔ́. A lɑɑ ŋ́ɡɛ pɔ́Ꞌɔ, mbɔ ɑ ɡɛ ḿbɑɑ wɛcɔ́, ŋ́kɔŋ wɛcɔ́, ŋ́kɛ́ ḿbɔɔ pɔ́Ꞌɔ pɔ́, mbɔ ɑ ɡɛ ńcʉŋɛ nzʉʉ wɛcɔ́, ḿbɛn ŋ́ɡwɑ́k wɛcɔ́. Ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.»

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

2 Timɔtɛ́ɛ 4:10

MbíꞋŋɡɔ Ndɛmɑs ḿmɛꞋ wɑ́ɑ, ɑ kɔŋ yúu-ndǔmbí tɛꞋ. Yîyɑ́ kɑ ɡɛnɛ ɑ ɡʉ nɛ́ tʉ́sɔŋ-Tɛsɑlɔnik. Kɛlɛ́sɛn ɡʉ nɛ́ pɑk-ŋɡɔŋ-Ŋɡɑlɑ̂t, Titɛus ɡʉ nɛ́ pɑk-ŋɡɔŋ-Ndɑlmɑtîi.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.