Mɑtʉ̈ɔ 6:20 - Kɑɑ Fí

²⁰ Pʉʉ cúꞋlɛ yúu tʉʉndɛn yʉ́ʉ pɔ nɛjɔ́ŋ-Sɛ́, zʉꞋ sɑɑ pɔ́p ɡwɛ́tkɑ́ɑ kɑ́ pʉ́ʉpɛ yúu pɔ́. Pɛtsɔ́ŋ pɛn ŋ́kɛ́ ḿbɔɔ kuꞋ nɛpʉ̈ɔ́Ꞌ ndɑ́ ńtíi yúu pɔ́.

Mɑtʉ̈ɔ 6:20 ပူးပေါင်းရင်းမြစ်များ

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑtʉ̈ɔ 6:19

Kɔɔ pʉʉ cúꞋlɛ yúu tʉʉndɛn yʉ́ʉ ndǔ tsɛ́tsɑ́Ꞌ. ZʉꞋ yí sɑɑ pɔ́p ɡwɛ́tkɑ́ɑ ɡʉ ŋ́kwɛ́t tsʉʉ, ŋ́kɛ́ ḿbɔɔ pɔ́Ꞌɔ pɔ́, pɛtsɔ́ŋ pʉ̈ɔ́Ꞌ ndɑ́, ńtíi.

Mɑ́lɛ́kúshi 10:21

Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 18:22

Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

1 Timɔtɛ́ɛ 6:19

Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́bɛlʉʉ 11:26

A kɑ pɔ́ ńjʉ́ɔ ŋɡɔ pɛ́ lɑɑ ŋ́ɡwɑ́k wɛ́ pɑ́Ꞌ pɛ́ kɑ ɡɛnɛ ŋ́ɡwɑ́k Nzɑ́Ꞌŋkʉ, mbɔ ɛ́ ɡʉ ḿbɔ́ mbɔ̌ wɛ́ ḿbɔŋ ńdɛɛ fuꞋ yi ɛ́ Ɛ́ɡíptɔ, mbíꞋŋɡɔ mík mɛ́ kɑ tʉ́ʉ pɔ nǔu tsɔ́Ꞌ fɑꞋ yi ɑ ɡʉ ńdɑ́Ꞌ ŋ́ɡẅɛɛ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

Mɛnu ɛ́ ńdɑ́Ꞌ ńcẅɛt 2:9

Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.